Luku 6:21 - FỊAFỊA BAỊBỤLỤ

²¹ Mịọkụ ḅuru pọkọ-tarịarị apụ, ó boma tẹẹ; ọmịna furo ḅin ḅa! Mịọkụ owuarị apụ, ó boma tẹẹ; ọ́ ḍẹrị ḅa!

Luku 6:21 Iomraidhean Croise

Suku-saakị 17:17

Anịtẹso Ebira-amụ nwẹnị ọ̀ tọrụkuḅu kẹ ḅịkị kiri-ḅio koro tẹ ḍẹrị, tẹ amịna ḅụụ ḅẹẹ, “Owiḅọ tẹ kụra sọnọa si sịḅị ḅụ ḅọrọtẹ owiḅọ ịn pịkị tụḅọ iyi ọ̀ pịrị ḅẹ? Sera ma tẹ kụra inia si oyi finji sịḅị ḅụ ḅọrọtẹ ẹrẹḅọ ma pịkị fura ḅẹ?”

Suku-saakị 21:6

Tẹ Sera nwẹnị ḅẹẹ, “Tamụnọ ị̀ ḅịḅị ḍẹrị pakama tẹ, ḅẹḅọ-ḅẹḅọ tẹ anị naa ḅọ, naa ḅọ ị̀ na sọ ḍẹrị ḅa.”

Devidi-Anume 107:9

Minji ḅuu pọkọ-tarịarị apụ ma ori ịn pịrị ḅuu gbasịmarị, tẹ iḅi aị kẹ ḅuru pọkọ-tarịarị apụ ma pịrị fị furo ḅinmarị.

Devidi-Anume 119:136

Owu-minji ị̀ tọrụkuḅu sararị, tọrụ ọgọnọ ḅẹ minji pẹlẹ-pẹlẹ sara ḅara, kịnị í oloko mẹ poki tẹ mịẹ-a ẹrẹsị.

Devidi-Anume 143:6

Àrị ị̀ aḅara saakị ị́ da tẹ tẹkẹarị; samụnọ kiri minji ḍọkị ḅara, ị̀ tẹmẹ í gotẹ lẹlẹarị.

Devidi-Anume 17:15

Kụma yẹrị àrị ị́ ẹrị ḅa, amụ à kura-aye mịẹ-a ẹrẹsị: tẹ à saakị sakị, ị́ ị̀ na emi mẹ ḅioḅẹlẹ kẹ ị̀ ḅụụ ḅio ḅinma ḅa.

Devidi-Anume 28:7

KỊNỊNYANAḄỌ ḅe ị̀ gbaịn tẹ ị̀ ḍụarị; Ori mie à kẹ ḅiokpọmarị. Ọ̀ ḅarasụa ị̀ pịrị tẹ ì ḅioḅẹlẹmarị; à ḅioḅẹlẹ anume kẹ ò tokiniarị.

Devidi-Anume 65:4

Ị́yẹrị sẹlẹ ọkịarị apụ ma ḅioḅẹlẹ sime ịn pịrịm anie ị́ kẹ ḅo tẹ ị́ fịafịa yọ mẹ ḅụ angarị apụ ma. Ị́ warị ḅio simearị iḅi aị ma wamịnị na-iḅi ḅa, ị́ Fịafịa Warị mẹ ḅẹ aboma ma.

Ayịzaya 25:6

Mị anga Zayọnị tụndụ ọgọnọ ḅụ Kụrọmamgba nyana KỊNỊNYANAḄỌ ḅe opu alalị tẹlẹma tomikiri ḅẹ asịẹ mamgba pịrị ḅa — yela tẹịn fịye na iḅi tẹịn iru na kẹ fị ḅẹ alalị.

Ayịzaya 30:19

Ọmịnị Jeruselemu ḅụ angarị apụ ọ́ ḅarị jen kẹ owu ḅịa. KỊNỊNYANAḄỌ ḅe anie kịnị ḍiki sịḅị-kụrụkụrụarị ḅọ, tẹ ọ́ ḅarasụa gotẹ owu ọ̀ pịrị sakị ori ọ̀ pakịrị ḅa.

Ayịzaya 66:10

Jeruselemu na sọ tẹ ḍerekuu; á gotẹ ḅioḅẹlẹẹ, ọmịnị mị opu ama mẹ ḅẹlẹmarịapụ mamgba! Mịọkụ á ḅụụ sọ tẹ ḍerekuu, ọmịnị á gotẹ kururu apụ mamgba!

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 31:25

À ḅụụ-lọkọtẹ apụ ma mịẹ tẹ ini ịwọ ịnyọ sụa ḅa, tẹ fịye kẹ ḅuru-pọkọtarị tẹ ịnyọ ḅụụ ḅio fa tẹ ḅọ goḅọ-goḅọ pịrị fị furo ḅinma ḅa.

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Izikẹlị 7:16

Ja apụ pụkọ-paka mu tụndụ ma kpọlị ḅa, tụndụ-suku olosịkịya dee tẹ ini iwo ḅara. Inimgba ịna asi owu ḅa.

Izikẹlị 9:4

“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”

Matiyo 5:4

“Ḅioḅẹlẹ sime amịna asi gotẹ kururuarị apụ ma pịrịm; Tamụnọ ịna ḅiokpọma ḅa!”

