Luku 4:8 - FỊAFỊA BAỊBỤLỤ

⁸ Jizọsị nwẹnị pakịrị: “Fịafịa Ḍiri mẹ ḅẹẹm, ‘Ị́ Nyana Tamụnọ ḅe ngẹrị mie í sunsin pịrị tẹ pịkị fịrịmẹnjị pịrị ḅarị ḅọ!’ ”

Luku 4:8 Iomraidhean Croise

2 Amadapụ 19:15

tẹ Hẹzịkaya nwẹnị KỊNỊNYANAḄỌ ḅe tẹkẹ tẹ ḅẹẹ, “Yei KỊNỊNYANAḄỌ Izirẹlị ḅẹ Tamụnọ, oriḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ, ị́yẹrị ngẹrị anie tomikiri sịẹ-sịẹ mamgba ḅụ Tamụnọ; ị́yẹrị so mẹ na kiri mẹ na tẹmẹm.

Devidi-Anume 83:18

Yee in nimi mịnẹ ị́yẹrị kịngẹ anie KỊNỊNYANAḄỌ ḅẹẹ, bebe tomikiri mẹ ḅụ ḅẹ tẹịn ḅẹrẹtọnḅọ.

Ayịzaya 2:11

Gbọrụ ene ḅaka ḅoarị, tomina ḅụụ-gelema kuno tẹ in tomina Opu ẹkwẹn mẹ ḅaa siin ḅarị sakị. Anịtẹso ịn KỊNỊNYANAḄỌ ḅe ngẹrị gelema ḅa.

Matiyo 16:23

Jizọsị nwẹnị vuunma pịkị Pita da tẹ ọ̀ ḅẹẹ, “Ekwesu, ị̀ ḅụụ ḅụ ini ị́ fọnọ ḅelemaa! Ị́ ì etela kikiarị ḅọ sọ tẹ, í kuromarị aị ma Tamụnọ ḅara ḅo-a, kụma tomḅọ ḅara ḅom.”

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Luku 4:4

Kụma Jizọsị pakịrịm, “Fịafịa Ḍiri mẹ ḅẹẹm, ‘Tomi inetẹ fịye ngẹrị fị tẹ ḍumo ḅịa.’ ”

Luku 4:7

Mie-mẹmgba í nye sọ ḅa, ị́yẹrị paa sunsin ị̀ pịrị kụma.”

Ditẹrọnọmị 10:20

Ọ́ KỊNỊNYANAḄỌ ọmịna Tamụnọ ḅe ḍiki ḅalafa ḅa, ọ́ fịrịmẹnjị ọ̀ pịrị tẹ ọ̀ fịnama ḅa anịsakị ori ẹrẹ ḅụ mie ọ́ ḅụụ pikima ḅarịye.

Ditẹrọnọmị 6:13

Ọ́ KỊNỊNYANAḄỌ ọmịna Tamụnọ ḅe mangịma ḅa; ọ́ fịrịmẹnjị ọ̀ pịrị ḅa, tẹ ori ẹrẹ ngẹrị ḅụ ḅụụ-pikima ḅa.

Jemụsị 4:7

Anie ḅụ, ọ́ sịḅị-tuu Tamụnọ pịrịị. Ọ́ ḍụkụ Ekwesu ḅe pịrị ma, ori ọmịna ḅụ mangị-so ḅa.

1 Pita 5:9

Ọmịnị ọmịna minini ḅụ sịẹ-kụrọ, tẹ ḍụkụ ọ̀ pịrị ma, kẹ gotẹ ọkọ ḍukoarị, bebe tomikiri mẹ ḅụ, ó pembema Kịrayịsị minini apụ mamgba, ó nimi ḅara ḅụ, mịna gbọrụ atọrụsiẹrị ma ẹrịarị.

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.

Mịẹfinji 22:9

Kụma ori ị̀ dasịẹma tẹ ḅẹẹm, “Ọkọ mịẹ ma! Yẹrị na ị́yẹrị na, ị́ amịnapụ ịkịankoroapụ ma na, inimgba tẹ mị ḍiri mẹ ḅio simearị ẹkwẹn ma minini tẹ mịẹarị apụ mamgba na, pembema fịrịmẹnjịḅọ. Sunsin Tamụnọ pịrịị!”

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”