Luku 6:12 - FỊAFỊA BAỊBỤLỤ

¹² Anị sakị ḅụ Jizọsị tụndụ kpọlị iwo tẹ anịjụ bebe ḍin kẹ Tamụnọ tẹkẹm.

Luku 6:12 Iomraidhean Croise

Devidi-Anume 22:2

Ị̀ Tamụnọ, eneḅaka ḅụ àrị ị́ sịn-arị, kụma ị́ ḅịḅị fie-a; ḍin ḅụ àrị ị́ sịn-arị, tẹ mono ị̀ tọrụ sọ-a.

Ayịzaya 26:9

Ḍin ḅụ arị ì ḅioḅẹngbọ mẹmgba kẹ ị́ ḍọkịarị; í tomikiri mẹ na anị ḅẹ atomi ma na kọn ḅarị sakị, inimgba karakara ḅẹrẹkọn ḍawọ ḅa.

Danẹlị 6:10

Danẹlị ḅo nimi tẹ mịnẹ amadaḅọ ḅe ḅara kẹ oloko ḍiri ḅụ sụatẹ ḅẹ sakị ò so warị mum. Ò ḅekin-warị ọgọnọ-jụ ḅụ Jeruselemu da ikiḅa-ḅọkọ simem. Anị anga, sakị mamgba ọ̀ mịẹ tẹ ḅara ḅụ, ò finji sara wararị ikiḅa-ḅọkọ ma akaka kparakị tẹ Tamụnọ tẹkẹm, ene tẹra sakị tẹra sakị.

Matiyo 5:1

Jizọsị tomi ogbo-ogbo gbii-gbiima ọ̀ dama-ḅoarị ye ẹrị tẹ tụndụ kpọlị tẹ lẹgị-simem (Juu-ḅẹ-apụ ma ye-tolumapụ mịẹ-mịẹ ḅara ḅụ), ò ḍukamẹnjịapụ ma mu ò gbori-ikelema tẹso,

Matiyo 6:6

Kụma,, ị́ tẹkẹ ḅarị sakị, ị́ kala-ḅio sọ mu tẹ ḅọkọ gbaịn tẹrẹmẹ ị́ Ḍa kịnị tọrụngbọ kẹ ẹrị-ẹrịa ḅọ ḅe tẹkẹẹ. Tẹ ị́ Ḍa ḅe tẹ ḅọị anga ị́ mịẹye, mịẹye ẹrịarị ḅọ ḅe gbẹẹ-ye kẹ ị́ pịrị ḅa.

Makị 1:35

Ene-ḅaa ḅẹ dede-funfun ḅụ, ene amụ finji koro-a ogbo, Jizọsị warị koroma-som. Ori ama mẹ ḅio mẹnjị paka tẹ mu yaụ-sime wararị anga tẹkẹm.

Makị 3:13

Anịtẹso Jizọsị nwẹnị tụndụ kpọlị tẹ ori ḅarana ḅii owiapụ sịn ọ̀ ḅụụ pịrị. Ini ọ̀ dama-ḅom,

Makị 6:46

Ọ̀ ḅaaḅaa kẹ tomi ma ḅẹẹ fama tẹso, ò so gbọrụ tụndụ ọgọnọ tẹkẹ ḅẹ mum.

Luku 5:16

Kụma ori ḅiim ọ̀ ḅụụ-yaụ-anga mu tẹ tẹkẹ.

Luku 6:11

Tomi ma nwẹnị ịganị tẹmẹ lama tẹ ịn kẹ Jizọsị mịẹ ḅẹ ye kẹ ḅịḅị ọkị-a.

Luku 6:17

Jizọsị fịrịmẹnjịapụ ma na tụndụ mẹ ọgọnọ koro ḅo lẹsẹrẹ-kiri la tẹso, anịanga ò ḍukamẹnjịapụ ḅẹ ja apụ ori na sịẹsimem. Tẹ gbọrụ opu tomina-ogbo, tẹ Judiya na, Jeruselemu na, pịkị Taya na Sayịdọnị na, anie tọrụ akaka ḅẹ opu ama ma, ḅụ ḅo apụ na;

Luku 9:18

Gbọrụ ene ḅụ, Jizọsị ngẹrị tẹkẹarị ogbo ò ḍukamẹnjịapụ ma ḅo ọ̀ lam. Ọ̀ nwẹnị in ḅii, “Tomi ma ini ị̀ kẹ tụḅọ sịn-arị?”

Luku 9:28

Ọ̀ mịna aị ma ḍuko tẹ sọnọma aḍin ḅọrọ tẹso Jizọsị nwẹnị Pita na, Jọnị na, Jemusị na ọkị tụndụ ọgọnọ tẹkẹ ḅẹ mu.

Luku 9:29

Ọ̀ tẹkẹarị ḅe sakị ọ̀ tọrụkuḅu ḍima tẹ, ọ̀ kapa sọ weema tọrụ sọ ḅara kẹ ḅịya tẹ.

Jọnị 6:3

Jizọsị nwẹnị ò ḍukamẹnjịapụ ma na tụndụ kpọlị tẹ lẹgị-sime.

Kọlọsị 4:2

Tẹkẹ ḅụ ọ́ ḅara-siin ma, tẹ ọ́ tẹkẹarị sakị ọ́ pịkị ẹbị nyana, tẹ ịmịẹtẹ kẹ Tamụnọ ḅẹẹ.

Hiburu 5:7

Jizọsị tomikiri ḅẹ ḍumo ḅụ sime, sime sakị, oloku-oloku owu na, tọrụ owu-aminji sara na, mie ọ̀ kẹ Tamụnọ tẹkẹ, tẹkẹ tẹ ọ̀ ḅara ye ḅii ye, ori anie inetẹ fịị ḅụ ọ̀ ḅọrọma ḅẹ ḅọ ḅara ḅụ. Ọ̀ ḅụụ-lẹgịma tẹ tẹmẹ-la ḅara kẹ tẹkẹm ẹrẹsị Tamụnọ pịkị ọ̀ tẹkẹ naam.

1 Samụẹlị 15:11

“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.