Luku 6:23 - FỊAFỊA BAỊBỤLỤ

²³ Ye ḅo ọkọ paka tẹ ḅẹḅẹ, ó ḍereku tẹ sẹkịị, ḅioḅẹlẹ ḅụ, kẹ gotẹ ọkọ ḅẹẹarị, ye, So-ḅio opu gbẹẹ-ye sime ọ́ pịrị wararị. Ịna atẹngịapụ ma sọ mị gbọrụ ḅara mẹ kẹ ịkịankoroapụ ma mịẹm.

Luku 6:23 Iomraidhean Croise

2 Samụẹlị 6:16

KỊNỊNYANAḄỌ ḅe Ọḅọkụ-Igbe mẹ Devidi opu ama mẹ ḅio sọ-ḅoarị ogbo, Mịkalị, Sọlụ ẹrẹḅọtụḅọ ma nwẹnị ikiḅa-ḅọkọ ḅụ toluma ḍiki tẹ Amadaḅọ Devidi ḍosi-ḍositẹ KỊNỊNYANAḄỌ ḅe tọrọkọ sẹkịarị ḅara ẹrị; tẹ á nwẹnị á ḅioḅẹngbọ ḅụ ò ḍiki-sima.

1 Amadapụ 18:4

Jezibẹlị KỊNỊNYANAḄỌ ḅe ịkịankoroapụ ma pẹlẹ-ḅaa sakị, Obadaya ịkịankoroapụ sọnọa si ọkị tẹ kịnị amesi oyia apụ finji finji kẹ gbọrụ fukuru gbọrụ fukuru ḅio ḅọị tẹ fịye na minji na kẹ in kokom.)

1 Amadapụ 19:10

Ọ̀ nwẹnị pakịrị, “À KỊNỊNYANAḄỌ, ọmụ-ogbo ma nyana Tamụnọ ḅe gotẹ kpọma afana sọ tẹẹ, gbalaa Izirẹlịapụ ma ị́ na fị ọḅọkụ mẹ sịkị tẹẹ, ị́ agbamịẹ-anga ma sukuruma-gbin, tẹ okologie kẹ ị́ ịkịankoroapụ ma ḅaa fama tẹẹ; yẹrị ngẹrị kpọkpọ gbọrụ sịḅị mịẹ kọn yee, tẹ in pịkị ì ḍumo ọkị ḅẹ ḍọkịarị.”

1 Amadapụ 19:14

Ọ̀ nwẹnị pakịrị, “À KỊNỊNYANAḄỌ, ọmụ-ogbo ma nyana Tamụnọ ḅe gotẹ kpọma afana sọ tẹ, gbala Izirẹlịapụ ma ị́ na fị ọḅọkụ mẹ sịkị tẹẹ, ị́ agbamịẹ-anga ma sukuruma-gbin, tẹ okologie kẹ ị́ ịkịankoroapụ ma ḅaa fama tẹẹ; yẹrị ngẹrị kpọkpọ gbọrụ sịḅị mịẹ kọn yee, tẹ in pịkị ì ḍumo ọkị ḅẹ ḍọkịarị.”

1 Amadapụ 19:2

Anịtẹso Jezibẹlị nwẹnị gbọrụ fịrịmẹnjịḅọ kẹ Ịlayịja fịrịma, tẹ ḅẹẹm, “Ḅaa nwẹn pembe sakị ḅụ, arị í ḍumo kẹ ị́ wẹrịtẹ ịna ḅụ ḅẹ gbọrụḅọ ḍumo mịẹ ḅara mịẹ-a ḅẹḅẹ, oru-atamụnọ ma ọkọ kẹ ị̀ mịẹ, pịkị ọkọ nẹngị ḅara sọ kẹ ị̀ mịẹ.”

1 Amadapụ 21:20

Ehabụ Ịlayịja ẹrị tẹso, ọ̀ nwẹnị Ịlayịja gbela, “yei ị̀ na fịya-a ḅọ, í ḅo ị̀ ḍọkị ẹrị tẹ?” Ọ̀ nwẹnị pakịrị, “À ḅo ị́ ḍọkị ẹrị tẹẹ, gbala ị́yẹrị ḅe ị́ ḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ mẹ dẹrịma tẹ ẹrẹsị.

1 Amadapụ 22:27

tẹ ḅẹẹ mie amadaḅọ ḅe ḍuko yee, ‘ó ḅị tomḅọ ḅe kẹ ikoli ḅio suu, tẹ fịturu kalịye na minji na sikima ó jen kẹ ọ̀ pịrị ma nwenii à dein kẹ ḅo sakị la.’ ”

1 Amadapụ 22:8

Izirẹlị ḅẹ amadaḅọ ḅe nwẹnị Jehosafatị ḅẹẹ, “Gbọrụḅọ paa kọn wararị wa ọ̀ ḅara ḅụụ KỊNỊNYANAḄỌ ḅe ḅịḅị ḅii ḅarị ḅọ anie Mayịkaya, Imila owiḅọtụḅọ ḅe, kụma arị ò ḍiki-ḅioḅum, gbala jene-jene ì gbolomaye ḅụ amụ ori iḅi ịkịan koro ị̀ pịrị-a, sịẹ sikima.” Jehosafatị nwẹnị ḅẹẹ, “Yee amadaḅọ ḅe amụ ọkọ ḍuko ma tẹrẹmẹ.”

