Luku 6:30 - FỊAFỊA BAỊBỤLỤ

³⁰ Ị́ ḅara ye ḅiiḅọ-ḅiiḅọ mḅọ pịrịị; tomḅọ í nye ọkị-ọkịị mḅọ ḅara anị ḅii ọkị ma.

Luku 6:30 Iomraidhean Croise

Devidi-Anume 112:9

Mịẹḅẹ-ọkụ-ofori apụ ma ḅara sarasara ḅara mie ọ̀ kẹ ye kẹ ịn pịrịarị, tẹ ori iḅi-yemịẹ-ḅara mẹ gbarị-gbarị-a; ọ̀ kụrọ nyana ḅa, tomi pịkị ọ̀ mangịma ḅa.

Devidi-Anume 41:1

Igoin-apụ ma balarị apụ ma ḅioḅẹlẹ sime ịn pịrịm; KỊNỊNYANAḄỌ ḅe ḅarasụa ịn pịrị ḅa, ḅụụ-fụka ịn la sakị.

Egberima-Ẹkwẹn 19:17

Í ye kẹ igoin-apụ pịrịarị sakị anị kịkarị ị́ ye Tamụnọ ḅọlọarị, tẹ KỊNỊNYANAḄỌ ḅe anị kẹ ị́ gbẹẹ ḅa.

Egberima-Ẹkwẹn 21:26

ori nyana tẹ mịẹarị ye anie ọ̀ nyana ḅẹ ḅiiarị aị kẹ ḅiokoroma. Karakaraye-mịẹḅọ mẹ, anị sime-ḅara sime-ḅara sọ, inetẹ ye pịrị ḅa, ḅara ọlọ-a ḅara ḅụ.

Egberima-Ẹkwẹn 22:9

Ḅara sarasara tẹ ị́ fịye kẹ igoin-apụ ma na ḍiya. Í boma nyana gbamaso ḅa.

Nimi Tolumaḅọ 11:2

Kịrị-kịrị tọnwa anga ḅụ igbigi kẹ suu wẹrịị — karakara-ḅara-ḅụ tọnwa anga — kẹ gotẹ ọkọ ḅẹẹarị, gbala-gbala í nimi-a mịẹ tomikiri mẹ ḅụ ḅo ị́ la ḅarị si-fụḅara sime-ḅara.

Nimi Tolumaḅọ 8:16

Arị ì ḅioḅẹngbọ sịkị nimi Lekiri pịrịm, tẹ tomikiri ḅụ kọrịarị kọrịnama ẹrị ḅẹ ḅii tẹso ọkụma, mono ḅarị ḍin na, eneḅaka na ḅụ ị̀ atọrụngbọ sọ-a ḅara ḍikii;

Matiyo 18:35

Tẹ Jizọsị nwẹnị ẹkwẹn gbaịn, “Anị ḅara mie ị̀ Ḍa So-ḅio simearị ḅọ ḅe kẹ ọmịna ḅụ ḅẹḅọ-ḅẹḅọ mịẹ ḅarị ḅara, í í ḅioḅẹngbọ ḅụ si-wẹrịso ị́ mịnaḅọ pịrị sikima.”

Matiyo 5:39

Kụma mịọkụ yẹrị ọ́ ḅẹẹarị: siye kẹ si kẹ ị́ mịẹ ḅọ mịẹ ọkị ma. Tomḅọ ḅara finji ị́ ama-ḅara ḅẹ amgba ḅọrọ ḅọrọ, ye mḅọ pịkị ere-ḅara ḅẹ amgba mẹ sọ ḅọrọ.

Matiyo 6:12

Wa mịẹ-irima tẹ aị ma wẹrịso wa pịrịị, wa ja apụ kẹ wa iri tẹ aị ma wẹrịso ịn pịrịarị ḅara.

Luku 11:41

Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 12:33

Ọ́ nyana aị mamgba ọ́ dẹrị tẹ kẹ igoin-apụ pịrịị. Ọ́ kan kan-a akpa tẹlẹma ọmịna ḅụụ pịrịị, tẹ ọmịna ngọ ma kẹ So-ḅio ḅụụ wẹrịmaa, anịanga arị fa ḅịa, tẹ furuḅọ sọ inetẹ furu ḅịa ẹrẹsị; akarakaraḅa sọ inetẹ arị sima ḅịa.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 6:29

Gbọrụḅọ ị́ amgba gbọrụ pakịrị anga ḅọrọ ḅẹḅẹ, yee mḅọ pịkị osi pakịrị sọ ḅọrọ; gbọrụḅọ ị́ sụa wararị ọgọnọ ḅẹ kapa siin-ọkị-ọkii, yee mḅọ pịkị suku-ḅio ḅẹ ye sọ kẹ sụa ọkị.

Luku 6:31

Í ḅiiarị ja apụ mịẹ ị́ pịrị ḅẹ ḅara sọ ọkọ mịẹ ịn pịrịị.”

Luku 6:38

Ó ye ḍie ja apụ pịrịị, Tamụnọ sọ ye ḍie ọ́ pịrị ḅa. Tomi-juḅẹye, ó ḅintẹ ḅara nyana ḅa, ḅara sarasara lama tẹ ḍiepịrịye ịn nwẹn kẹ ọmịna aḅara kuḅu sara ḅa, ọmịnị inetẹ ọlọ ḅẹ ḅara anie Tamụnọ kẹ sụa ọ́ pịrị ḅarịye. Ọ́ kẹ ye tọn sụa jen-apụ pịrị ye ḍụḅa la ḅara, anie Tamụnọ ḍiki tẹ tọn sụa ọ́ pịrị ḅarịye.”

Fịrịmẹnjịapụ 20:35

Ḅẹẹye-ḅẹẹye ḅụ, à kẹ ó ḍiem mịnẹ ịnyọ kpọma kọrịnama kọrị ḅụ mie wa inetẹ ḅọrọ tẹ ḅarasụa ịnyọ ofori apụ pịrị ḅarịye. Ọ́ KỊNỊNYANAḄỌ Jizọsị ḅarana kọn ẹkwẹn mẹ kẹ ḅiokoromaa, ‘Ye ḍie jụmọ pịrị boma nyana jụmọ ḅara ye daa-ọkị nẹngịm.’ ”

2 Kọrịntị 8:9

Wa Nyanaḅọ Jizọsị Kịrayịsị ḅe ḍiki-ḅụụjịrị mẹ sime ḅara ó nimi wararị: ọ́ kọn la ḅara mamgba ḅụ, ori ó gotẹ igoin ḅara kẹ ḅụụ wẹrịm, paa kẹ mịẹtẹ ori igoin mẹ ọ́ kọnma ḅẹ ẹrẹsị.

Ẹfisọsị 4:28

Furu-furuḅọ ḅarị furu ma, tẹ saakị kọrịnama kọrịị, mịẹtẹ mḅọ karakara ḅọkọ ḅụ mḅọ kẹ amịna ḅụụ ḍikiḍiki ḅẹ ye nyana tẹ pịkị inetẹ ḅarasụa igoin-apụ pịrị ḅẹ ḅara.