Luku 5:8 - FỊAFỊA BAỊBỤLỤ

⁸ Sayịmọnị Pita mie ẹrị sakị, ò mu Jizọsị suku kparakị tẹ ḅẹẹm, “KỊNỊNYANAḄỌ, ị́ ḅụụ kẹ ì kpekima ma! Yẹrị si-ḅọọ!”

Luku 5:8 Iomraidhean Croise

2 Samụẹlị 6:9

Devidi nwẹnị anị ene mẹ ḅụ KỊNỊNYANAḄỌ ḅe ḍiki-ḅalafaa; tẹ ọ̀ nwẹnị ḅẹẹ, “KỊNỊNYANAḄỌ ḅe Ọḅọkụ-Igbe mẹ inetẹ tọ-ḅara kẹ ị̀ ḍọkụma-ḅo ḅẹ?”

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

Jobu 40:4

Ḍikii, à nimi ye ofori; à tiye kẹ ị́ pakịrị ḅẹ? Àrị ị̀ ḅara kẹ ị̀ ḅịḅị gbaịnm.

Paka-so 20:19

Ịn nwẹnị Mozizi ḅẹẹ, “Ị́yẹrị ẹkwẹn wa pịrịị, anịsakị wa naa ḅa; kụma yee Tamụnọ da-da ẹkwẹn wa pịrị ma, anieofori wa ḅofa fịị.”

Ayịzaya 6:5

À ḅẹẹm, “Gbọrụ ḅiokpọ sọ ị̀ ḅụụ ofori! À fa tẹẹ. Àrị ẹkwẹn pakama-ḅoarị ẹkwẹn mamgba si-aị famam, tẹ si-aị si-aị ẹkwẹn-arị atomi ogboku mie à pịkị angarị ye. Tẹ anịsọ, à ḅarana ị̀ atọrụngbọ kẹ Amadaḅọ ḅe ẹrị tẹẹ, Kụrọmamgba nyana KỊNỊNYANAḄỌ ḅe!”

Matiyo 17:6

Jizọsị ḍukamẹnjịapụ ma pọkọ mẹ naa sakị ini oju sẹkịm, ḅalafa ḅụ, tẹ ịn nwẹnị ḅịkị kiri koro tẹ iḅo.

Matiyo 2:11

Ịn warị mẹ sọ mu sakị ịn tụḅọ ḅe na, ò iyingi Meri na ẹrị tẹ kparakị tẹ sunsin ọ̀ pịrịm. Anịtẹso ịn nwẹnị ngọ pakama-ḅo ḍie ọ̀ pịrị. Ịn kẹ ọ̀ pịrị ngọ ma anie golu na, ye la lamatẹ kụnụaị anie ịn kẹ fịranịkịnịsẹnịsị na, maa na sịn aị.

Matiyo 8:8

Ọmụ-alaḅọ ḅe nwẹnị ọ̀ pakịrị, “Ị̀ nyanaḅọ, gbala-gbala ḅarana ḅo ma. Àrị ị́ mẹnjị ị̀ warị ḅio sọ-ḅo na gbasị-a. Ị́yẹrị paa tọn, ị́ fịrịmẹnjịḅọ ḅe oju iḅi ḅa.

Luku 5:7

Mie ḅụ ịn nwẹnị ḅara kẹ osi arụ ḅẹ apụ fẹngụma in ḅo ḅarasụa ịn pịrịị. In ḅo la tẹso, ịn nwẹnị maa arụ ma sẹịn tẹụma, tẹ kẹlẹ kọnm arụ ma ḅile tẹ.

Luku 5:9

Ịn kun inji ma kịẹn-ḅịḅị ḍụḅa la ḅara nwẹnị Sayịmọnị na ori na sime apụ ma na ḅụụ-buama.

Jọnị 11:32

Meri mu Jizọsị sime anga la tẹ ori ẹrị gbọrụ sakị árị ọ̀ ḅụọ-suku ḅịkị koro tẹ ḅẹẹm, “KỊNỊNYANAḄỌ, ị́ mịanga sime namịna ì iyimbere ḅe ọ̀ fịị ḅịa.”

1 Kọrịntị 13:12

Mịọkụ wa ẹrịarị ye mẹ kịkarị ye anie tẹmẹ-ḍikiye ḅio banabana-a ḅara kẹ ẹrị ye; anịtẹso sakị wa tọrụ kẹ dama-dama ḅara kẹ ye ẹrị ḅa. Mịọkụ à nimi wararị ye mẹ anie ye ḅụ ḅẹ pakịrị, Anịtẹso sakị anị bebe ye sọ ḅa, tẹso, à ḅo Tamụnọ kẹ ì nimi ḅara mẹ kẹ bebe ye nimi fama ḅa.

Mịẹfinji 1:17

Arị ori ẹrị sakị, àrị ori aḅụọ-suku ḅịkị koro tẹ fịtẹ ḅọ ḅara simem. Ọ̀ nwẹnị ori ama-ḅara kẹ ị̀ ọgọnọ gbana tẹ ḅẹẹ, “Ḅalafa ma! Yẹrị anie tarị, pịkị kunoma-a.

Ḅẹrẹkọn-apụ 13:22

Manoha nwẹnị ọ̀ ta ḅẹẹ, “Tụkụma ḅara ḅụ wa fịị ḅa, kẹ gotẹ ọkọ ḅẹẹarị, wa tọrụngbọ kẹ Tamụnọ ẹrị tẹ.”

1 Samụẹlị 6:20

Anịtẹso Bẹtị-semesi ḅe apụ ma nwẹnị ḅẹẹ, “Tụḅọ inetẹ KỊNỊNYANAḄỌ ḅe tọrọkọ sịẹsime ḅẹ, ḅị fịafịa Tamụnọ ḅe? Anịsakị ò so tụḅọ ḍọkụma-mu tẹ wamịna-aḅụụ so ḅẹ?”