Luku 6:17 - FỊAFỊA BAỊBỤLỤ

¹⁷ Jizọsị fịrịmẹnjịapụ ma na tụndụ mẹ ọgọnọ koro ḅo lẹsẹrẹ-kiri la tẹso, anịanga ò ḍukamẹnjịapụ ḅẹ ja apụ ori na sịẹsimem. Tẹ gbọrụ opu tomina-ogbo, tẹ Judiya na, Jeruselemu na, pịkị Taya na Sayịdọnị na, anie tọrụ akaka ḅẹ opu ama ma, ḅụ ḅo apụ na;

Luku 6:17 Iomraidhean Croise

Devidi-Anume 103:3

Ori ị̀ asi mamgba wẹrịso ị̀ pịrịarị tẹ ì obi mamgba gwọarị.

Matiyo 11:21

Ori mẹẹ, “Korazịnị, tẹkẹlẹ sime ị́ pịrịm! Bẹtịsayịda, ị́yẹrị sọ tẹkẹlẹ sime ị́ pịrịm. Ọmịna aḅio ḅụ kọrị tẹ ḅụụ-buama-aị ma nwẹnị Taya na Sayịdọnị na ḅio kọrịm namịna mimgbe tomi ma akpa ịnwaịn tẹ fọọn ḍuu ịna sịḅị sara tẹ ḍie-pakama tẹ mịnẹ ini ịna asi ḅụ pịkị tẹ.

Matiyo 12:15

Jizọsị tomi ma ọ́ ḅaa ḅẹ ḅẹrẹ-ḅiya ye mẹ nimi tẹso, ọ̀ nwẹnị anịanga ḅụ so. Tẹ opu tomina-ogbo ò ḍuka mu tẹ ori ịna ḅụụ obiapụ mamgba gwọm,

Matiyo 14:14

Jizọsị mu sọma tẹ kiri koro sịẹ tẹ opu inweni-ogbo mẹ ẹrị sakị, ịna ọkụrụkụrụ ọ̀ ḅaa tẹ ori ịna ḅụ obi apụ ma gwọm.

Matiyo 15:21

Jizọsị nwẹnị anịanga ḅụ so Taya na, Sayịdọnị na opu ama ma na kpeki anga mu.

Matiyo 5:1

Jizọsị tomi ogbo-ogbo gbii-gbiima ọ̀ dama-ḅoarị ye ẹrị tẹ tụndụ kpọlị tẹ lẹgị-simem (Juu-ḅẹ-apụ ma ye-tolumapụ mịẹ-mịẹ ḅara ḅụ), ò ḍukamẹnjịapụ ma mu ò gbori-ikelema tẹso,

Luku 5:15

Kụma Jizọsị paa ereso ma-muarị, tẹ tomina-ogbo-ogbo ọ̀ dama-ḅo, tẹ ori ẹkwẹn naa tẹ pịkị ịna obi ḅụ gwọ ḅẹm.

Luku 6:12

Anị sakị ḅụ Jizọsị tụndụ kpọlị iwo tẹ anịjụ bebe ḍin kẹ Tamụnọ tẹkẹm.

Luku 6:16

Judasị, Jemusị tụḅọ ḅe na, Judasị Isikarịyọtị, anie tọrọkọ Jizọsị kẹ dẹrịma ḅọ ḅe na.

Luku 6:18

ini ori ẹkwẹn poki tẹ pịkị gwọọ ḅẹ ḅom. Si tẹmẹ ḅụụ ḅio sime apụ sọ ḅo tẹ gwọm.