Luku 5:20 - FỊAFỊA BAỊBỤLỤ

²⁰ Jizọsị tomi ma minini ẹrị tẹso, ọ̀ nwẹnị tomḅọ ḅe ḅẹẹ, “Ì ikiaḅọ, ị́ asi ịn wẹrịso ị́ pịrị tẹ!”

Luku 5:20 Iomraidhean Croise

Suku-saakị 22:12

Tẹ enjẹlị ḅe nwẹnị ḅẹẹ, “Ị́ ḅara, anịanịa gberie-sọ kẹ tụḅọ ḅe lama ma, kẹ gotẹ ọkọ ḅẹẹarị, mẹkịnẹ à nimi tẹ mịnẹ ị́ Tamụnọ ḍiki-ḅalafarị, tẹ tọrụ-gelegele í owiḅọtụḅọ, ị́ kpọkpọ gbọrụ tụḅọ sọ ọlọ-sịẹma-a ọ̀ kẹ ị̀ pịrị ḅụ.”

Ayịzaya 38:17

Ị̀ tẹmẹ ḅẹ akụ mẹ pịkị-ḅo dein sọ ḅa. Ị́yẹrị ì ḍumo ḅọrọmarị ye kẹ anị lama ḅẹ ye mẹmgba ḅụ, Ị́ ị̀ asi mamgba wẹrịsoarị.

Matiyo 9:2

tẹ anịjụ ḅụ kịnị nwẹnị ngụrọ-kọnḅọ kẹ iḅila na ḅo Jizọsị la. Ò tomi ma nyana minini la ḅara ẹrị sakị ori ngụrọ-kọnḅọ ḅẹ ḅẹẹm, “Ḅiokpọ nyana-a, ị̀ tụḅọọ! Ị́ asi ma ịn wẹrịso ị́ pịrị tẹẹ.”

Matiyo 9:5

Mịna maa ẹkwẹn ma ḅụ tiye sarasara osi ye nẹngị, ḅẹẹ mịnẹ, ‘Ị́ asi ịn wẹrịso ị́ pịrị tẹ’, anịanịa ḅẹẹ mịnẹ, ‘Saakị tẹ mẹnjịị?’

Makị 2:5

Jizọsị ịn nyana minini kụrọ la ḅara ẹrị tẹ ngụrọ-kọnḅọ ḅe ḅẹẹm, “Ị̀ tụḅọọ ị́ asi ma ịn wẹrịso ị́ pịrị tẹ.”

Luku 7:48

Anịtẹso Jizọsị nwẹnị ẹrẹḅọ ma ḅẹẹ, “Ị́ asi ịn wẹrịso ị́ pịrị tẹ.”

Jọnị 2:25

Kịnị pịkị gotẹ in gboloma ye ḍuko ọ̀ pịrị-pịrị ye ofori, tomina aḅioḅẹngbọ sime ye ò nimi famam ẹrẹsị.

Jọnị 5:14

Jen sakị ḅụ Jizọsị Tamụnọ-warị mẹ ḅio ori ẹrị tẹ ḅẹẹm, “Pokii, mịọkụ í oju iḅi tẹ; ḅarị jen kẹ si mịẹ ma, anieofori sii tarị ye mẹ nẹngị ye ị́ ḅụụ paka ḅa.”

Fịrịmẹnjịapụ 11:23

Ò mu la tẹ Tamụnọ kẹ tomi ma boma la ḅara ẹrị sakị, ò ḅioḅẹlẹ tẹ ịn ḅẹẹm mịnẹ in minini kụrọma tẹ iḅiọkụ ịna ḅioḅẹngbọ mamgba kẹ KỊNỊNYANAḄỌ ḅe fịnamaa.

Fịrịmẹnjịapụ 14:9

Ori anịanga lẹgị tẹ Pọlụ ḍuko ye pokiarị ogbo, Pọlụ nwẹnị ẹrị mịnẹ ò minini nyana wararị, tẹ inetẹ gwọ ḅa, tẹ ọ̀ nwẹnị da-da ò ḍiki

2 Kọrịntị 2:10

Ọ́ gbọrụḅọ mịẹ-irima wẹrịso mḅọ pịrị-pịrị, yẹrị sọ wẹrịso mḅọ pịrị tẹ. Kẹ gotẹ ọkọ ḍukoarị, à mịẹ-irima wẹrịso pịrị na-iḅi ḅọ emi tẹ arị ọkọ mịẹ-mịẹ, ọmịna sịḅị gotẹ à mịẹarị, Kịrayịsị tọrọkọ ḅụ.

Kọlọsị 3:13

Ọmịnị inoma fị jụmọ-jụmọ pịrị, tẹ si-wẹrịso jụmọ-jụmọ pịrịị, gbọrụḅọ osi ḅọ ḅụ ḍuko-sụa ḅẹ ye nyana, nyana. Ó si-wẹrịso jụmọ-jụmọ pịrịị, KỊNỊNYANAḄỌ ḅe kẹ si-wẹrịso ọ́ pịrị ḅara mẹ.

Jemụsị 2:18

Kụma gbọrụḅọ ḅẹẹ ḅa, “Gbọrụ tomḅọ minini nyana wararị, jụmọ kọrịnama nyana wararị.” Ị̀ pakịrị ḅịḅị anie, “Ị́yẹrị tomḅọ inetẹ kọrịnama ofori ḅara kẹ minini nyana ḅẹ ḅara mẹ kẹ ì ḍie. Yẹrị ị̀ akọrịnama ḅụ ì minini kẹ í ḍie ḅa.”