Luku 5:14 - FỊAFỊA BAỊBỤLỤ

¹⁴ Jizọsị nwẹnị tọn ọ̀ pịrị mịnẹ ò ḍuko kịnị pịrị ma, kụma ọ̀ da-da mu ḅụụ kẹ agbamịẹḅọ ḅe ḍie, tẹ ori ò pekele-ḍiki fama tẹ ḅẹḅẹ, ọ̀ nwẹnị Mozizi tọn koroma agba mẹ mịẹ, tẹ tomi nimi mịnẹ ọ̀ fịafịa tẹ.

Luku 5:14 Iomraidhean Croise

Lẹvitikọsị 13:2

“Tomḅọ oju-kiri ḅụ foin anga, anịanịa ọpọpọlị, anịanịa warị-warị mịẹ anga paka tẹ mḅọ oju-kiri ḅụ pịkị-ḅo sofịnị-obi mịẹ ḅara simem ḅẹḅẹ, anị sakị ḅụ ini mḅọ ọkị-ḅo Erọnị, agbamịẹḅọ ḅe, anịanịa ori owiapụ-awọmẹ agbamịẹapụ ma ḅẹ gbọrụḅọ pịrị ḅa.

Lẹvitikọsị 13:49

tẹ otito mẹ kapa mẹ ḅụ eleleinda tọrụ anịanịa awụ tọrụ ḅịyam ḅẹḅẹ, aniemẹ anie otito, tẹ kẹ agbamịẹḅọ ḅe ḍie ḅarị ye.

Matiyo 10:18

Ị̀ sịḅị ẹrẹsị ini ọ́ kẹ ḅẹrẹtọn apụ na, ama-da apụ na tọrọkọ ḅo ḅa, tẹ ọmịnị Iḅi Oku mẹ ḍuko ini na Ja asịẹ ḅẹ apụ ma na pịrị ḅa.

Matiyo 12:16

tẹ ḍuko ịn pịrị kụrọmam mịnẹ ini ọ̀ sịḅị kẹ ama sịn ma.

Matiyo 8:4

Anịtẹso Jizọsị nwẹnị tomḅọ ḅe ḅẹẹ, “Pokii! À nwẹn kẹ ị́ gwọ ye mẹ ḅẹlẹma gbọrụ tomḅọ sọ pịrị ma, kụma da-da agbamịẹḅọ ḅe dama-mu tẹ ori í pekele-ḍiki, tẹ ị́ gwọ tẹ mẹ ḍie-pakama ḅụ nwẹnị Mozizi oloko mẹ tọn koroma ḅara ḅụ, anị ḅẹ agbamịẹye mẹ koroma.”

Matiyo 9:30

Tẹ ịn nwẹnị sin ye ẹrị kụrọ nyana. Jizọsị nwẹnị tọn kụrọma ịn pịrị tẹ ḅẹẹ, “Gbala-gbala gbọrụḅọ kịngẹ sọ miemẹ ọ́ ḅẹlẹma pịrị ma.”

Makị 1:44

tẹso, ò tomḅọ ḅe ḅẹẹm, “Pokii, miemẹ gbolomaye ḍuko gbọrụḅọ-sọ pịrị ma. Kụma da-da agbamịẹḅọ ḅe dama-mu tẹ ori í pekele-ḍiki; anịtẹrẹmẹ kẹ ḅẹḅọ-ḅẹḅọ ḍie mịnẹ ị́ gwọọ tẹẹ, tẹ Mozizi tọn koroma agba mẹ mịẹẹ.”

Makị 6:11

Ó ḅo gbọrụ ama la tẹ tomi ma ọ́ daa-ọkịa, anịanịa ó ḍuko ḅẹ ye poki ḅịa ḅẹḅẹ, ọmịnị ọmịna aḅụọ ḅẹ fọọn gugu sara tẹ soo. Anie mẹ ḅeri nụnụ ye sọ ịn pịrị ḅa!”

Luku 17:14

Jizọsị ḅo ịna ẹrị tẹso, ọ̀ nwẹnị ịn ḅẹẹ, “Ó mu ḅụụ kẹ agbamịẹapụ ma ḍie tẹ ini ó pekele-ḍiki.” Ini ọkọ kẹ muarị ogbo ịna oju nwẹnị fịafịa.

Luku 5:13

Jizọsị nwẹnị ḅara sụn-pakama tẹ kẹ ọ̀ lama tẹ ḅẹẹ, “À ḍụkụm, gwọọ.” Anị gbọrụ sakị ḅụ sofịnị-obi mẹ nwẹnị ọ̀ ḅụụ so.

Luku 9:5

Kụma tomi ọ́ daa-ọkịa anga goyegoye ọmịnị ama mẹ koroma so, tẹ ọmịna aḅụọ oḅolo onwin sọ gugu sara, tẹ kẹ ḅeri-nụnụye sọma ịn pịrịị.”