Biblia Todo Logo
Bìoball air-loidhne

- Sanasan -




Luku 5:24 - FỊAFỊA BAỊBỤLỤ

24 Mịọkụ à kẹ ó ḍie ḅa, mịnẹ mị tomikiri ḅụ Tomḅọ Tụḅọ ḅe si-wẹrịso kụrọ nyana wararị ḅara.” Mie ḅụ ọ̀ nwẹnị tomḅọ ḅe ḅẹẹ, “Yẹrị ị́ ḅẹẹarị saakị sịẹ tẹ Í iḅila ọkị tẹ so warị muu.”

Faic an caibideil Dèan lethbhreac




Luku 5:24
26 Iomraidhean Croise  

Ọ̀ tọrụsiẹrị ḅọrọtẹ so sakị, ọ̀ pịkị siin jen kẹ ḍereku ḅa; tẹ ò ḅo nimi ḅa mịnẹ ọ̀ papaa tọrụsiẹrị-a. Ị̀ karakara fịrịmẹnjịḅọ, ḅụụ ḅụ à tọrụ-ḅẹlẹ nyanarị ḅọ ḅe, tọnwa-apụ fomu-ḅara da ịn pịrị ḅa, tẹ ọ̀ sịḅị ẹrẹsị à si-wẹrịso ịn pịrị ḅa.


À mịẹ ịkịan mẹ ẹrịarị sakị ḍin mẹ ḅụ, à tomḅọ kịkaye ẹrịm. Ọ̀ mẹnjị ị̀ dama-ḅoarị, oḅuto ori ikelema-koro wararị ḅara ḅụ, tẹ ò mu ḍumo mu ḅẹẹ-sakị ḅẹẹ-sakị laarị ḅo ḅe la tẹ ini ọ̀ kẹ ọ̀ pịrịm.


Jizọsị Sizariya Filipayị ama pakịrị anga mẹ mu tẹso, ọ̀ nwẹnị ò ḍukamẹnjịapụ ma gbela, “Tomi Tomḅọ Tụḅọ ḅe kẹ tụḅọ sịn-arị?”


“Tomḅọ Tụḅọ ḅe enjẹlịapụ mamgba na ḅo tẹ ama-da ḅarị sakị mẹ ḅụ, ori ori ama-da emine ọgọnọ lẹgị-sime ḅa,


Jizọsị nwẹnị ọ̀ pakịrị, “Anie ị́yẹrị ḍuko ḅara. Kụma à ḍuko ọmịnị-mgba pịrịarị: mị sakị mẹ ḅụ saakị mu ó Tomḅọ Tụḅọ ḅe ẹrị ḅa, ọ̀ Kụrọmamgba Nyanaḅọ ḅe ama-ḅara anga lẹgị-sime wararị, tẹ So-tọrụ ḅụ oḅuto ọgọnọ sime tẹ ḅoarị!”


Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.


Ò gboloma ye mu bebe Siriya sịẹ mẹ kana-korom, miemẹ mịẹtẹ ịn nwẹnị obi apụ mamgba kẹ mu ọ̀ la, obi mẹ sime-ḅara, sime-ḅara sọ — oru sịḅị ḅio sime apụ-o, ịsịla-obi kọn apụ-o, ngụrọ-kọnapụ-o, tẹ Jizọsị nwẹnị inimgba gwọ.


Ọkọẹrẹsị à mịẹtẹ ó nimi ḅa, mịnẹ Tomḅọ Tụḅọ ḅe ọ̀ kụrọ nyana wararị tomikiri ḅụ kẹ si-wẹrịso tomi pịrị.” Mie ḅụ ọ̀ nwẹnị ngụrọ-kọnḅọ ḅe ḅẹẹ, “Saakị sịẹ, í iḅila ọkị, tẹ so warị muu!”


Jizọsị nwẹnị ḅara sụn-pakama tẹ kẹ ọ̀ lama tẹ ḅẹẹ, “À ḍụkụm, gwọọ.” Anị gbọrụ sakị ḅụ sofịnị-obi mẹ nwẹnị ọ̀ ḅụụ so.


Ja atomi nwẹnị ngụrọ-kọnḅọ kẹ iḅila na dogi Jizọsị pịrị gwọ ḅẹ ḅo. Ịn ḅụụkụrọma tẹ ọ̀ kẹ mu Jizọsị tọrọkọ koroma ḅẹm.


‘Ị́ asi ịn wẹrịso ị́ pịrị tẹ’ ḅẹẹ na ‘saakị tẹ mẹnjịị’ na tiye sarasara osi ye nẹngị?


Anịtẹso ọ̀ nwẹnị saḅa mu ḅara kẹ ḍụẹịn igbe mẹ lama, tẹ anị dogiapụ ma nwẹnị daasịẹ. Jizọsị nwẹnị ḅẹẹ, “Asatụḅọ, yẹrị ị́ ḅẹẹarị, saakịị.”


Kụma Jizọsị nwẹnị á ḅara ọlọ tẹ á ḅẹẹ, “Ị̀ tụḅọọ, saakịị.”


Ọ̀ mị tẹkẹ mẹ kọn tẹso, ọ̀ nwẹnị oloku pọkọ kẹ ọ̀ sịn, “Lazarọsị, paka-ḅoo!”


Gbala ị́ kụrọ kẹ ọ̀ pịrịm tomḅọ goḅọ-goḅọ ḅụ, mịnẹ ò sime gbamaso ḍumo kẹ saakị ọ̀ pịrị tẹ apụ mamgba pịrịị.


Nimi mịnẹ Tomḅọ Tụḅọ ḅe, tẹ So-ḅio koro ḅo ḅọ ḅe sikima iwo So mu tẹ gbọrụḅọ-sọ ofori.”


Tẹ ọ̀ ḅẹrẹkọn kụrọ mẹ saakị Tụḅọ ḅe pịrị tẹ, ori Tomḅọ Tụḅọ ḅe ẹrẹsị.


tẹ oloku ọ̀ pịrị, “Saakị tụkụ tẹ ị́ aḅụọ kẹ sịẹsimee!” Tomḅọ ḅe nwẹnị ḍosi saakị tẹ mẹnjị ikelema.


Tamụnọ ori iwoma mu amịna ama-ḅara anga lamam, Sịḅịdaḅọ na Ḅọrọmaḅọ na ḅara ḅụ, tẹ nwẹnị kiri kẹ Izirẹlịapụ pịrị ịn kẹ si ḅụ pịkị tẹ Tamụnọ ịna asi wẹrịso ịn pịrị.


Pita nwẹnị ọ̀ ḅẹẹ, “Ahinasị, Jizọsị Kịrayịsị ị́ gwọ tẹ, saakị tẹ ị́ akpalị ikoo.” Anị gbọrụ sakị ḅụ ọ̀ nwẹnị saakị sịẹ.


Pita nwẹnị ḅio mẹ ḅụ inimgba pakama, tẹ kparakị tẹ tẹkẹ; anịtẹso ọ̀ nwẹnị pịkị ḍụẹịn mẹ da tẹ ḅẹẹ, “Tabita, saakịị.” Tẹ á tọrụ finji tẹ Pita ẹrị tẹso, á nwẹnị tụkụ tẹ lẹgị.


tẹ arị ogboku ḅụ tomḅọ kịkaye emi, mḅọ vọrọrọ-kapa sụa iderima ḅo mḅọ aḅụọ-suku lama wararị, pịkị golu ḅiri-ponoye kẹ iwoma mḅọ ekpe lama tẹ kẹ pono ikelema wararị.


Lean sinn:

Sanasan


Sanasan