Luku 5:10 - FỊAFỊA BAỊBỤLỤ

¹⁰ Anị gbọrụ ḅara anie anị pịkị kẹ Zẹbidi awọmẹ Jemusị na Jọnị na, tẹ Sayịmọnị na ḍuka ma-mu apụ ma sọ ḅụụ-buama ḅara. Jizọsị nwẹnị Sayịmọnị ḅẹẹ, “Ḅalafa ma, mịọkụ saakị tọrọkọ mu í tomi kun kun-ḅo ḅa.”

Luku 5:10 Iomraidhean Croise

Matiyo 13:47

“Ọ́ pịkị ọkịị, Tamụnọ Ama-da sakị mẹ anị miemẹ na kịkarị. Inji ḅaa apụ tọrụ paka tẹ ịna ịgbọ sara pakama tẹ anị inji ḅara-ḅara kun-arị.

Matiyo 14:27

Anị gbọrụ kiri Jizọsị ẹkwẹn ịn pịrị tẹ ḅẹẹm, “Ó ḅiokpọọ! Yẹrịị. Ọ́ ḅalafa ma!”

Matiyo 20:20

Anịtẹso Zẹbidi ta ma árị maa owiapụ-awọmẹ kẹ Jizọsị dama-ḅo tẹ ọ̀ tọrọkọ kparakị tẹ ọ̀ ḅara ye ḅiim.

Matiyo 4:19

Jizọsị nwẹnị ịn ḅẹẹ, “Ó ḅo ì ḍukamẹnjịị, àrị ó toluma tẹ ó tomi kun-kun-ḅo ḅa.”

Matiyo 4:21

Tẹ ọ̀ mẹnjị tọrọkọ mu tẹso, ọ̀ pịkị jen maa mịnapụ ẹrịm, Jemusị na Jọnị na, ini anie Zẹbidi nwẹn-sịn gbọrụḅọ awọmẹ. Ini na ịna ḍaḅọ na ịna arụ ḅio sime tẹ ịgbọ sụlẹ simem. Jizọsị nwẹnị ịn sịn,

Makị 1:17

Jizọsị nwẹnị ịn ḅẹẹ, “Ọmịnị ì ḍuka-ḅoo, tẹ à tomi kun-kun ḅara kẹ ó toluma ḅa.”

Luku 5:7

Mie ḅụ ịn nwẹnị ḅara kẹ osi arụ ḅẹ apụ fẹngụma in ḅo ḅarasụa ịn pịrịị. In ḅo la tẹso, ịn nwẹnị maa arụ ma sẹịn tẹụma, tẹ kẹlẹ kọnm arụ ma ḅile tẹ.

Luku 5:9

Ịn kun inji ma kịẹn-ḅịḅị ḍụḅa la ḅara nwẹnị Sayịmọnị na ori na sime apụ ma na ḅụụ-buama.

Luku 6:14

Sayịmọnị (anie ò Pita kẹ sịn ḅọ ḅe) na ori iyimbere Anduru na; Jemusị na Jọnị na; Filipu na Batolomiyo na.

Jọnị 21:2

Sayịmọnị Pita na, Tọmọsị (ịn kẹ Maa apụ awọmẹ sịn ḅọ ḅe) na, Natanịyẹlị (Galili ḅẹ Kena ḅụ sime tẹ ḅo ḅọ ḅe) na, Zẹbidi owiapụ-awọmẹ ma na, ja Jizọsị ḍukamẹnjị ja maa apụ na, gbọrụ anga simearị ogbo,

Fịrịmẹnjịapụ 2:4

Fịafịa Tẹmẹ ḅe nwẹnị inimgba ḅụụ ḅio sọ ḅin, tẹ ịn nwẹnị saakị kịrị-kịrị ama ḅẹ aḅịḅị fie, Fịafịa Tẹmẹ ḅe kụrọ kẹ ịn pịrịm ini ẹkwẹn nwẹn ḅẹ ḅara ḅụ.

2 Kọrịntị 8:23

Tayịtọsị kụma, ori anie ị̀ na sọ tẹ kọrịnama kọrịarịḅọ, ḅarasụa ọ́ pịrị ḅụ; osi amịnapụ ma anie sọsị ma tọrụ ḍima tẹ ori na muarị apụ, ebube ọkị-ḅo Kịrayịsị pịrị ḅẹ ḅara.

2 Timoti 2:26

Anịtẹso ịn naa-ḅo tẹ ịna karakara kuroma ḅụ sọ tẹ Ekwesu ḅe ḍiein mẹ ḅio pụkọ-pakaḅo ḅarị ḅara, anie in kuun-sịẹma tẹ ini ọ̀ ḅịḅị pokiarị ye mẹ ḅio.