Luku 6:39 - FỊAFỊA BAỊBỤLỤ

³⁹ Tẹ Jizọsị mị egberi mẹ gbaa ịn pịrịm: “Tọrụngbọ-pụụntẹḅọ inetẹ jen tọrụngbọ-pụụntẹḅọ ọlọ mẹnjị ḅịa; ọkọ kụma ini maa apụ mamgba ḅịkị olulu ḅio koro ḅa.

Luku 6:39 Iomraidhean Croise

Ayịzaya 56:10

Ori mẹẹ, “Sịḅịdapụ mamgba, kịnị ọkịarị ini ì atomi ḅeri nụnụ ḅẹ apụ ma, ịna atọrụngbọ pụụn wararị! Gberie-sọ in nimi-a. Oloku-oloku-a warị-koru-obiri amẹẹ mie ịn kịkarị — koro mono ma ḅọrọ tẹ ḍawọ kịngẹ mie ịn mịẹarị. Ịn kpọma mono ḅẹlẹma ḅara ḍikii!

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Matiyo 13:3

Egberi mie ọ̀ gbaa-gbaa tẹ tọnwa aị kẹ in toluma ye. Ori mẹẹ, “Gbọrụ sakị gbọrụḅọ mbịaka ḍiḅi ḅẹ tẹ paka mum.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Matiyo 23:33

Ọmịnị ododo amẹẹ, pịkị ododo furo ḅẹ awọmẹ! Ndẹẹ ọ́ mịẹtẹ ḅẹrẹ-ḅarasii ḅụ so tẹ ẹlị ḅio sọ ḅịa ḅara?

Romu 2:19

ị́ pịkị ị́ ḅụụ ọkị wararị mịnẹ í etela kẹ tọrụngbọ-pụụntẹ-apụ ḍie tẹ pịkị kanakana ḅio bele sọ tomi pịrị ḅa,

2 Timoti 3:13

si-mịẹapụ na, ḅụụ kẹ in sime-a ḅara elekimarị apụ na, in sii tọrọkọ-tọrọkọ mu ḅa, ini oḅori kẹ ja apụ sịn-arị ḅara mie ini ma sọ ja apụ oḅori kẹ ịn sịn-arị ḅara.