Luku 5:12 - FỊAFỊA BAỊBỤLỤ

¹² Gbọrụ sakị ḅụ Jizọsị mu gbọrụ ama lam, tẹ sofịnị-obi-kọnḅọ anị ama mẹ ḅụ simem. Obi ḅọ ḅe Jizọsị ẹrị tẹso, ọ̀ nwẹnị ọ̀ ḅụụ sẹma-kiri-gbin, tẹ Jizọsị tẹkẹ, “Ị̀ Nyanaḅọ, ị́ ḍụkụ ḅẹ kụma í inetẹ ị̀ gwọ ḅa.”

Luku 5:12 Iomraidhean Croise

Suku-saakị 18:14

KỊNỊNYANAḄỌ ḅe ḅụụ kụrọ ḅaka ye emi? Kala fẹngụ mẹ ḅio, à tọn sakị mẹ ḅụ, à pịkịma ị́ ḍọkụma-ḅo ḅa, tẹ Sera gbọrụ owiḅọtụḅọ iyi ḅa.”

1 Amadapụ 18:39

Tomi mamgba anị ẹrị tẹso, ịn nwẹnị ịna tọrụkuḅu kẹ ḅịkị kiri ḅio koro tẹ ḅẹẹ, “KỊNỊNYANAḄỌ ḅe ori ḅe anie Tamụnọ ḅẹẹ, KỊNỊNYANAḄỌ ḅe ori ḅe anie Tamụnọ ḅẹẹ.”

2 Amadapụ 5:1

Nahamanị Siriya ḅẹ ọmụ-ogbo mẹ sịḅịdaḅọ ḅe anie gburo-gburo ḅọ Amadaḅọ ḅe tọrọkọ, tẹ ọ̀ kẹ ye-sịn pịkị mangịma nyana ọ̀ pịrị ḅọ. Kẹ gotẹ ọkọ ḅẹẹarị, ọ̀ ḅụụ ḅụ mie KỊNỊNYANAḄỌ ḅe owu-ḅara-iḅi kẹ Siriya pịrị ye. Ori anie kụrọ nyana tẹ ọmụgbinḅọ, kụma ò sofịnị-obi kọnm.

2 Amadapụ 5:27

Ọkọẹrẹsị Nahamanị sofịnị-obi mẹ sime ị́yẹrị na ị́ ḅụụ paka-ḅo apụ na pịrị gbamasoo.” Anieḅụ ọ̀ nwẹnị eene-mgbọ pịna-pịna ḅara kẹ sofịnị-obi mẹ kọn tẹ pịna tẹ ọ̀ tọrọkọ mẹnjị paka.

2 Amadapụ 7:3

Mịọkụ mẹnjị Sameriya ogigo mẹ sọarị ḅọkọ mẹ akaka sofịnị-obi kọn-arị ini apụ simem; ịn nwẹnị jụmọ-jụmọ ḅẹẹ, “Wa tiegotẹ mị yọ lẹgị-sime wenii fịị ḅẹ?

1 Paka-aị 21:16

Devidi ọ̀ tọrụ saakị tẹ ori atọrụngbọ kẹ KỊNỊNYANAḄỌ ḅe enjẹlị ḅe ẹrịm so na kiri na ogboku sịẹsime wararị, tẹ ọ̀ ḅara-ḅio ḅụ okologie nụnụ tẹ anị sụn-pakama Jeruselemu da wararị. Anịtẹso Devidi na omongiapụ ma na akpa kẹ kapa gbin sụa wararị tẹ nwẹnị ịna atọrụ-kuḅu kẹ ḅịkị koro.

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Devidi-Anume 91:15

Ịn ḅarasụa gotẹ ị̀ sịn sakị àrị ịna ḅịḅị ọkị ḅa, ịn ḅụụ-fụka ḅio sọ sakị, àrị ini na sime ḅa. Àrị ịn pụkọ-pakamaḅo tẹ ịn kẹ kụn nyana kiri ḅụ wẹrị ḅa.

Paka-so 4:6

KỊNỊNYANAḄỌ ḅe nwẹnị siin ọ̀ ḅẹẹ, “Ị́ ḅara kẹ í toni-ḅio suu.” Tẹ ori ọ̀ ḅara kẹ ò toni-ḅio suum; tẹ ori anị pakama-ḅo sakị, ḍikii, sofịnị-obi ọ̀ ḅara ḅụ paka tẹ eene mgbọlị pịna-pịna ḅara kẹ pịna-pịna tẹẹ.

