Luku 6:25 - FỊAFỊA BAỊBỤLỤ

²⁵ Mịọkụ fị furo ḅinma tẹ apụ, ọ́ tẹkẹlẹ tẹẹ; ḅuru ọ́ tarị ḅa! Mịọkụ ḍẹrịarị apụ, ọ́ tẹkẹlẹ tẹẹ; ó kururu tẹ owu ḅa!

Luku 6:25 Iomraidhean Croise

Devidi-Anume 49:19

mḅọ, mḅọ elemu aḍapụ mamgba ḅụ sọ ḅa fịị ḅụ, anie kanakana sime gbamasoarị anga mẹ.

Egberima-Ẹkwẹn 14:13

Ḍẹrị ẹbịsịya kururu ḅọị ḅa. Ḅioḅẹlẹ sọ tẹ ḅẹḅẹ, kururu sakị mamgba emi.

Egberima-Ẹkwẹn 30:9

À nyana ọkọ nẹngịma kụma, ẹbịsịya à ḅẹẹ ḅa arị ị́ kẹ mịẹ ḅẹ ye ofori. Kụma arị igoin kụma ẹbịsịya à furu tẹ ị̀ Tamụnọ tọrụ-tuu ḅa.

Nimi Tolumaḅọ 2:2

À ḍọkị ẹrịm mịnẹ ḍẹrị anie nọmụ, anịsakị tọrụ-ḅẹlẹ sọ gbọrụ iḅiye sọ mịẹ-a.

Nimi Tolumaḅọ 7:3

Kururu yefie-tẹịn ḍẹrị nẹngịm, gbala tọrụ-fụrụma ḅụ mie ḅioḅẹngbọ mẹ ḅẹlẹ nyanarị ye ẹrẹsị.

Nimi Tolumaḅọ 7:6

Nangị afịnị ọpọ ḅio ḅẹlẹ suku kpra-kpra-kprama poloarị ḅara, mie oḅori atomi ḍẹrị pọkọ mẹ sime-ḅara: miemẹ sọ ḅintẹ ḅara kẹ anị fieye nimi-a ye.

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Ayịzaya 65:13

Tẹ mie ḅụ à ḍuko ọ́ pịrịarị mịnẹ sunsin ị̀ pịrị tẹ ị̀ ḅịḅị pokiarị apụ ma tọnwa aị nyana tẹ fị tẹ pịkị ḅuu ḅa, kụma ọmịnị ḅuru ọ́ tarị ḅa, minji ḅuu pịkị ọ́ tarị ḅa. Ini ḅioḅẹlẹ ḅa, kụma ọmịnị tọrụ-tuu ḅa.

Ayịzaya 8:21

Ini amakiri mẹ mẹnjị ikelekele ḅa, ḅioḅẹngbọ ḅịkị na ḅuru-pọkọtarị na ḅụ. Ḅuru ịn tarị tẹ ini ịganịarị ogbo ḅụ ini ịna amadaḅọ na ịna Tamụnọ na wori ḅa. Ẹbịsịya ịn tọrụ saakị So-tọrụ ḍiki ḅa,

Ayịzaya 9:20

Opu sịẹ mẹ ikelema-koro tomi ini ẹrị fịye kalịye goyegoye pụkọ-pụkọ ọkị fịarị, kụma gbala-gbala ịna furo ḅin-a. Ini furo ḅio iyi awọmẹ kịngẹ sọ ịn pẹịarị!

Emọsị 8:10

Àrị ọmịna alalị ma pịkị-ḅo ḍụẹịn ḍiḅi asakị sọma ḅa tẹ ọmịna ḅioḅẹlẹ anume ma ḍima ḅo kururu owu sọma ḅa. Àrị ọ́ mịẹtẹ ọ́ sịḅị sẹịn tẹ akpa ḅiri ḅa, tẹ ó ḅo ḍaḅọ-na-iyingiḅọ-na amịna ngẹrị owiḅọtụḅọ ḍuarị apụ kịka ḅa. Anị ene mẹ akụ nwenii ḅo kunoma ḅa.”

Nahọmụ 1:10

Jen-jen fịnama wararị anangị dọkị fa ḅara, ịn dọkị fa tẹ samụnọtẹ ịkpakụ dọkị fa ḅara.

Luku 12:20

Kụma Tamụnọ ọ̀ ḅẹẹm, ‘Ị́yẹrị oḅori ḅọ! Mị gbọrụ ḍin í ḍumo ḅụ ị́ ḅara sin ḅa; anịsakị tụḅọ mịna aị mamgba tẹ í kobiri ḅụụ wẹrịma tẹ aị ma ọkị ḅẹ?’ ”

Luku 13:28

Ọ́ kpọma owu tẹ pịkị aka farị ḅa, ọmịnị Ebira-amụ na, Ayịzịkị na, Jekọbụ na, ịkịankoroapụ ma na ẹrị ḅẹ sakị, Tamụnọ Ama-da yọ mẹ ḅụ, tẹ ini ọmịnị ma sukuruma pakama ḅa.

Luku 6:24

Kụma mịọkụ ngọ-kọn wararị apụ ọ́ tẹkẹlẹ tẹẹ; ọmịna tọrụ-ḅẹlẹ ọ́ nyana fama tẹẹ!

Luku 6:26

“Tomi mamgba ọ́ kẹ iḅiye fiearị ḅẹḅẹ, ọ́ tẹkẹlẹ tẹẹ; ma gbọrụ aị ma mie ịna atẹngịapụ ma iruo ịkịankoroapụ ḅụ ḍuko aị ma.”

Luku 8:53

Ini ẹrị ḅara ḅụ tụḅọ ma fịị tẹ gotẹ, inimgba nwẹnị ọ̀ ḍẹrị.

Ẹfisọsị 5:4

Ọ́ pịkị kọn na-iḅi-a ẹkwẹn na, Tamụnọ gboloma ye mịẹ-sima ẹkwẹn na, tii tii ḅẹ ẹkwẹn na, kẹ ḅịḅị-ḅio sụa kọn ma. Anie nakara ọmịnị ịmịẹtẹ kẹ Tamụnọ ḅẹẹ.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

Jemụsị 4:9

Ó kururuu, ọmịnị olokuu, tẹ owuu; ọmịnị ọmịna ḍẹrị ḍima tẹ kẹ owu sọmaa, pịkị ọmịna ḅioḅẹlẹ kẹ tọrụ-fụrụ sọmaa!

Mịẹfinji 3:17

Ị́yẹrị mẹẹ, ‘Àrị ngọ-kọn wararị, tẹ ye ị̀ na iḅi fama wararị; à ḅiiarị ye goyegoye à nyana tẹ.’ Kụma ye si ị́ pịrị la ḅara na, ị́ sịḅị-jịrịma ḅara simearị mẹ na, í nimi-a! Ị́yẹrị, í igoin wararị, ị́ paụ wararị, tẹ ị́ tọrụngbọ pịkị pụụn wararị.

1 Samụẹlị 2:5

Inima tẹ nyana furo ḅinma apụ ma, fịye gotẹ ịna aḅụụ kẹ ọkọ fịrị mẹnjị pịrị tẹ, kụma inima tẹ ḅuru-pọkọtarị sime apụ ma, ḅuru-pọkọtarị ḅụ daasịẹ tẹẹ, Furo pụụn tẹ ḅọ ma sọnọma dogi tẹẹ, kụma arị tẹ tọnwa awọmẹ nyana ḅọ ma, sịkị tẹ ḅọ sọ tẹẹ.