Matiyo 5:6

“Ḅioḅẹlẹ sime Tamụnọ ḅụụ-ḅẹlẹ ye mịẹ ḅụụ ḅụ ye la ḅẹẹye-ḅẹẹye nẹngị apụ ma pịrịm; Tamụnọ mịẹtẹ anị ọkọ sime ịn pịrị gbasịma ḅa!”

Luku 1:53

Ḅuru pọkọ-tarịarị apụ ma ori iḅi aị kẹ ịn pịrị fị furo ḅinma tẹ, ngọ-kọnapụ ma ọ̀ papaa ḅara ḅụ in dee-siin tẹ.

Luku 6:20

Jizọsị ò ḍukamẹnjịapụ ma ḍiki tẹ ḅẹẹm, Ọmịnị igoin-apụ, ó boma tẹẹ; Tamụnọ Ama-da mẹ sime ọ́ pịrịm!

Luku 6:22

Tomi Tomḅọ Tụḅọ ḅe gotẹ ó ḍiki-ḅioḅu, tẹ ọ́ sịkị, ó wori sima tẹ ḅịḅị ḅẹ sọye, sọye kẹ ọ́ ḅẹẹarị ḅẹḅẹ, ó boma tẹẹ!

Luku 6:25

Mịọkụ fị furo ḅinma tẹ apụ, ọ́ tẹkẹlẹ tẹẹ; ḅuru ọ́ tarị ḅa! Mịọkụ ḍẹrịarị apụ, ọ́ tẹkẹlẹ tẹẹ; ó kururu tẹ owu ḅa!

Jọnị 11:35

Jizọsị owum.

Jọnị 4:10

Jizọsị nwẹnị pakịrị, “Ị́ nwẹnị Tamụnọ kẹ tomi pịrị, pịrị ye na, ị́ ḅara minji mẹ ḅiiarị ḅọ ḅe na nimi namịna, mimgbe rẹ mie ọ̀ ḅara ị́ ḍumo-pịrịarị minji ḅii ọkị ḅarịye.”

Jọnị 6:35

Jizọsị nwẹnị ḍuko ịn pịrị, “Yẹrị anie ḍumo fịturu mẹ. Ị̀ ḍọkụma-ḅoarị ḅọ ḅuru ḅarị jen kẹ mḅọ tarị ḅịa; ì mininiarị ḅọ minji ḅarị jen kẹ mḅọ pọkọ tarị ḅịa.

1 Kọrịntị 4:11

Ḅo mị gbọrụ sakị mẹ la sọ, ḅuru paa wa tarị ḅaarị, minji sọ wa ẹrị ḅuu-a; kanị-kanịtẹ akapa mie wa sụa wararị; in fomuye kẹ wa fomuarị; sọ ḅẹ warị nyana-a apụ ḅara mie wa kẹ ikelekelema-ḅọrọarị;

2 Kọrịntị 11:27

Kọrịnama na nụnụ na; tọnwa sakị à ḍin mono ẹrị kọn-a; ḅuru pọkọ tarị na minji pọkọ tarị na; tọnwa sakị fịye-o, warị-o, kapa-o, à nyana-a.

2 Kọrịntị 12:10

Ọkọẹrẹsị, ị̀ ịnyọ ofori asakị ma na, wori-anume ma na, kụrọ-kụrọ aị ma na, ḅaa-ḅọkọ kẹ ị̀ ḍọkị ma na, ḅụụ-fụkama aị ma na, tẹ à Kịrayịsị sịḅị gotẹ ẹrịarị aị ma ị̀ na iḅi wararị. Kẹ gotẹ ọkọ ḍukoarị, ịnyọ ị̀ ḅụụ ḅio ofori sakị mẹ ḅụ, mie à pịkị kụrọ wararị sakị mẹ.

2 Kọrịntị 6:10

karakaraye ịn wa kururuma ḅẹ mịẹm, sakị mamgba wa ḅioḅẹlẹarị; wa igoin-apụ kịkarị, kụma wa mịẹtẹ tọnwa-apụ ngọ kọn-arị; wa gberie-sọ nyana-a apụ ḅara simearị, anịsọ wa ye goyegoye nyana wararị.

Jemụsị 1:12

Ḅioḅẹlẹ sime anị ḅọ mẹ pịrịị, anie ịn sọkịrị ḍiki fama tẹ paa amịna minini ḅụ sịẹ-kụrọ wararị ḅọ mẹ, kẹ gotẹ ọkọ ḍukoarị, ọkọ sime sọkịrị mẹ ḅụ tolu-ḅọrọ tẹ ḅọ mẹ mḅọ Tamụnọ minini ọ̀ ḅẹlẹma apụ ma pịrị gbẹẹ-ye mẹ nyana ḅa.

Mịẹfinji 21:3

À nwẹnị emine mẹ ọgọnọ lẹgị ḅọ ḅe gele pọkọ kẹ kọn ẹkwẹn naa, “Mịọkụ Tamụnọ ḅo tomina ogboku anga tẹẹ! Ori ini na sime ḅa, tẹ ini ori atomi sọ ḅa. Tamụnọ ḅarana ini na sime tẹ ịna Tamụnọ sọ ḅa.

Mịẹfinji 7:16

Ḅuru ḅarị jen kẹ ịn tarị ḅịa, anịanịa minji; ịrụa sọ ḅarị ịn fọị ḅịa, ọfịrị sọ ḅarị ịn dọkịma ḅịa,