Luku 5:32 - FỊAFỊA BAỊBỤLỤ

³² À ḅo iḅi-apụ sịn pịkị ḅẹ ḅo-a, kụma ama sịkịtẹ apụ ma, mịẹtẹ in si ḅụ pịkị ḅẹ ḅara.”

Luku 5:32 Iomraidhean Croise

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Matiyo 18:10

“Ọmịnị ẹrị mịnẹ ọ́ mịna kala awọmẹ ma ḅẹ gbọrụḅọ sọ ḍiki-sima-a. À ḍuko ọ́ pịrịarị, So-ḅio ḅụ ịna enjẹlịapụ sakị mamgba ị̀ Ḍa So-ḅio simearị ḅọ ḅe tọrọkọ emi.

Matiyo 9:13

Ó mu mị Fịafịa Ḍiri mẹ ḍuko ye mẹ fiearị ye ḍọkị-nimii, ‘Iḅi anga kẹ tomi na kọn mie à ḅiiarị ye, nama kẹ mịẹ agba-a.’ À tomi kẹ ye sịn-arị apụ sịn ḅụụ pịrị ḅẹ ḅo-a, kụma tomi sịkịtẹ apụ.”

Makị 15:10

Ò gotẹ ọkọ kẹ in gbela ye, ò nimim mịnẹ agbamịẹapụ ma afana nyana Jizọsị pịrịm ẹrẹsị ini ọ̀ saḅama ọ̀ pịrịm.

Makị 15:7

Anị sakị ḅụ Barabasị nwẹn-sịn gbọrụḅọ ikoli ḅio simem, ori na kọngọ kụrọma ḅẹrẹtọn apụ pịrị tẹ gbiri-gbiri-gbiri amịẹaị mịẹarị tẹ kịnị ḅaa apụ na.

Makị 2:17

Jizọsị ịn ḍuko ye naa tẹ ịn pakịrịm, “Ḅụụ iḅi wararị apụ ḅịrịḅọ ḍọkị ḍọkị-a, kụma obi apụ ngẹrị. À karakara apụ gotẹ ḅo-a, kụma ama sịkịtẹ apụ.”

Luku 15:10

Anị gbọrụ ḅara ḅụ, à ḍuko ọ́ pịrịarị, anie Tamụnọ enjẹlị gbọrụ si-mịẹḅọ tẹ si ḅụ pịkị ḅọ gotẹ ḍerekuarị ḅara.”

Luku 15:7

Anị gbọrụ ḅara ḅụ, à ḍuko ọ́ pịrịarị, ọkọ nẹngị ḅioḅẹlẹ So-ḅio sime kẹ gbọrụ si-mịẹḅọ tẹ si ḅụ pịkị ḅọ pịrị kẹ karakara wararị gbọrụḅọ fa kịnị sọnọa si tẹ si ḅụ pịkị ḅịa apụ nẹngị ḅa.

Luku 19:10

Fa apụ ḍọkị tẹ ịn ḅọrọma mie Tomḅọ Tụḅọ ḅe gotẹ ḅo ye.”

Luku 24:47

tẹ ori ẹrẹ ḅụ in si ḅụ pịkị na, si-wẹrịso na oku mẹ ḍuko sịẹ mamgba pịrị ḅa, Jeruselemu ḅụ saakị.

Luku 5:31

Jizọsị nwẹnị ịn pakịrị, “Obi-a apụ ḅịrịḅọ ḍọkị ḍọkị-a, kụma obi apụ ngẹrị mie ḅịrịḅọ ḍọkịarị ye.

Luku 5:33

Kịnị nwẹnị ḅo Jizọsị ḅẹẹ, “Jọnị ḍukamẹnjịarị apụ ma na Farịsiiapụ ma ḍukamẹnjịarị apụ ma na sakị, sakị ḅụ ḅuru-ịmọ tẹ tẹkẹarị, kụma í ḍukamẹnjịapụ ma fị-na-ḅuu-naarị.”

Fịrịmẹnjịapụ 17:30

Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị.

Fịrịmẹnjịapụ 2:38

Pita nwẹnị ịn ḅẹẹ, “Sime ḅọ, sime ḅọ amịna asi ḅụ pịkịị, tẹ Jizọsị Kịrayịsị ẹrẹ ḅụ minji sara-a, anị sakị Tamụnọ ọmịna asi ma wẹrịso ọ́ pịrị ḅa; tẹ ọ́ pịkị Tamụnọ ḍiepịrịye mẹ nyana ḅa, anie Fịafịa Tẹmẹ ḅee.

Fịrịmẹnjịapụ 20:21

Gbọrụ ḅara mie à kẹ Juu-ḅẹ-apụ na Ja asịẹ ḅẹ apụ na ḅeri nụnụ ye, mịnẹ ini ịna asi ḅụ pịkị Tamụnọ daa, tẹ Wa nyanaḅọ Jizọsị ḅe mininii.

Fịrịmẹnjịapụ 3:19

Ọkọẹrẹsị ọmịnị ọmịna asi ḅụ ḅara-siin, tẹ pịkị Tamụnọ daa, tẹ ori ọmịna asi wẹrịso ọ́ pịrị ḅarị ḅara. Ọmịnị ọkọ mịẹ-mịẹ,

Fịrịmẹnjịapụ 3:26

Mie ḅụ Tamụnọ nwẹnị ọ̀ sẹlẹ-ọkị tẹ Fịrịmẹnjịḅọ ḅe kẹ tarị ọ́ fịrịma, tẹ ó boma ḅẹ ḅara, mịẹtẹ ọrụḅọ-ọrụḅọ mḅọ si-sịḅịḅio-sụa etela ma ḅụ pịkị ḅụ.”

Fịrịmẹnjịapụ 5:31

Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.

2 Pita 3:9

KỊNỊNYANAḄỌ ḅe ò minini ye mịẹ ḅụ ọ̀ sakị fama fama-a, ja apụ kuromarị mịnẹ ọ̀ sakị famarị ḅara mẹ. Anie nakara, ọmịna ḅụ, ò ye-inemarị, ò ḅii-a gbọrụḅọ-sọ fịị gulugulu ẹrẹsị, kụma ò ḅiiarị inweni-mgba ịna asi ḅụ pịkị.