Luku 5:1 - FỊAFỊA BAỊBỤLỤ

¹ Gbọrụ ene ḅụ, ḅụ Jizọsị Gẹnẹsarẹtị tọrụ akaka sịẹ wararị ogbo, tomi jụmọ-jụmọ sukuruma ma-mu ọ̀ lam, ịn Tamụnọ ẹkwẹn mẹ poki ḅẹ ḅara.

Luku 5:1 Iomraidhean Croise

Kịẹn-aḅịḅị 34:11

anịsakị Sefamụ ḅụ oke mẹ ideri-mu Ribula la ḅa Eyini ḅụ ịrụa-saakịarị-anga anga ḅụ tẹ oke mẹ ideri-mu Kịnẹrẹtị ḅẹ tọrụ mẹ ḅẹ tuma anga mẹ la ḅa ịrụa-saakịarị-anga anga mẹ ḅụ;

Matiyo 11:12

Jọnị saakị ọ̀ kẹ ḅo oku mẹ ḍuko ene ḅụ ḅo mịmgba la, Tamụnọ Ama-da mẹ kpọma kụrọnị amịẹaị da tẹ, tẹ kụrọ-kụrọ amịẹaị mịẹ apụ kụrọ ḅara ḅụ anị ọkị ḅẹ ḍọkịm.

Matiyo 14:34

Ịn nwẹnị tọrụ mẹ saḅa-koro ḅo Gẹnẹsarẹtị ama ḅẹ kiri ḅụ sọma,

Makị 3:9

Tomina-ogbo mẹ ḍụḅa la ḅara ḅụ Jizọsị ḍuko ò ḍukamẹnjịapụ ma pịrịm mịnẹ ini arụ tẹlẹma ọ̀ wẹrịmaa, mịẹtẹ ọ̀ ḅụkụlọ tẹ tomi ma ḅarị ḅo ò ponoma ḅịa ḅara.

Makị 4:1

Jizọsị mu sin Galili Tọrụ akaka ḅụ saakị ye tolumam. Ò gbori-ikelema tomina-ogbo mẹ ḍụḅa la ḅara mịẹtẹ ori arụ ḅụkụlọ tẹ lẹgị-simem. Arụ mẹ pọkụ-ḅọkọ mẹ ḅụ ḅele tẹ simearị sakị tomina-ogbo mẹ pọkụ-ḅọkọ sịẹsime wararị.

Makị 5:24

Anịtẹso Jizọsị nwẹnị ori na saakị mẹnjị mu. Tọnwa tomi ḅaka ḅara kẹ Jizọsị na mẹnjị mu sime-ḅara ḅụ pakịrị-pakịrị ḅụ kịnị ọ̀ bịanm.

Makị 6:53

Ịn tọrụ mẹ saḅa-koro mu Gẹnẹsarẹtị ama kiri la tẹ arụ mẹ kpọọ wẹrịm.

Luku 12:1

Tomi ẹndẹ, ẹndẹ ma kobiri ḅin tẹ jụmọ-jụmọ ḅụọ ọgọnọ sịẹ ḅara sime tẹso, Jizọsị nwẹnị tarị ò ḍukamẹnjịapụ ma ḅẹẹ, “Ọ́ Farịsiiapụ ma ye sunmaye mẹ ḍiki ḅụụ-kịẹn, à fiearị ye anie, ịna mịẹ tomi ḍie amịẹaị ma.

Luku 5:2

Tẹ ọ̀ tọrụ pịkị ḅẹ sakị ọ̀ pọkụ-ḅọkọ ḅụ maa sọma wararị arụ ẹrị tẹ. Arụ ma nyana inji-ḅaapụ ma arị koroma-so mu ịna ịgbọ sịkịrịarị.

Luku 8:22

Gbọrụ ene Jizọsị nwẹnị ò ḍukamẹnjịapụ ma na arụ ḅụkụlọ, tẹ ịn ḅẹẹ, “Ó yee wa tọrụ mẹ saḅa mu osi pakịrị la.” Mie ḅụ ịn nwẹnị saakị mu.

