Luku 6:11 - FỊAFỊA BAỊBỤLỤ

¹¹ Tomi ma nwẹnị ịganị tẹmẹ lama tẹ ịn kẹ Jizọsị mịẹ ḅẹ ye kẹ ḅịḅị ọkị-a.

Luku 6:11 Iomraidhean Croise

Nimi Tolumaḅọ 9:3

Tomikiri mẹ ḅụ mịẹarị aị mamgba ḅụ, miemẹ anie gbọrụ siye: miemẹ anie gbọrụ fietẹ-ḅoye mie ḅo inweni-mgba pịrị ḅarị ye; tomina aḅioḅẹngbọ ḅụ si-aị na nọmụ na mie pịkị ḅin wararị ye, ịn ḍumo wararị sakị ḅụ; anịsakị miemẹ ḅọrọ-ḅọrọ anie fị.

Matiyo 16:7

Ịn nwẹnị saakị ini-ini-ini ogboku ḅịḅị ọkị-a tẹ ḅẹẹ, “Wa fịturu kẹ ḅo-a ye mẹ mie ó gotẹ miemẹ ḍukoarị.”

Matiyo 21:45

Agbamịẹapụ ma na, Farịsiiapụ ma na Jizọsị gbaa egberi mẹ naa tẹ nimim mịnẹ in gbolomaye mie ò ḍuko sime ye,

Luku 4:28

Ama-warị mẹ ḅio sime apụ ma miemẹ naa sakị ịn nwẹnị kpọma ịganị,

Luku 6:10

Ori in ḍiki ikelema tẹso, ọ̀ nwẹnị tomḅọ ḅe ḅẹẹ, “Ị́ ḅara sụn-pakamaa.” Tomḅọ ḅe nwẹnị ọkọ mịẹ, tẹ ọ̀ ḅara nwẹnị gwọọ.

Luku 6:12

Anị sakị ḅụ Jizọsị tụndụ kpọlị iwo tẹ anịjụ bebe ḍin kẹ Tamụnọ tẹkẹm.

Jọnị 11:47

Mie ḅụ Farịsiiapụ ma na agbamịẹapụ ma na nwẹnị Sịẹ Kobiri mẹ sịn tẹ ini na ḅịḅị-ọkịya tẹ ḅẹẹ, “Ndẹẹ wa mịẹ ḅẹ ḅara? Ḅị tomḅọ ḅe mịẹarị ḅụụ-buama-aị ma ọmịnị ẹrị tẹ!

Jọnị 7:1

Mie ḅọrọ tẹso, Jizọsị nwẹnị Galili ḅụ sime tẹ mu anga, anga la, anị ibe mẹ ḅụ; ọ̀ ḅarị Judiya ḅụ ọkọ mịẹ-a, Juu-ḅẹ ḅẹrẹtọn-apụ ma ọ̀ ḅaa ḅẹ ḍọkị simem ẹrẹsị.

Fịrịmẹnjịapụ 26:11

Tọnwa sakị ama-awarị ma ḅio à mịẹ tẹ in fomu-ḅara kẹ ịn pịrịm; à pịkị mịẹtẹ ịna minini ḅụ ịn ḅịḅị ḍima ḅẹ ḅara ḍọkịm. Anị ị̀ ḅụ kụrọ la ḅara ja asịẹ ḅụ sọ arị in ḍuka mu ḅaa ḅẹ ḍọkịm.

Fịrịmẹnjịapụ 4:15

Mie ḅụ ịn nwẹnị ịn ḅẹẹ in kobiri wararị ḅio mẹ ḅụ pakaa, tẹ ini nwẹnị piri-sọ ịn pịrị.

Fịrịmẹnjịapụ 4:19

Kụma Pita na Jọnị na nwẹnị ịn pakịrị, “Ọmịnị ḅarana kọn ọmịna aḅụụ pịrịị, ndẹẹ maaịn ma ḅụ kuraye Tamụnọ tọrọkọ — ọmịna ḅịḅị poki mụnọọ, Tamụnọ ḅịḅị poki?

Fịrịmẹnjịapụ 5:33

Sịẹ-Kobiri mẹ miemẹ naa sakị, anị ini ịganịma la ḅara ḅụ, ịn fịrịmẹnjịapụ ma ḅaa ḅẹ ḍọkịm.

Fịrịmẹnjịapụ 7:54

Sịẹ-Kobiri mẹ ḅẹ apụ ma Sitivini poki sakị, ori ẹkwẹn mẹ kpọma ini ịganịma lamam, tẹ ịn nwẹnị aka-fanga ọ̀ pịrị.

2 Timoti 3:9

Kụma in mu la ḅaka ḅẹ anga ofori, kẹ gotẹ ọkọ ḍukoarị, ịna ḅụ ọrụḅọ-ọrụḅọ ẹrị ḅa mịnẹ ịn oḅori-sọ lama tẹ. Anị gbọrụ ḅara mẹ mie anị paka Janẹsị na Jamụbẹrẹsị na pịrị ḅara.