Luku 5:34 - FỊAFỊA BAỊBỤLỤ

³⁴ Jizọsị nwẹnị pakịrị: “Ọ́ sịn-arị ere-ịya-alalị mu apụ fịye fị-a ḅara kẹ sime ḅẹ, ere-ịyaḅọ ḅe ini na emi ogbo? Tọn-tọnm!

Luku 5:34 Iomraidhean Croise

Sọlọmọnị Ḅẹlẹtẹịn Nume 5:8

Jeruselemu ḅẹ ereme, sisi ó minini ị̀ pịrịị, mịnẹ ọmịnị ị̀ ḅẹlẹmaḅọ ẹrị ḅẹḅẹ, ó ḍuko ọ̀ pịrị ḅa mịnẹ arị ò gotẹ lẹlẹ tẹ ịnyọ ị̀ ḅụụ fa tẹẹ.

Sọlọmọnị Ḅẹlẹtẹịn Nume 6:1

Eremịna ogbo ḅụ iḅitẹịn ẹrẹḅọ, ị́ ḅẹlẹmaḅọ ḅe ḅọrọ tọ-anga mu? Ị́ ḅẹlẹmaḅọ ḅe ḅọrọ etela ḍuko wa pịrị, mịẹ tẹ wa inetẹ ḅarasụa ị́ pịrị tẹ ọ̀ ḍọkị ẹrị ḅẹ ḅara.

Ayịzaya 54:5

Ị́ Tẹmẹḅọ ḅe diḅọ ḅara sime ị́ pịrị ḅa Kụrọmamgba nyana KỊNỊNYANAḄỌ ḅe anie ori ẹrẹ. Izirẹlị tẹkẹarị Fịafịa Ḅọ ḅe ị́ ḅọrọma ḅa ori anie bebe tomikiri mẹ ḅẹ ḅẹrẹtọnḅọ.

Ayịzaya 62:5

Asatụḅọ kpaịntẹ iriawọ-tụḅọ ọkị simearị ḅara kịka ḅara ḅụ ị́ tẹmẹḅọ ḅe í sime ḅa. Ẹrẹḅọ simearị owiḅọ ò simearị ẹrẹḅọ ma ḅụ ḅioḅẹlẹ nyana ḅara, Anị ḅara mie ị́ Tamụnọ ḅe ị́ ḅụ ḅioḅẹlẹ ḅarị ḅara.

Zẹfanaya 3:17

KỊNỊNYANAḄỌ ị́ Tamụnọ ḅe ị́ na emi; Ọ̀ kụrọ owu-ḅara-iḅi kẹ ị́ pịrịarị. KỊNỊNYANAḄỌ ḅe í ḍiki tọrụ-ḅẹlẹ ḅa, tẹ ọ̀ ḅẹlẹma ḅụ ori ịwọ ḍumo kẹ ị́ pịrị ḅa. Ori í gotẹ nume-su tẹ ḍereku ḅa.

Matiyo 22:2

“Tamụnọ Ama-da sakị mẹ mie anị kịkarị ye. Gbọrụ sakị, gbọrụ amadaḅọ, ọ̀ tụḅọ gotẹ ere-ịya-alalị tẹlẹmam.

Matiyo 9:15

Jizọsị nwẹnị pakịrị, “Ọ́ sịn-arị ere-ịya-alalị mu apụ ere-ịyaḅọ ḅe ini na emi ogbo kururu ḅẹ? Jene-jene ọkọ sime ye amụ paka-a! Kụma ene ḅo ḅa, tomi ịna ogboku ḅụ ere-ịyaḅọ ḅe ọkị so ḅarị sakị, anị sakị rẹ ịn ḅo ḅuru-ịmọm ḅa.

Luku 5:33

Kịnị nwẹnị ḅo Jizọsị ḅẹẹ, “Jọnị ḍukamẹnjịarị apụ ma na Farịsiiapụ ma ḍukamẹnjịarị apụ ma na sakị, sakị ḅụ ḅuru-ịmọ tẹ tẹkẹarị, kụma í ḍukamẹnjịapụ ma fị-na-ḅuu-naarị.”

Luku 5:35

Kụma tomi ịna ḅara ere-ịyaḅọ ḅe ọkị so ḅẹ sakị ḅo ḅa, anị sakị rẹ mie in ḅuru-ịmọ ḅarịye.”

Jọnị 3:29

Ini ịyarị ẹrẹḅọ ma á sime á di ḅe pịrịm; á di ikiaḅọ ḅe nyana ye anie sịẹsime tẹ poki; ori ere-ịyaḅọ ḅe pọkọ naa tẹ ḅẹḅẹ, ò ḅioḅẹlẹ tẹ. Mị-ḅara mie ì ḅioḅẹlẹ mẹ ḅo bebe ye sọ tẹ ḅara.

2 Kọrịntị 11:2

Àrị ó gotẹ afana tẹmẹ nyana wararị, anie anị pịkị Tamụnọ na sime-ḅara; ọmịnị ị̀ ḅụụ kịkarị ye anie, kẹ ịya minini gbọrụ owiḅọ pịrị ḅụụ-gboloa iriawọ-tụḅọ; anị owiḅọ ḅe anie Kịrayịsị ḅioju.