Luku 8:23

Ịn dọkụ muarị ogbo mono Jizọsị ọkịm. Tẹ bẹkẹ ḅara ḅụ erise nwẹnị fie, tẹ ọnụngọ ḅakụ, ḅakụ arụ mẹ sọ tẹ inimgba nwẹnị kpọma ḅalafa, arụ mẹ ḅile ḅẹ tẹ ḅoto.

Luku 8:33

Anịtẹso ịn nwẹnị tomḅọ ḅe ḅụụ ḅio paka so tẹ mu opuropo ma ḅụụ ḅio sọ, tẹ opuropo ma nwẹnị tụndụ mẹ ọgọnọ gbere-gberema mangị ideri-mu tọrụ mẹ ḅio sombi fịị.

Luku 8:45

Tẹ Jizọsị nwẹnị gbela, “Tụḅọ ḅara kẹ ị̀ lama?” Gbọrụḅọ-sọ minini-a, mie Pita ḅẹẹ ye, “Sịḅịdaḅọ, tomi kọkọ í gbori tẹ sukuruma sukurumarị.”

Jọnị 1:40

Ini ḅẹ gbọrụḅọ anie Sayịmọnị Pita iyimbere, Anduru.

Jọnị 6:1

Miemẹ ḅọrọ tẹso, Jizọsị nwẹnị Galili tọrụ mẹ saḅa osi pakịrị anga mu (anị tọrụ mẹ Tayịberiyasị tọrụ sọ ịn kẹ anị sịn sịnm).

Ditẹrọnọmị 3:17

Ịkpa ḅio ḅẹ Ele mẹ na, Jodanị mẹ na sọ kẹ sụa oke mịẹ ḅụ, Kịnẹrẹtị ḅụ ọkị mu Ịkpa ḅio ḅẹ Ele mẹ ḅẹ opu tọrụ Fụn Tọrụ mẹ jụjụ-ḅio la, pịkị ịrụa-saakịarị-anga ḅụ Pisiga Tụndụ mẹ ḅẹ tuma kiri mẹ suku-ḅio la.

Hiburu 13:7

Tarị-pịrịpịrị-ḅụ ọmịna sịḅịdapụ tẹ Tamụnọ ẹkwẹn mẹ kọn ọ́ pịrị apụ ma, ọmịnị ịn kẹ ḅiokoromaa. Ọmịnị ịn ḍumo kọn ḅara na ịn fịị ḅara na kẹ ḅiokoromaa, tẹ ịn nyana minini mẹ pembe ye nyana-a.

Jọsụwa 12:3

na ịrụa-saakịarị-anga da-mu ḅụ Ịkpa ḅio ḅẹ Ele mẹ ḅụ ọkị mu Kịnẹrọtị Tọrụ mẹ la na. Bẹtị-jẹsịmọtị muarị pakịrị mẹ ḅụ ọkị mu Ịkpa ḅio ḅẹ Ele mẹ ḅẹ Tọrụ anie Fụn Tọrụ mẹ, suku-jụ pakịrị da-mu Pisiga ḅẹ tụndụ ḅụ tuuideri anga mẹ ḅẹ suku la.

Jọsụwa 13:27

na tụndụ ogboku mẹ ḅụ Bẹtị-haramụ na, Bẹtị-nimira na, Sukọtị na, Zafọnị na, Siyọnị, Ẹsịbọnị ḅẹ amadaḅọ ḅe amakiri mẹ ḅẹ kirikọn anga mẹ na, Jodanị mẹ ḅụ mu Kịnẹrẹtị ḅẹ Tọrụ mẹ ḅẹ ideri anga mẹ kunoma la Jodanị mẹ ọgọnọ-jụ ịrụa-saakịarị-anga da-mu ḅụ kẹ anị ḅẹ oke mịẹ ḅara ḅụ.