Luku 5:25 - FỊAFỊA BAỊBỤLỤ

²⁵ Anị gbọrụ sakị ḅụ, inimgba tọrọkọ, tomḅọ ḅe nwẹnị saakị sịẹ tẹ ọ̀ kẹ ḅọlọlọ sime iḅila mẹ ọkị tẹ Tamụnọ tokini ma so warị mu.

Luku 5:25 Iomraidhean Croise

Suku-saakị 1:3

Tẹ Tamụnọ nwẹnị ḅẹẹ, “Yee bele paka,” tẹ bele nwẹnị paka.

Devidi-Anume 33:9

Ori ẹkwẹn sakị tomikiri mẹ tẹmẹm: ori tọn tẹ ye goyegoye tolu-pakam.

Devidi-Anume 50:23

Ịmịẹtẹ ḅẹ anie agba tẹ kụn kẹ ị̀ pịrịarị ye, tẹ piki-pikiye-ofori ḅara ḅụ, ị̀ ḅịḅị pokiarị apụ mamgba arị ịn ḅọrọma ḅa.

Matiyo 9:8

Tomi ma paka ye mẹ ẹrị sakị ịn ḅalafa tẹ Tamụnọ tokinim, ọ̀ kẹ tomi pịrị kụrọ gotẹ.

Makị 2:12

Inimgba paka ḅẹ ye ḍikiarị ogbo, tomḅọ ḅe saakị sịẹ tẹ amịna akpalị iko ọkị tẹ fọnya, fọnya som. Ye mẹ kẹ inimgba ḅụụ-buama ḅaka ḅara ḅụ ịn Tamụnọ tokini tẹ ḅẹẹm, “Gbala-gbala nwẹn sime ye amụ wa ẹrị-a!”

Luku 13:13

Ọ̀ nwẹnị ori aḅara kẹ árị ọgọnọ gbana, tẹ anị gbọrụ sakị ḅụ á nwẹnị tụkụ sịẹ, tẹ Tamụnọ tokini.

Luku 18:43

Anị gbọrụ sakị ḅụ ọ̀ nwẹnị inetẹ ye ẹrị, tẹ Jizọsị ḍukamẹnjị, tẹ ịmịẹtẹ kẹ Tamụnọ ḅẹẹ. Tomina-ogbo mẹ anị ẹrị sakị inimgba Tamụnọ tokinim.

Luku 5:13

Jizọsị nwẹnị ḅara sụn-pakama tẹ kẹ ọ̀ lama tẹ ḅẹẹ, “À ḍụkụm, gwọọ.” Anị gbọrụ sakị ḅụ sofịnị-obi mẹ nwẹnị ọ̀ ḅụụ so.

Jọnị 9:24

Ịn maa sakị karama ye kẹ iyi kụra-ḅio tọrụngbọ pụụn sime tomḅọ ḅe sịn pịkịma-ḅo tẹ ọ̀ ḅẹẹm, “Tamụnọ tọrọkọ ḅụ ye karị, mịnẹ karakara mẹ mie í ḍuko ḅarịye! Wamịnị nimi wararị mịnẹ ḅieḅe tẹ ị́ gwọ tomḅọ ḅe si-ḅọọ.”