Luku 5:30 - FỊAFỊA BAỊBỤLỤ

³⁰ Farịsiiapụ ḅẹ ja apụ na ịna Oloko toluma apụ ḅẹ ja apụ na nwẹnị ḍuko sụa Jizọsị ḍukamẹnjịapụ ma pịrị tẹ ḅẹẹ, “Ó tiegotẹ ama-igbigi da apụ na ama sịkịtẹ apụ na gboloma tẹ fị-na-ḅuu-naarị?”

Luku 5:30 Iomraidhean Croise

Ayịzaya 65:5

Anịtẹso ịn jen-apụ ḅẹẹarị, ‘Ọ́ wamịna ḅụụ ḅelee, wa tọn-tọn ḅara sime ḅakam, ọ́ ḅara kẹ wa lama ḅụ!’ Arị inetẹ nwẹn sime apụ inema ḅịa — à nyana ịn pịrị wararị ịganị gbala-gbala biin-biin-a fịnị kịkarị.

Matiyo 5:46

Ị́ nwẹnị ị́ ḅẹlẹmarịapụ ngẹrị ḅẹlẹmarị ḅẹ kụma Tamụnọ gotẹ gbẹẹ-ye kẹ ị́ pịrị ḅẹ ye tiye? Mị-ḅara mie ama-igbigi da apụ ma sọ kọkọ mịẹarị!

Matiyo 9:11

Farịsiiapụ ma ḅẹ apụ nwẹnị miemẹ ẹrị tẹ Jizọsị ḍukamẹnjịapụ ma gbela, “Ọmịna ye-tolumaḅọ ḅe tiegotẹ nwẹn sime atomi na ḅara gboloma ye fịarị?”

Makị 2:16

Farịsiiapụ ma ḅẹ ja apụ tẹ Oloko mẹ Tolumarị apụ Jizọsị ẹrịm mịnẹ ori ama sịkịtẹ apụ na, ama-igbigi da apụ na ye fị gbolomarị ḅẹ ye ḅụ ini ò ḍukamẹnjịapụ ma gbelam, “Ò tiegotẹ ọkọ sime apụ na ye fịarị?”

Makị 7:3

(Anị gotẹ ọkọ paka ye anie, Farịsiiapụ ma-o, kirikọn osi Juu-ḅẹ-apụ ma-o, ịna atẹngịapụ tolumaye mie ini ọkị tẹ ḍukamẹnjịarị: in fịye fị-fịa ịn karakara ḅọkọ mẹ ḅụ ịna aḅara sịkịrị-a ogbo;

Makị 9:16

Jizọsị nwẹnị ò ḍukamẹnjịapụ ma gbela, “Ó tiye gbolomaye kẹ ini na ịgbanịyarị?”

Luku 18:11

“Farịsiiḅọ ḅe nwẹnị sikima ḅele tẹ tẹkẹ, ‘Tamụnọ, àrị ịmịẹtẹ kẹ ị́ ḅẹẹm, mịnẹ à ja tomi sime-ḅara sime-a — opu pọkọ-ḅẹngbọ sụa, ja apụ mingirima, anịanịa sẹfị ma ḅọrọ. Ịmịẹtẹ mịnẹ àrị anịanga simearị ama-igbigi da ḅọ ḅe na kịka-a.

Luku 19:7

Anị ẹrị apụ mamgba nwẹnị saakị mbụrụmbụrụ; “Ḅị tomḅọ ḅe igoni kẹ si-mịẹḅọ ḅe warị bịan-arị ḅara ḍikii!”

Luku 5:17

Gbọrụ ene ḅụ, Jizọsị ye tolumarị sakị, Galili na Judiya na ama goyegoye ḅụ na, Jeruselemu na ḅụ sime tẹ ḅo Farịsiiapụ ḅẹ ja apụ na Oloko toluma apụ na anịanga lẹgị-sime wararị. KỊNỊNYANAḄỌ ḅe kụrọ Jizọsị ḅụ simem kẹ obi apụ gwọ.

Luku 5:21

Oloko mẹ toluma apụ ma na, Farịsiiapụ ma na nwẹnị ini aḅụụ ḅẹẹ, “Ḅie ḅọrọ tọ-anga ḅoarị tomḅọ, tẹ nwẹn kẹ Tamụnọ kẹ kpọọtiarị? Tamụnọ sikima inetẹ si-wẹrịso kịnị pịrị ḅẹ ḅọ ofori!”

Luku 7:34

Tomḅọ Tụḅọ ḅe ḅo tẹ fị-na-ḅuu-naarị, tẹ ọmịnị mẹẹ, ‘Ḅieḅe ḍikii! Fị ye fị ye pọkọ-ta-a ḅọ, iru ḅuuḅọ, ama-igbigi da apụ na ama sịkịtẹ apụ na ikiaḅọ!’

Luku 7:39

Farịsiiḅọ ḅe miemẹ ẹrị sakị ọ̀ nwẹnị ḅịḅị kẹ ḅụụ fiema, “Ḅị tomḅọ ḅe nwẹnị karakaramatẹ ịkịankoroḅọ kụma, ò nimi na-iḅim, ḅara kẹ ọ̀ lamarị ẹrẹḅọ ma sime-ḅara; ò nimi na-iḅim á kọn-arị si ḍumo mẹ!”

Fịrịmẹnjịapụ 23:9

Oloku ḅịḅị mẹ kụrọ ḅaka tẹso, Farịsiiapụ ma pakịrị ḅẹ Oloko toluma apụ nwẹnị kụrọma anị na tụḅụrụ ḅụ ẹkwẹn, “Ḅị tomḅọ ḅe mịẹ siye wa ẹrị-a. Ẹbịsịya tẹmẹ, anịanịa enjẹlị ẹkwẹn ọ̀ pịrị wararị!”