2 Amadapụ 6:31

tẹ nwẹnị ḅẹẹ, “Yee Tamụnọ ọkọ mịẹ tẹ pịkị ọkọ nẹngị ḅara sọ kẹ ị̀ mịẹ, Safatị owiḅọtụḅọ Ịlayịsa sịḅị mịmgba ori apana ọgọnọ paa gbana simem ḅẹḅẹ.”

2 Paka-aị 36:16

Kụma kombo mịẹ in Tamụnọ afịrịmẹnjịapụ ma kombo-kombo tẹ ori ẹkwẹn-aḅịḅị ḍiki-sima-sima tẹ ori ịkịankoroapụ ma kẹ kpọọtiarị nwenii KỊNỊNYANAḄỌ ḅe ịganị mẹ ori atomi ma da-paka nwenii ye-mịẹ tẹlẹma ḅara ḅarị ofori.

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Devidi-Anume 58:11

Tomi ḅẹẹ ḅa, “karakara-ḅara-ḅụ, karakaraye-mịẹapụ ma ịn gbẹẹ-ye nyana tẹẹ; karakarayee, tomikiri mẹ kọn-arị Tamụnọ emii.”

Ayịzaya 35:6

Ekeliapụ ḍosi-ḍosi sẹkị ḅa, tẹ inetẹ ẹkwẹn-a apụ ma oloku ḅa ḍereku ḅụ. Ịkpa mẹ ḅio kuroro puu, puu tẹ minji mẹnjị ḅọrọ ḅa;

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Matiyo 5:12

Ó ḅioḅẹlẹ tẹ ḍerekuu, kẹ gotẹ ọkọ ḅẹẹarị, So-ḅio ḅụ opu gbẹẹ-ye Tamụnọ nwẹn kẹ ọ́ wẹrịma wararị. Mị gbọrụ ḅara mẹ mie tomi kẹ ịkịankoro apụ ma tẹ ọmịna tọrọkọ-tarịapụ ma kẹ ḅaa-ḅọkọ ḅụ suu ḅara.

Luku 1:41

Elizabẹfụ Meri sịn-ḅịḅị mẹ naa gbọrụ sakị á furo ḅio ḅẹ tụḅọ mẹ nwẹnị tii, tẹ Fịafịa Tẹmẹ ḅe nwẹnị Elizabẹfụ ḅụụ sọ ḅin,

Luku 1:44

À paa ị́ sịn-ḅịḅị naa gbọrụ sakị mie ì furo ḅio ḅẹ tụḅọ mẹ saakị ḅioḅẹlẹ tẹ tii ye.

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Fịrịmẹnjịapụ 14:10

tẹ oloku ọ̀ pịrị, “Saakị tụkụ tẹ ị́ aḅụọ kẹ sịẹsimee!” Tomḅọ ḅe nwẹnị ḍosi saakị tẹ mẹnjị ikelema.

Fịrịmẹnjịapụ 3:8

Ọ̀ nwẹnị ḍosi gele tẹ ori ama ḅụọ ma kẹ sịẹ tẹ saakị mẹnjị ma ḅọrọ. Anịtẹso ọ̀ nwẹnị ini na mẹnjị Tamụnọ-warị mẹ ḅio sọ-mu, ọ̀ mẹnjịarị, ò ḍosiarị, pịkị Tamụnọ tokiniarị.

Fịrịmẹnjịapụ 5:41

Fịrịmẹnjịapụ ma Sịẹ-Kobiri mẹ koroma-so tẹso ịn nwẹnị ḅioḅẹlẹ, mịnẹ Tamụnọ ịn kẹ Jizọsị sịḅị gotẹ tọrụsiẹrị na ḅụụ-jịrịma aị na da gbẹẹ apụ ḅara ọkị tẹ.

Romu 5:3

Wa wamịna ḅụụ-fụka ma sọ kẹ ḅụụ-tọn-arị, gotẹ ọkọ ḅẹẹarị, ḅụụ-fụka ḅụ mie wa ḅọrọ tẹ ye inema ḍawọarị ye,

2 Kọrịntị 12:10

Ọkọẹrẹsị, ị̀ ịnyọ ofori asakị ma na, wori-anume ma na, kụrọ-kụrọ aị ma na, ḅaa-ḅọkọ kẹ ị̀ ḍọkị ma na, ḅụụ-fụkama aị ma na, tẹ à Kịrayịsị sịḅị gotẹ ẹrịarị aị ma ị̀ na iḅi wararị. Kẹ gotẹ ọkọ ḍukoarị, ịnyọ ị̀ ḅụụ ḅio ofori sakị mẹ ḅụ, mie à pịkị kụrọ wararị sakị mẹ.

