Luku 5:17 - FỊAFỊA BAỊBỤLỤ

¹⁷ Gbọrụ ene ḅụ, Jizọsị ye tolumarị sakị, Galili na Judiya na ama goyegoye ḅụ na, Jeruselemu na ḅụ sime tẹ ḅo Farịsiiapụ ḅẹ ja apụ na Oloko toluma apụ na anịanga lẹgị-sime wararị. KỊNỊNYANAḄỌ ḅe kụrọ Jizọsị ḅụ simem kẹ obi apụ gwọ.

Luku 5:17 Iomraidhean Croise

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.

Matiyo 15:1

Anịtẹso Farịsiiapụ ma na Oloko Tolumapụ ma na ḅẹ ja apụ nwẹnị Jeruselemu ḅụ sime tẹ Jizọsị dama-ḅo, tẹ ò gbela,

Makị 1:45

Kụma tomḅọ ḅe so tẹ saakị ọ̀ la anga, la anga paka ye mẹ ḍuko wasam. Paka ye ḍuko ḅụ, ori anị kẹ ẹkwẹn la ḅara mịẹtẹ Jizọsị ḅarị inetẹ ama ori ẹrị ḅẹ ḅara kẹ ama mẹ sọ mu-a. Paka ye ḍuko ḅụ, ọ̀ paka mu ḅụụ-yaụ-anga ḅụ simem, tẹ tomi nwẹnị anga anga ḅụ sime tẹ ò dama-ḅo.

Makị 16:18

ịn ḅara kẹ ododo saakị, anịanịa kịnị-ḅaaḅa ye ḅuu sọ, ye ịn la ḅịa; ịn ḅara kẹ obiapụ ọgọnọ gbana tẹ ini oju iḅi ḅa.”

Makị 3:22

Oloko mẹ tolumapụ ḅẹ ja apụ tẹ Jeruselemu ḅụ sime tẹ ḅo apụ ḅẹẹ simem, “Bẹlịzibulu nwẹn-sịn oru ḅe ọ̀ ḅụụ ḅio emi! Ori oru ma sịḅịdaḅọ ḅe mie kụrọ kẹ ọ̀ pịrị tẹ ọ̀ kẹ in dee pakamarị.”

Makị 5:30

Anị gbọrụ sakị ḅụ Jizọsị nimim mịnẹ kụrọ ọ̀ ḅụụ ḅio mẹnjị paka tẹ, anie ḅụ tomina-ogbo mẹ ḅio ọ̀ pịkị ọḅụ ḍiki tẹ gbelam, “Tụḅọ ḅara kẹ ị̀ kapa lama?”

Makị 7:1

Farịsiiapụ ma ḅẹ ja apụ na, Oloko toluma apụ ma ḅẹ apụ na Jeruselemu ḅụ sime tẹ ḅo Jizọsị gbori-ikelemam.

Luku 15:2

Farịsiiapụ na Oloko toluma apụ na nwẹnị saakị mbụrụmbụrụ, “Ḅị tomḅọ ḅe ama kẹ si-mịẹapụ sịn tẹ apụ ma daa-ọkị tẹ pịkị ini na ḅara gboloma fịye fịarị.”

Luku 2:46

Tẹra aḍin karama ene ḅụ ịn nwẹnị Tamụnọ-warị mẹ ḅio ori ẹrị, ò Juu-ḅẹ-apụ ma ye-tolumapụ na sime tẹ in tolumarị ye poki-poki tẹ pịkị ye kẹ in gbelarị.

Luku 5:21

Oloko mẹ toluma apụ ma na, Farịsiiapụ ma na nwẹnị ini aḅụụ ḅẹẹ, “Ḅie ḅọrọ tọ-anga ḅoarị tomḅọ, tẹ nwẹn kẹ Tamụnọ kẹ kpọọtiarị? Tamụnọ sikima inetẹ si-wẹrịso kịnị pịrị ḅẹ ḅọ ofori!”

Luku 5:30

Farịsiiapụ ḅẹ ja apụ na ịna Oloko toluma apụ ḅẹ ja apụ na nwẹnị ḍuko sụa Jizọsị ḍukamẹnjịapụ ma pịrị tẹ ḅẹẹ, “Ó tiegotẹ ama-igbigi da apụ na ama sịkịtẹ apụ na gboloma tẹ fị-na-ḅuu-naarị?”

Luku 6:19

Tomi mamgba ini inetẹ ḅara, inetẹ ḅara mịẹ tẹ mu ḅara kẹ ọ̀ lamam, tẹ ọ̀ ḅụụ kụrọ paka mu, mu tẹ inimgba gwọm.

Luku 7:30

Kụma Farịsiiapụ ma na Oloko toluma apụ ma na Tamụnọ tọn ịn pịrị ye sịkịm, tẹ ḍụkụ tẹ Jọnị minji kẹ ịn sara-a.

Luku 8:46

Kụma Jizọsị mẹẹ, “Kịnị ḅara kẹ ị̀ lamam; à nimim kụrọ ị̀ ḅụụ ḅụ mẹnjị paka sakị.”

Jọnị 3:10

Jizọsị nwẹnị pakịrị, “Ị́yẹrị Izirẹlị ḅụ opu ye-tolumaḅọ tẹ miemẹ nimi-a?

Jọnị 3:21

Kụma karakara mẹ mịẹarị ḅọ, mịẹarị ḅọ bele mẹ ḅio sọ-muarị, mịẹtẹ tomi ẹrị mịnẹ mḅọ Tamụnọ ḅịḅị poki amịẹaị mịẹm.

Fịrịmẹnjịapụ 19:11

Tamụnọ Pọlụ ḅụ ḅọrọ tẹ jene-jene kịnị amụ ẹrị-a ḅụụ-buama akọrịnama kọrịm.

Fịrịmẹnjịapụ 4:30

Ị́ ḅara sụn-pakama tẹ kẹ obi apụ gwọ, tẹ mịẹtẹ ị́ fịafịa Fịrịmẹnjịḅọ Jizọsị ḅe ẹrẹ ḅụ ḅụụ-gbiripuma aị na ḅụụ-buama-aị na mịẹ.

Fịrịmẹnjịapụ 5:34

Kụma ịna ḅụ ḅẹ gbọrụḅọ, tẹ Farịsiiḅọ, ori ẹrẹ Gamalịyẹlị, ori ḅe oloko tolumaḅọọ, tẹ tomi mamgba pịkị ọ̀ kụn lamarị, nwẹnị Sịẹ-Kobiri mẹ ḅụ saakị sịẹ. Ọ̀ tọnm mịnẹ ịn fịrịmẹnjịapụ ma pakamaa.