Luku 6:19 - FỊAFỊA BAỊBỤLỤ

¹⁹ Tomi mamgba ini inetẹ ḅara, inetẹ ḅara mịẹ tẹ mu ḅara kẹ ọ̀ lamam, tẹ ọ̀ ḅụụ kụrọ paka mu, mu tẹ inimgba gwọm.

Luku 6:19 Iomraidhean Croise

2 Amadapụ 13:21

Sakị ḅẹ gbọrụ sakị ḅụ, ịn gbọrụ fịtẹ owiḅọ ḍiḅiarị ogbo, in nwẹnị gburo-gburotẹ gbọrụ ogbo ẹrị, tẹ ịn nwẹnị ḍụẹịn mẹ kẹ Ịlayịsa ḍiḅi ḍuḅu mẹ ḅio wakị-su. Ori oju mẹ Ịlayịsa mgbe ma lama gbọrụ-kirikiri, ọ̀ nwẹnị fị-ḅụ-saakị tẹ sịẹsime.

Matiyo 14:36

Tẹ ịn nwẹnị ọ̀ ḅara ḅii mịnẹ jen-a jen-a sọ, ọ̀ paa ḍụkụ tẹ obi apụ ma ḅara kẹ ọ̀ kapa suku ngẹrị sọ lama; ọkọ kẹ ḅara mẹ kẹ anị lama apụ mamgba ini oju iḅim.

Makị 3:10

Ọ̀ tọnwa-apụ gwọ tẹ anị ḅụ, obi apụ mamgba puu, puu sọ mum, ḅara kẹ ọ̀ lama ḅẹ ḅara.

Makị 5:30

Anị gbọrụ sakị ḅụ Jizọsị nimim mịnẹ kụrọ ọ̀ ḅụụ ḅio mẹnjị paka tẹ, anie ḅụ tomina-ogbo mẹ ḅio ọ̀ pịkị ọḅụ ḍiki tẹ gbelam, “Tụḅọ ḅara kẹ ị̀ kapa lama?”

Makị 6:56

Tẹ Jizọsị mu la anga, la anga, anị ḅọrọ opu ama-o, kala ama-o, pịkị ḍụọ-kiri sọ, tomi ma oju iḅi-a apụ kẹ mu ogumaḅiri ḅụ koroma tẹ ọ̀ tẹkẹm ọ̀ paa ḍụkụụ ịn ḅara kẹ ọ̀ kapa suku kịngẹ sọ lama, tẹ anị lama apụ mamgba oju iḅim.

Makị 8:22

In ḅo Bẹtịsayịda lam, anịanga ḅụ kịnị nwẹnị tọrụngbọ-pụụntẹ gbọrụ owiḅọ kẹ Jizọsị dama-ḅo tẹ ọ̀ tẹkẹ mịnẹ ọ̀ ḅara kẹ ọ̀ lamaa.

Luku 5:17

Gbọrụ ene ḅụ, Jizọsị ye tolumarị sakị, Galili na Judiya na ama goyegoye ḅụ na, Jeruselemu na ḅụ sime tẹ ḅo Farịsiiapụ ḅẹ ja apụ na Oloko toluma apụ na anịanga lẹgị-sime wararị. KỊNỊNYANAḄỌ ḅe kụrọ Jizọsị ḅụ simem kẹ obi apụ gwọ.

Luku 6:18

ini ori ẹkwẹn poki tẹ pịkị gwọọ ḅẹ ḅom. Si tẹmẹ ḅụụ ḅio sime apụ sọ ḅo tẹ gwọm.

Fịrịmẹnjịapụ 19:12

Ori ankịsị na ọ̀ kẹ ori ekpe kikimatẹ so ḅịtẹ na sọ ini ọkị mu obiapụ lama tẹ ịn gwọm; tẹ ịna ḅụụ ḅio sime si-atẹmẹ sọ paka-som.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.