Luku 6:45 - FỊAFỊA BAỊBỤLỤ

⁴⁵ Iḅi tomḅọ mḅọ ḅioḅẹngbọ koko wararị iḅi aị ma ḅụ iḅi aị pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma ḅụ si-aị pakama-ḅoarị. Kẹ gotẹ ọkọ ḅẹẹarị, ḅioḅẹngbọ mẹ ḅio ḅin wararị aị ma mie ḅịḅị mẹ ḅụ paka-ḅoarị.

Luku 6:45 Iomraidhean Croise

Devidi-Anume 140:5

Ḅụụ-gelemarị atomi ḍiein tuu ị̀ pịrịarị; ini ịna ḍiein ma tuu tẹ etela akaka mẹ ḅụ mie in tuu, tuu wẹrị wararị kẹ ì kuun-sịẹma ḅẹ ḅara.

Devidi-Anume 59:12

Ịna ḅịḅị apakịrị ọgọnọ si emi; tẹ ịna ẹkwẹn mamgba si-si-si. Yee ịna opu amịẹaị ma ḅụ ini in kun sịẹma! In ye gboarị pịkị iruoarị ẹrẹsị,

Devidi-Anume 59:7

Ịna kịnị mịẹ-sima aị na ịna ẹrẹma aị ma na pokii. Ịna ḅịḅị-ḅio ḅẹ aḅẹlẹ ma okologie kịkarị anịsọ in kuromarị mịnẹ gbọrụḅọ so in ḍukoarị ye mẹ naa-a.

Egberima-Ẹkwẹn 12:18

Kuroma-a tẹ kọn-arị ẹkwẹn inetẹ ogie pẹlẹ sọ-mu lamatẹ ịnọ kịka ḅa, kụma nimi ḅara kẹ kọn ẹkwẹn ma inetẹ gwọ ḅa.

Egberima-Ẹkwẹn 15:23

Anị kpọma ḅioḅẹlẹ ọkị-ḅoarị ye sọ ḅa tomḅọ karakara ẹkwẹn ḍọkị ẹrị tẹ kọọn mẹ, karakara sakị ḅụ.

Egberima-Ẹkwẹn 4:23

Ị́ ḅẹrẹ kẹ ḅiokoromarị ḅara ẹbịị; í kuromarị arị mie í ḍumo kẹ anị simearị ḅara wẹrịarị.

Jọnị 7:38

Anie pịkị Fịafịa Ḍiri mẹ ḍukoarị ye, ‘Ì minini ḅọ, minini ḅọ ḍumo-pịrịarị minji mḅọ ḅioḅẹngbọ ḅụ sime tẹ sara, sara paka-ḅo ḅa.’ ”

Fịrịmẹnjịapụ 5:3

Pita nwẹnị ọ̀ ḅẹẹ, “Ananayasị, í tiegotẹ ḍụkụ Ekwesu pịrị tẹ ori í ḅioḅẹngbọ sọ tẹ ị́ mịẹtẹ í iruo Fịafịa Tẹmẹ ḅe pịrịarị, ị́ ḅara la kiri igbigi mẹ ḅẹ pakịrị kẹ wẹrị ḅụ?

Ẹfisọsị 3:8

Yẹrị ḅe, àrị iderima Tamụnọ atomi mamgba ḅụ iderima tẹịn ḅọ nẹngịm; anịsọ Tamụnọ ò ḍiki-ḅụụjịrị ḅụ mị kụn mẹ kẹ ị̀ pịrịm, mịnẹ yẹrị Kịrayịsị kẹ tomi pịrịarị fa fa-a ngọ ma ḅẹ Iḅi-Oku mẹ ḍuko Ja asịẹ ḅẹ apụ ma pịrị ḅọ sọọ,

Ẹfisọsị 4:29

Ó si kẹ ja apụ mịẹ ḅẹ ẹkwẹn kọn ma, kụma iḅi ẹkwẹn tẹ ḅarasụa tomḅọ pịrị ḅẹ ye, mịẹtẹ ọ́ kọọn ḅarị ẹkwẹn mẹ nama sịẹmarị ye sọ tẹ anị naa apụ iḅima ḅarị ḅara.

Ẹfisọsị 5:19

Ọ́ Tamụnọ boma kịrị-kịrị anume ḅẹ ẹkwẹn kẹ ḅịḅị ḅẹlẹma, tẹ pịkị su KỊNỊNYANAḄỌ ḅe bomaa, ọmịna aḅioḅẹngbọ la tokini ḅụ.

Kọlọsị 3:16

Kịrayịsị oku mẹ na anị ḅẹ iḅi mẹmgba ọmịna aḅioḅẹngbọ ḅụ angaa. Nimi mẹmgba ḅụ ó ye kẹ jụmọ-jụmọ tolumaa. Ó Devidi nume mẹ ḅẹ aị na ja anume na fịafịa anume na suu; ó su Tamụnọ bomaa, ịmịẹtẹ-ḅẹẹ aḅioḅẹngbọ ḅụ.

Kọlọsị 4:6

Sakị mamgba tomina ḅeri ḅẹlẹ ḅarị iḅi ẹkwẹn mie ọ́ kọọn ḅarịye, tẹ ye kẹ ó gbela ḅọ gbela ḅọ, ọ́ kẹ mḅọ pakịrị ḅarị kura ḅara ọ́ nwẹn nimii.

Hiburu 8:10

KỊNỊNYANAḄỌ ḅe pịkị ḅẹẹarị, mịọkụ, mie àrị Izirẹlị ḅẹ atomi ma na fị ḅarị ọḅọkụ mẹ, ḅo ḅarị ene ma ḅụ, àrị ì oloko ma kẹ ịna akuroma ḅụ suu ḅa, tẹ pịkị mịẹtẹ ịna aḅioḅẹngbọ ḅụ ịna ḅioḅọrọ ḅịa. Àrị ịna Tamụnọ sọ ḅa, tẹ ini pịkị ị̀ atomi sọ ḅa.

Judu 1:15

kẹ ḅo tẹ fomu-ḅara kẹ Tamụnọ bala-a si amịẹaị mịẹ apụ, tẹ ḅalafama asi ẹkwẹn kọn tẹ kẹ Tamụnọ mịẹ-sima tẹ apụ mamgba pịrị ḅa.”