Luku 6:43 - FỊAFỊA BAỊBỤLỤ

⁴³ “Obi-a sịn si mgbọlụ sụa-sụa-a, anie obiarị sịn pịkị iḅi mgbọlụ sụa-sụa-a ḅara.

Luku 6:43 Iomraidhean Croise

Ayịzaya 5:4

Anị ḅio mịẹ na-iḅi aị mamgba à mịẹ tẹẹ. Anịtẹso tiye ẹrẹsị anị aka-ḅumarị mgbọlụ sụa tẹ ḅarị yẹrị ḅiiarị iḅi mgbọlụ ma sụa-a?”

Ayịzaya 61:3

Kẹ Zayọnị ḅụ kururuarị apụ ma pịrị Ḍereku na ḅioḅẹlẹ na, ḅioḅẹngbọ-si nakara, Tokini nume-su, kururu nakara. Ini opu asịn kịka ḅa Anie KỊNỊNYANAḄỌ ḅe ḅarana ḍiḅi aị. Inimgba kuraye mịẹ ḅa, Tẹ Tamụnọ tokini ḅa ọ̀ kọrị tẹ ye gotẹ.

Jerimaya 2:21

Iḅi tẹịn kụrọ-sịn mgbọlị ḅara ḅụ mie à kẹ ị́ sẹlẹ pakama-ḅo tẹ ị́ kẹ ḍiḅi ye. Kụma í ḅo sime tẹ ḅara ḍikii! Í ḅo ḅụrụ tẹ kẹ mịẹ-mịẹ ye ofori kụrọ kịka tẹẹ.

Matiyo 12:33

“Í iḅi sịnmgbọlụ nyana ḅẹ-ḅiiarị ḅẹḅẹ, iḅi sịn ḍiḅi; í si sịn ḍiḅi ḅẹḅẹ, si sịnmgbọlụ mie ị́ nyana ḅarịye. Sịn sụarị mgbọlụ ḅụ mie tomi ḅọrọ tẹ anị lekiriarị ye.

Matiyo 3:10

Ịn kẹ suku-na-suku-na ḅụ sịn ma pẹlẹ-pẹlẹ-gbin ḅarị kumbu mẹ ini anị kẹ ḅo la tẹẹ; iḅi mgbọlụ sụa-a sịn goyegoye ini anị pẹlẹ-gbin tẹ kẹ wakị kọrị fịnị mẹ ḅio suu ḅa.

Luku 6:42

Ndẹẹ ị́ ị́ mịnaḅọ ḅe ḅẹẹ ḅẹ ḅara, ‘Sisi, ị̀ mịnaḅọ, yee àrị ị́ tọrụngbọ ḅio simearị fun kalịye mẹ sin,’ í nye ḅio simearị sịn ikiḅa mẹ sọ í inetẹ ẹrị-a sakị? Ị́yẹrị tomina tọrọkọ iḅi ọkị ḍọkịḅọ! Tarị ị́ tọrụngbọ ḅio simearị sịn ikiḅa mẹ sin, anị sakị rẹ mie í inetẹ banabana ḅara kẹ ị́ mịnaḅọ ḅe tọrụ ḅio fun kalịye mẹ ẹrị tẹ siin pakama-ḅo ḅarịye.