Luku 6:27 - FỊAFỊA BAỊBỤLỤ

²⁷ “Kụma à ḍuko ọ́ pịrịarị, ọmịnị ì pokiarị apụ: ó si kẹ ọ́ tọn apụ ḅẹlẹmaa, tẹ iḅi kẹ ó ḍiki-ḅioḅuarị apụ mịẹ,

Luku 6:27 Iomraidhean Croise

1 Amadapụ 13:6

Amadaḅọ Jerobohamụ nwẹnị Tamụnọ tomḅọ ḅe ḅẹẹ, “KỊNỊNYANAḄỌ, ị́ Tamụnọ ḅe ḍiki-ḅụụjịrị ḅii, tẹ tẹkẹ ị̀ pịrị, mịẹtẹ ị̀ ḅara mẹ ḅo anị sime-ḅara sime ḅẹ ḅara”. Tẹ Tamụnọ tomḅọ ḅe nwẹnị KỊNỊNYANAḄỌ ḅe ḅara ḅụ ḅii, tẹ amadaḅọ ḅe ḅara mẹ nwẹnị ḅo anị sime-ḅara sime.

Devidi-Anume 7:4

jen sakị à si kẹ ị̀ na dein ḅụ simearị ḅọ mịẹ tẹ ḅẹḅẹ mịẹ tẹ ḅẹḅẹ, anịanịa à kura-a ḅara kẹ jụmọ nye pụkọ ọkị tẹ ḅẹḅẹ,

Egberima-Ẹkwẹn 24:17

Si kẹ ị́ tọn-arị ḅọ ḅe opu ḅụụ-fụka ḅio sọ-sọ ḅioḅẹlẹma; ḍereku ma ọ̀ pụmbụ sakị.

Egberima-Ẹkwẹn 25:2

Wa Tamụnọ kụn-arị ò kikimarị aị gotẹ; wa amadapụ kụn-arị in ḍuko finjiarị aị gotẹ.

Makị 4:24

Ọ̀ pịkị ịn ḅẹẹm, “Ọ́ tẹmẹ kẹ ọ́ naarị ye mẹ ọgọnọ gbanaa! Ọ́ nyana tẹ kẹ ja apụ kọn-arị gbọrụ ọrụ mẹ mie Tamụnọ ḍiki tẹ kẹ ọ́ kọn ḅarịye, kụma ọ̀ kẹ ọ́ kọn ḅarị ḅara kụrọ ịna nye nẹngị ḅa.

Luku 23:34

Jizọsị nwẹnị ḅẹẹ, “Ḍa, ịna si-wẹrịso ịn pịrị! Ịn mịẹarị ye in nimi-a.” Ịn nwẹnị okoḅa sara tẹ ori akapa ḍiya ọkị.

Luku 6:22

Tomi Tomḅọ Tụḅọ ḅe gotẹ ó ḍiki-ḅioḅu, tẹ ọ́ sịkị, ó wori sima tẹ ḅịḅị ḅẹ sọye, sọye kẹ ọ́ ḅẹẹarị ḅẹḅẹ, ó boma tẹẹ!

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Luku 8:15

Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

Luku 8:18

“Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Luku 8:8

Anịsakị mgbọlị ma ḅẹ jaị iḅi kiri korom; ḍiḅi aị ma nwẹnị so-paka tẹ mbịaka sụa, gberie sọnọa si sọnọa si.” Tẹ Jizọsị nwẹnị ẹkwẹn gbaịn ḅụ ḅẹẹ, “Ọkọẹrẹsị, ọ́ naa ḅiiarị ḅẹḅẹ ó pokii!”

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 16:28

Pọlụ nwẹnị kụrọma oloku, “Ye kẹ ị́ ḅụụ lama ma! Wa kara wararị mịanga!”

Fịrịmẹnjịapụ 7:60

Ọ̀ nwẹnị kparakị tẹ kụrọma oloku, “KỊNỊNYANAḄỌ! Mị si mẹ kẹ ịn gbẹẹ ma.” Ò miemẹ ḅẹẹ tẹ nwẹnị fịị. Tẹ ini ọ̀ ḅaa ye mẹ ḅụ Sọlụ ḅịḅị sọ sọm.

Galesiya 6:10

Anie ḅụ otolo foo sakị, foo sakị wa iḅi kẹ ḅẹḅọ-ḅẹḅọ mịẹ, jen-a jen-a wamịnị na gbọrụ minini etela mẹnjịarị apụ ma.

1 Tẹsalonịka 5:15

Ọmịnị ẹrị mịnẹ gbọrụḅọ-sọ kura-aye kẹ si kẹ mḅọ mịẹ ḅọ mịẹ ọkị-a, kụma sakị mamgba ọ́ kẹ ọ́ mịẹ ḅẹ tẹ kẹ ḅiotọn wararị ye sọma, mịnẹ ọmịnị iḅi kẹ jụmọ-jụmọ mịẹm, pịkị tomi mamgba na.

3 Jọnị 1:11

Ì iḅi ikiaḅọ, siye mịẹarị ḅọ ḍikima tẹ siye mịẹ ma, kụma iḅiye mịẹarị ḅọ ḍikima tẹ iḅiye mịẹ. Iḅiye mịẹarị ḅọ mẹ mḅọ sime Tamụnọ pịrịm; siye mịẹarị ḅọ mẹ amụ mḅọ Tamụnọ nimi-a.