Luku 6:29 - FỊAFỊA BAỊBỤLỤ

²⁹ Gbọrụḅọ ị́ amgba gbọrụ pakịrị anga ḅọrọ ḅẹḅẹ, yee mḅọ pịkị osi pakịrị sọ ḅọrọ; gbọrụḅọ ị́ sụa wararị ọgọnọ ḅẹ kapa siin-ọkị-ọkii, yee mḅọ pịkị suku-ḅio ḅẹ ye sọ kẹ sụa ọkị.

Luku 6:29 Iomraidhean Croise

2 Samụẹlị 19:30

Mẹfibosẹtị nwẹnị amadaḅọ ḅe ḅẹẹ, “Ịya, yee ori arịmgba ọkị, ị́yẹrị ị̀ nyanaḅọ ḅe ye ḅụụ la-a ḅara kẹ ḅo ama la tẹẹ ḅẹẹ-sakị.”

2 Paka-aị 18:23

Anịtẹso Zẹdẹkaya, Kenana owiḅọtụḅọ ḅe nwẹnị sọma Mayịkaya kpeki tẹ ḅara finji ọ́ ḅọrọ ori amgba ḅụ, tẹ ḅẹẹ, “Tọ ḅọkọ ḅụ KỊNỊNYANAḄỌ ḅe Tẹmẹ ḅe ị̀ wẹrịso tẹ ḅo ẹkwẹn ị́ pịrị?”

Ayịzaya 50:6

Arị ì oḅukulo finji tẹ kẹ ì fomu apụ ma pịrịm. Àrị in kiki-a ini ị̀ mịẹ-simarị sakị, ini ì ḅekeke ḅẹ mpọrị pịọnị sin-sin tẹ fịla kẹ ị̀ tọrụ isiarị sakị sọ.

Kururu Owu-apọkọ 3:30

Yee oriḅe ori amgba kẹ ḅara finji kịnị amgba ḅọrọ ḅọ ḅe pịrị, tẹ gọlị ẹkwẹn da ḅinma.

Mayịka 5:1

Mịọkụ ini onu kẹ ó gbori-ikelemakoro tẹ, ini owu kẹ wa paka ḅẹ wa gbaịn-koro tẹ! Jeruselemu ḅẹ apụ ọmịnị ọmịna ọmụ-ogbo ma kobirii, ịn fomuye kẹ ḅẹrẹtọn Izirẹlị pịrịarị ḅọ ḅe amgba fomu tẹ!

Matiyo 26:67

Anịtẹso ịn fịla kẹ ọ̀ tọrụ isi tẹ ò fomum; tẹ ini tẹ ḅara finji ọ̀ tọrụ ḅọrọ apụ ma

Luku 22:64

Ini ọ̀ tọrụ fịna tẹ ò gbelam, “Í ine-inee, ḍukoo, tụḅọ ị́ ḅakụ?”

Luku 6:30

Ị́ ḅara ye ḅiiḅọ-ḅiiḅọ mḅọ pịrịị; tomḅọ í nye ọkị-ọkịị mḅọ ḅara anị ḅii ọkị ma.

Jọnị 18:22

Jizọsị mie ḍuko tẹso, Tamụnọ-warị mẹ ḍikiḍikiapụ ma ḅẹ gbọrụḅọ nwẹnị ḅara finji ọ̀ ḅọrọ tẹ ḅẹẹ, “Í ḅiokpọ ḅara, tẹ mị-ḅara kẹ ẹkwẹn Sịḅịda-Agbamịẹḅọ ḅe pịrị!”

Fịrịmẹnjịapụ 23:2

Sịḅịda-Agbamịẹḅọ Ananayasị, nwẹnị Pọlụ na kpeki tẹ sịẹsime apụ ma ḅẹẹ ini ori amgba ḅọrọọ.

1 Kọrịntị 4:11

Ḅo mị gbọrụ sakị mẹ la sọ, ḅuru paa wa tarị ḅaarị, minji sọ wa ẹrị ḅuu-a; kanị-kanịtẹ akapa mie wa sụa wararị; in fomuye kẹ wa fomuarị; sọ ḅẹ warị nyana-a apụ ḅara mie wa kẹ ikelekelema-ḅọrọarị;

1 Kọrịntị 6:7

Ḅẹrẹkọn warị mu ḅẹrẹ ọmịna ogboku emi ye mẹ kịngẹ sọ ḍie-pakamarị mịnẹ ọ́ mẹnjịarị etela mẹ ḅụ ọ́ ḅịkị fa so tẹ. Jụmọ kura-aye kẹ ị́ mịẹ tẹ ị́ wẹrịso mḅọ pịrị iḅi anie nẹngị-a? Jụmọ ị́ nyana aị pụkọ-ọkị iḅi anie nẹngị-a?

2 Kọrịntị 11:20

Ḅẹḅọ-ḅẹḅọ tẹ ḅo ḅẹrẹtọn ọ́ pịrị ma-ḅọrọarị, anịanịa ọ́ la ḅẹ kiri ḅụ ọ́ da-sikimarị, anịanịa ó tuu mu siye ḅio suuarị, anịanịa ó ḍiki-iderimarị, anịanịa ḅara finji ọmịna atọrụ ḅọrọarị ḅọ anie ọ́ daa-ọkịarị ḅọ.

Hiburu 10:34

Ikoliapụ ẹrị-ẹrị atọrụsiẹrị mie ọmịnị sọ ẹrị ye, tẹ ini ọ́ nyana aị mamgba fọịn ọkị fama sakị, ó ḅioḅẹlẹ ḅara kẹ fa mẹ daa-ọkịm, ó nimi wararị mịnẹ ọ́ paa iḅi mịna aị ma nẹngị lama ye nyana wararị ẹrẹsị, anie sime gbamaso ḅarị ye mẹ.