Lẹvitikọsị 13:16

Kụma ịnọ mẹ sin pịkịm, tẹ ḍima ḅo pịna-pịnam ḅẹḅẹ, anịrẹ mḅọ agbamịẹḅọ ḅe dama-ḅo ḅa,

Lẹvitikọsị 9:24

Tẹ fịnị KỊNỊNYANAḄỌ ḅe tọrọkọ ḅụ kọrị paka-ḅo tẹ agbamịẹ-anga mẹ ọgọnọ ḅụ mie dọkịma agba mẹ na, ḅẹlẹkị mẹ na dọkịma siinm. Tomi mamgba pakaye mẹ ẹrị tẹso, ịn nwẹnị oloku, tẹ ịna atọrụ-kuḅu kẹ ḅịkị kiri-ḅio koro.

Matiyo 26:6

Jizọsị Bẹtani ḅụ Sayịmọnị nwẹn-sịn jen sakị sofịnị-obi kọn tẹ so tẹ ḅọ warị mum.

Matiyo 9:28

Jizọsị mẹnjị warị sọ tẹso, tọrụngbọ-pụụntẹ-apụ ma nwẹnị sọ ọ̀ dama-ḅo tẹ ọ̀ nwẹnị in gbela, “Ó minini mịnẹ arị inetẹ ọ́ gwọ ḅẹ?” Ịn nwẹnị ọ̀ pakịrị, “Inn, wa nyanaḅọ, í inetẹ wa gwọ ḅa!”

Makị 5:23

tẹ tẹmẹ-la ḅara kẹ ọ̀ tẹkẹm, “Ị̀ ẹrẹḅọtụḅọ kalịye obi lamarị. Sisi ḅo tẹ ị́ aḅara kẹ árị ọgọnọ gbana, mịẹtẹ árị oju iḅi tẹ á ḍumo ḅarị ḅara!”

Luku 17:16

Ọ̀ nwẹnị Jizọsị ḅụọ-suku amịna ḅụụ sẹma-kiri-gbin, tẹ ịmịẹtẹ kẹ ọ̀ ḅẹẹ. Tomḅọ ḅe Sameriya ḅẹ ḅọ.

Luku 5:13

Jizọsị nwẹnị ḅara sụn-pakama tẹ kẹ ọ̀ lama tẹ ḅẹẹ, “À ḍụkụm, gwọọ.” Anị gbọrụ sakị ḅụ sofịnị-obi mẹ nwẹnị ọ̀ ḅụụ so.

Ditẹrọnọmị 24:8

Ọmịnị ọmịna aḅụụ ẹbị sofịnị-obi ḅo ọ́ la sakị la sakị, ḅẹlẹma iḅiọkụ ḅụụ ẹbị tẹ Livayị furo ḅẹ agbamịẹapụ ma kẹ ọ́ daa-karakarama ḅara, karakarama ḅara mịẹ ḅụ, à wẹrịtẹ tọn ịn pịrị ḅara mie ọ́ ḅụụ ẹbị tẹ mịẹ ḅarị ḅara.

Hiburu 7:25

Tẹ anie ḅụ, ori inetẹ ọ̀ ḅụụ ḅọrọ Tamụnọ ḍọkụma-ḅoarị apụ ḅọrọmarị mịọkụ na, ḅẹẹ-sakị ḅẹẹ-sakị na ḅụ, ò ḍumo gbamasoarị tẹ sakị mamgba Tamụnọ tọrọkọ ịn ḍụarị ẹrẹsị.

Jọsụwa 5:14

Tẹ ọ̀ nwẹnị pakịrị, “Ẹn-ẹn, kụma KỊNỊNYANAḄỌ ḅe ọmụ-ogbo mẹ ḅẹ sịḅịdaḅọ ḅara kẹ mịọkụ à ḅom.” Jọsụwa nwẹnị ọ̀ tọrụkuḅu kẹ ḅịkị kiri-ḅio koro tẹ sunsin, tẹ ọ̀ ḅẹẹ, “Ị̀ nyanaḅọ ḅe ḅiiarị ọ̀ fịrịmẹnjịḅọ tiye mịẹ mọ?”