Luku 6:41 - FỊAFỊA BAỊBỤLỤ

⁴¹ “Í tiegotẹ ị́ mịnaḅọ tọrụngbọ ḅio simearị fun kalịye mẹ ḍikiarị, tẹ ị́ tọrụngbọ ḅio simearị sịn ikiḅa mẹ kẹ ye-sịn-a?

Luku 6:41 Iomraidhean Croise

1 Amadapụ 2:32

Johabụ kọn wararị nini ma tẹ ị̀ ḍa Devidi ḅe sọ nimi-a ye mẹ KỊNỊNYANAḄỌ ḅe arị kẹ Johabụ fomu ḅa. Johabụ mịẹye-ofori ḅẹ iḅi ọ̀ nẹngị maa atomi ḅaam: Abụna, Naha owiḅọtụḅọ ḅe tẹ ḅẹrẹtọn Izirẹlị ọmụ-ogbo mẹ pịrị sime ḅọ ḅe na Amasa, Jẹta owiḅọtụḅọ ḅe tẹ ḅẹrẹtọn Juda ọmụ-ogbo mẹ pịrị sime ḅọ ḅe na.

1 Paka-aị 21:6

Kụma kịnị kịẹn mẹ ḅụ Livayị na, Benijamịnị na ori ịn kịẹn sụa-a, anị gotẹ ọkọ mịẹ ye, amadaḅọ ḅe tọn ye mẹ Johabụ ḅụụ-ḅẹlẹ-a ẹrẹsị.

Devidi-Anume 36:2

Ọ̀ kpọma ḅụụ-gelema ḅara kẹ ḅẹrẹ kuromarị ẹrẹsị: ori ọkịarị mịnẹ Tamụnọ ò si ḍọkị pakama-ḅo tẹ anị si ḅara ḍuko ḅịa.

Jerimaya 17:9

“Tụḅọ inetẹ tomina ḅioḅẹngbọ sime-ḅara nimi ḅẹ? Jen gberie-sọ ofori oḅori-kẹ-kịnịsịn anị la ye; Anị obi la ḅara ḅụ gwọ-gwọ ọkụ ofori.

Izikẹlị 18:28

Ori ọ̀ mịẹarị ye lekiriarị tẹ si mịẹ dasịẹmarị, anie ḅụ karakaraye ḅụ ọ̀ fịị ḅịa, kụma ò ḍumo tọrọkọ mu ḅa.

Matiyo 7:1

“Ja apụ ḅụụ si ḍọkị ma, mịẹtẹ Tamụnọ sọ ị́ ḅụụ si ḍọkị ḅịa ḅara,

Makị 8:7

Ịn pịkị boowa inji kalịye sọ nyanam. Jizọsị arị gotẹ ịmịẹtẹ ḅẹẹ tẹ kẹ ò ḍukamẹnjịapụ ma pịrịm, ini arị sọ ḍie ịn pịrịị.

Luku 6:40

Ye ḍawọarịḅọ ḍụḅa ye kẹ mḅọ tolumarịḅọ nẹngị-a, kụma ḍawọḅọ ḅe ọ̀ ḍawọarị ye mẹ ḍawọ ḍịn tẹ ḅẹḅẹ, ò ḅo ye kẹ ò tolumarịḅọ ḅe sime-ḅara sime tẹẹ.

Luku 6:42

Ndẹẹ ị́ ị́ mịnaḅọ ḅe ḅẹẹ ḅẹ ḅara, ‘Sisi, ị̀ mịnaḅọ, yee àrị ị́ tọrụngbọ ḅio simearị fun kalịye mẹ sin,’ í nye ḅio simearị sịn ikiḅa mẹ sọ í inetẹ ẹrị-a sakị? Ị́yẹrị tomina tọrọkọ iḅi ọkị ḍọkịḅọ! Tarị ị́ tọrụngbọ ḅio simearị sịn ikiḅa mẹ sin, anị sakị rẹ mie í inetẹ banabana ḅara kẹ ị́ mịnaḅọ ḅe tọrụ ḅio fun kalịye mẹ ẹrị tẹ siin pakama-ḅo ḅarịye.

Jọnị 8:7

Ịn paa sịẹ tẹ jaị, jaị kẹ ò gbelarị ogbo ọ̀ nwẹnị tụkụ tẹ ịn ḅẹẹ, “Ọmịna ḅụ jen ene amụ si mịẹ-a ḅọ tarị ḍụḅarị mẹ kẹ á gbin.”

Romu 2:1

Ì ikiaḅọ, ị́ jen-apụ kọn, kọn ḅẹḅẹ, ḅọrọ tụḅọ-o, tụḅọ-o sọ, ị́ ḅarị gotẹ so ḅẹ ye nyana-a, í gotẹ ḅẹrẹ-ḅarasii pẹlẹ jen-apụ pịrị ye mẹ sọ mịẹarị sakị goyegoye ị́ pịkị ḅẹrẹ-ḅarasii pẹlẹ ị́ ḅụụ sọ pịrịarị.

Jemụsị 1:24

Mḅọ iḅiọkụ amịna ḅụụ ḍikiarị, tẹ mḅọ sikima gbọrụ sakị mḅọ mḅọ sime-ḅara kẹ ḅioḅọrọma tẹ.