Kọlọsị 1:24

Tẹ mịọkụ arị ó gotẹ ẹrị atọrụsiẹrị ma ì ḅioḅẹlẹmarị, kẹ gotẹ ọkọ ḍukoarị, ma ì meni-oju ḅụ arị ẹrị atọrụsiẹrị ma ḅarasụa tẹ Kịrayịsị ẹrị ori oju, anie ori ẹrị sọsị mẹ, pịrị atọrụsiẹrị ma ḅụ kara-a anga mẹ karamarị ye.

2 Timoti 2:12

Wa inema tọrọkọ mu, muu, wa pịkị ori na sọ tẹ ḅẹrẹtọn ḅa. Wa ò piki ḅẹḅẹ, ori sọ wa piki ḅa.

Hiburu 11:26

Ori ọkịm mịnẹ Mẹsaya ḅe gotẹ tomina ḍiki-sima da iḅi Ijiputi ḅẹ ngọ mamgba nẹngịm, kẹ gotẹ ọkọ ḍukoarị, tọrọkọ-jụ ḅo ḅarị gbẹẹ-ye mẹ ọgọnọ mie ori ori atọrụngbọ saakị tẹ kẹ gbana ye.

Hiburu 11:6

Minini nyana-a tomḅọ inetẹ Tamụnọ ḅụụ-ḅẹlẹ ye mịẹ ḅịa, kẹ gotẹ ọkọ ḍukoarị, Tamụnọ ḍọkụma-ḅoarị ḅọ, ḅoarị ḅọ minini ḅa mịnẹ ori emi, tẹ gbẹẹ-ye kẹ ò nimi ḅẹ ḍọkịarị apụ pịrịarị.

Jemụsị 1:2

Ị̀ amịnapụ, ọmịnị ọmịna aḅụụ kẹ iḅi fụḅara nyana apụ ọkịị, daaḍiki ḅara, ḅara ḅo, ḅo ọ́ laarị ḅẹḅẹ,

1 Pita 4:13

Anie nakara, ó ḅioḅẹlẹẹ mịnẹ ọ́ Kịrayịsị atọrụsiẹrị ma ḅụ ọ́ la kiri ọkị tẹẹ, mịẹtẹ ori ebube mẹ tolu-paka ḅẹ sakị ó ḍereku ḅarị ḅara.

Mịẹfinji 2:17

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi mẹ nyana apụ ma à ḅọị wararị mana mẹ ḅẹ aị kẹ ịn pịrị fị ḅa. À pịkị pịna-pịna ḍụḅarị, tẹ ịwọ ẹrẹ anị ḅụ kẹẹ wararị ye, anie anị nyana wararị ḅọ sikima tẹ gbọrụḅọ-sọ inetẹ nimi, nimi-a ye, mẹ kẹ ịna ḅụ ọrụḅọ-ọrụḅọ pịrị ḅa.

Mịẹfinji 2:26

Owu-ḅara-iḅi ḅọ tẹ à ḅii ye mịẹ mu kunoma la ḅarị ḅọ, à kụrọ kẹ mḅọ pịrị ḅa, tomikiri ḅẹ asịẹ ma ḅụ.

Mịẹfinji 2:7

“Í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii. “Owu-ḅara-iḅi nyana apụ ma à kụrọ kẹ ịn pịrị tẹ ịn Tamụnọ Ḍụọ mẹ ogboku so-pakarị ḍumo sịn mẹ ḅẹ mgbọlụ mẹ fị ḅa.

Mịẹfinji 21:7

Owu-ḅara-iḅi mẹ nyana ḅọ, nyana ḅọ ị̀ ḅara ḅụ miemẹ nyana ḅa: yẹrị mḅọ Tamụnọ sọ ḅa, mḅọ pịkị ị̀ tụḅọ sọ ḅa.

Mịẹfinji 3:12

Owu-ḅara-iḅi ḅọ mẹ àrị mḅọ kẹ ị̀ Tamụnọ ḅe warị mẹ ḅẹ gbọrụ ḅeriye mịẹ ḅa, tẹ mḅọ ḅarị anị koroma-so ḅịa. Mḅọ ọgọnọ ḅụ àrị ị̀ Tamụnọ ḅe ẹrẹ na, ị̀ Tamụnọ ḅe ama mẹ ẹrẹ na, Ịwọ Jeruselemu mẹ tẹ So-ḅio ị̀ Tamụnọ ḅe ḅara ḅụ ḅo ye mẹ na kẹ kẹẹ ḅa. Ị̀ ịwọ ẹrẹ mẹ sọ à kẹ mḅọ ọgọnọ ḅụ kẹẹ ḅa.

Mịẹfinji 3:5

Owu-ḅara-iḅi apụ ma mị-ḅara kẹ pịna-pịna akapa sụa ḅa, tẹ ḍumo wararị apụ ẹrẹ kẹ sụarị ḍiri mẹ ḅio àrị ịna ẹrẹ sin ḅịa. Ị̀ Ḍa ḅe na ori enjẹlị apụ ma na tọrọkọ ḅụ à giregire ḅara kẹ ḍuko pakama ḅa mịnẹ ini ma in sime ị̀ pịrịm.