Luku 6:36 - FỊAFỊA BAỊBỤLỤ

³⁶ Ọmịnị ọkụrụkụrụ nyana tomi pịrịị, anie ọmịna Ḍaḅọ ḅe sọ ọkụrụkụrụ nyana ḅara.”

Luku 6:36 Iomraidhean Croise

Matiyo 5:48

Iḅiye mịẹ ḅụ ọ́ kara-gbasị tẹ ḅara simee, anie ọmịna Ḍaḅọ So-ḅio simearị ḅọ ḅe sọ simearị ḅara mẹ!

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Luku 6:37

“Ọ́ jen-apụ ḅụụ si ḍọkị ma, Tamụnọ sọ ọmịna ḅụụ si ḍọkị ḅịa. Ó jen tomḅọ si fama tẹ ḅẹẹ ma, Tamụnọ sọ ó si fama tẹ kẹ ọ́ ḅẹẹ ḅịa; ó si-wẹrịso ja apụ pịrịị, Tamụnọ sọ ọmịna si-wẹrịso ḅa.

Ẹfisọsị 4:31

Ó siye kẹ jụmọ mịẹ ḅẹ ḍọkị ḅioḅẹngbọ na, ye gotẹ lẹlẹ tẹmẹ na, ịganị na sịkịị. Oloku na, kịnị mịẹ-sima na, kịnị ḍiki-ḅioḅu akuroma na ḅẹ gberie-sọ ḅarị jen kẹ ó gboloma ma.

Jemụsị 3:17

Kụma, arịmgba ḅụ tarị ye, So-ḅio ḅo nimi mẹ anị wamaye nyana-a, anị pịkị dein wararị, gbene, pịkị ikia kẹ kịnị ḍọkị na; ọkụrụkụrụ anị ḅụ ḅin wararị, tẹ anị pakama ḅoarị mgbọlụ anie iḅi amịẹaị; ḅẹrẹ kẹ ḅioḅẹngbọ sụa wẹrị na, mịẹ tomi ḍie na anị nwẹn nyana-a.