Luku 6:22 - FỊAFỊA BAỊBỤLỤ

²² Tomi Tomḅọ Tụḅọ ḅe gotẹ ó ḍiki-ḅioḅu, tẹ ọ́ sịkị, ó wori sima tẹ ḅịḅị ḅẹ sọye, sọye kẹ ọ́ ḅẹẹarị ḅẹḅẹ, ó boma tẹẹ!

Luku 6:22 Iomraidhean Croise

Ayịzaya 65:5

Anịtẹso ịn jen-apụ ḅẹẹarị, ‘Ọ́ wamịna ḅụụ ḅelee, wa tọn-tọn ḅara sime ḅakam, ọ́ ḅara kẹ wa lama ḅụ!’ Arị inetẹ nwẹn sime apụ inema ḅịa — à nyana ịn pịrị wararị ịganị gbala-gbala biin-biin-a fịnị kịkarị.

Ayịzaya 66:5

Ọ́ KỊNỊNYANAḄỌ ḅe ḍukoarị ye mẹ pokii, ọ̀ mangịma tẹ ọ̀ ḅịḅị pokiarị apụ, “Ọmịnị ì minini wararị ẹrẹsị, ọmịna atomi ma ḅẹ jen-apụ ó ḍiki-ḅioḅu tẹ ḅarị ọmịnị na gbọrụ mịẹ ye sọ mịẹ gboloma ḅẹ ḅii-a. Ini ó kombo tẹ ḅẹẹarị, ‘Yee KỊNỊNYANAḄỌ ḅe ori opu ḍie-pakama tẹ ọ́ ḅọrọma, mịẹ tẹ wa ẹrị tẹ ḍereku ḅẹ ḅara.’ Kụma ini ma ḅioju sọ ịna tọrụ-tuu ḅa!

Matiyo 10:18

Ị̀ sịḅị ẹrẹsị ini ọ́ kẹ ḅẹrẹtọn apụ na, ama-da apụ na tọrọkọ ḅo ḅa, tẹ ọmịnị Iḅi Oku mẹ ḍuko ini na Ja asịẹ ḅẹ apụ ma na pịrị ḅa.

Matiyo 10:22

Ị̀ sịḅị ẹrẹsị ḅẹḅọ-ḅẹḅọ ó ḍiki-ḅioḅu ḅa. Kụma inema nwenii mu kunoma la ḅọ mẹ ḅọrọma ḅa.

Matiyo 10:39

Ḅẹḅọ-ḅẹḅọ tẹ amịna ḍumo wẹrị kpaịnma ḅụụ pịrịarị ḅọ, anị fama ḅa; kụma ḅẹḅọ-ḅẹḅọ tẹ ị̀ sịḅị ẹrẹsị amịna ḍumo famarị ḅọ anị nyana ọkị ḅa.

Luku 20:15

Mie ḅụ ịn nwẹnị girepu-ḍụọ mẹ ḅio ò sukuruma pakama tẹ ọ̀ ḅaa.” Jizọsị nwẹnị gbela, “Ọ́ sịn-arị ḍụọ nyanaḅọ ḅe ò tiye kẹ arị ọkọ-apụ ma mịẹ ḅẹ?

Luku 21:17

Ì gotẹ ḅẹḅọ-ḅẹḅọ ó ḍiki ḅioḅu ḅa.

Luku 6:21

Mịọkụ ḅuru pọkọ-tarịarị apụ, ó boma tẹẹ; ọmịna furo ḅin ḅa! Mịọkụ owuarị apụ, ó boma tẹẹ; ọ́ ḍẹrị ḅa!

Jọnị 12:42

Anị ḅara mamgba ḅụ sọ Juu-ḅẹ ḅẹrẹtọn-apụ ma ḅẹ tọnwa-apụ Jizọsị mininim; kụma Farịsiiapụ ma gotẹ in jen ḅeri naa ḅẹ ḅara kẹ anị ḍuko ḍuko-a, mịẹtẹ ini ama-warị mẹ ḅio in dee-pakama ḅịa ḅara.

Jọnị 16:2

Ama-awarị ma ḅio ini ó dee pakama ḅa, tẹ sakị ḅo ḅa, tẹ ọ́ ḅaa ḅọ, ḅaa ḅọ ọkị ḅa mịnẹ mḅọ mie mịẹarị ye ḅụ mḅọ fịrịmẹnjị Tamụnọ pịrịarị.

Jọnị 17:14

Àrị í oku mẹ saakị ịn pịrịm, tẹ tomikiri ḅẹ atomi in ḍiki-ḅioḅum, in sime tomikiri mẹ pịrị-a ẹrẹsị, yẹrị sọ sime tomikiri mẹ pịrị-a ḅara.

Jọnị 7:7

Tomikiri ḅẹ atomi gotẹ ó ḍiki-ḅioḅu-ḅu ye ofori, yẹrị kụma ini ì ḍiki-ḅioḅuarị, àrị ịn mịẹarị asi ma ḍuko, ḍuko ịn pịrịarị ye gotẹ.

Jọnị 9:34

Ịn nwẹnị pakịrị, “Ị́yẹrị ḅe si ḅụụ ini í iyi tẹ pịkị í ḍikiḍiki pakama-ḅom — ị́ ḍọkịarị ị́yẹrị rẹ ye kẹ wa toluma?” Tẹ ịn nwẹnị ama-warị mẹ ḅio ò sukuruma pakama, mịnẹ ọ̀ ḅarị sọ-ḅo ma.

Fịrịmẹnjịapụ 22:22

Ini iḅi ḅeri kẹ Pọlụ poki nwenii ò ḅo miemẹ ḍukom, kụma anịtẹso, ịn nwẹnị saakị kụrọma oloku, “Ọ̀ kẹ mu ḅaa famaa, ò ḍumo na-iḅi-a!”

Fịrịmẹnjịapụ 24:5

Ḅị tomḅọ ḅe, wa ḍọkị-ẹrịm, ori sụntẹ ḅụụ-fụkama ḍin lama tẹ lala-si tomḅọ; bebe tomikiri mẹ ḅụ ọ̀ la anga, la anga ò Juu-ḅẹ-apụ ma gbiri-gbirimarị, ori pịkị Nazarẹtị ḅẹ apụ ogbo mẹ sịḅịdapụ ma ḅẹ gbọrụḅọ.

Fịrịmẹnjịapụ 9:16

Tẹ yẹrị ḅarana ori ì gotẹ ẹrị ḅarị tọrụsiẹrị mamgba kẹ ò ḍie ḅa.”

Jemụsị 1:12

Ḅioḅẹlẹ sime anị ḅọ mẹ pịrịị, anie ịn sọkịrị ḍiki fama tẹ paa amịna minini ḅụ sịẹ-kụrọ wararị ḅọ mẹ, kẹ gotẹ ọkọ ḍukoarị, ọkọ sime sọkịrị mẹ ḅụ tolu-ḅọrọ tẹ ḅọ mẹ mḅọ Tamụnọ minini ọ̀ ḅẹlẹma apụ ma pịrị gbẹẹ-ye mẹ nyana ḅa.

1 Pita 3:14

Kụma ó kuraye mịẹ tẹ anị gotẹ tọrụsiẹrịarị ḅẹḅẹ, ḅioḅẹlẹ sime ọ́ pịrị lamaa! Ọ́ gbọrụḅọ-sọ gotẹ ḅalafa ma, ọ́ pịkị ḅalaḅala ma.