Luku 4:7 - FỊAFỊA BAỊBỤLỤ

⁷ Mie-mẹmgba í nye sọ ḅa, ị́yẹrị paa sunsin ị̀ pịrị kụma.”

Luku 4:7 Iomraidhean Croise

Devidi-Anume 72:11

Amadapụ mamgba ọ̀ tọrọkọ iḅo ḅa; sịẹ-sịẹ mamgba fịrịmẹnjị ọ̀ pịrị ḅa.

Ayịzaya 45:14

KỊNỊNYANAḄỌ ḅe Izirẹlị ḅẹẹarị: Ijiputi na Sudanị na ngọ ma ị́ aị sọ ḅa, tẹ sẹba ḅẹ gele-geletẹ owiapụ ma í omoniapụ sọ ḅa; ini ikoli kẹ ini ịkasị tẹ ini í ḍuka-ḅo ḅa. Ịn sịḅị-tuu tẹ ḍuko finji ḅa: Tamụnọ ọmịnị na emii — ori kịngẹ Tamụnọọ.

Ayịzaya 46:6

Tomi ịna akpa ma finji-finji tẹ golu ọsụma pakama-ḅoarị; tẹ in ye-tọn-aị ọgọnọ seleḅa tọn-tọn pakama-ḅoarị. In golu-tẹmẹḅọ ọkọ tẹ ori anị kẹ tamụnọ mịẹarị; anịtẹso ini iḅo tẹ sunsin anị pịrịarị.

Matiyo 2:11

Ịn warị mẹ sọ mu sakị ịn tụḅọ ḅe na, ò iyingi Meri na ẹrị tẹ kparakị tẹ sunsin ọ̀ pịrịm. Anịtẹso ịn nwẹnị ngọ pakama-ḅo ḍie ọ̀ pịrị. Ịn kẹ ọ̀ pịrị ngọ ma anie golu na, ye la lamatẹ kụnụaị anie ịn kẹ fịranịkịnịsẹnịsị na, maa na sịn aị.

Luku 17:16

Ọ̀ nwẹnị Jizọsị ḅụọ-suku amịna ḅụụ sẹma-kiri-gbin, tẹ ịmịẹtẹ kẹ ọ̀ ḅẹẹ. Tomḅọ ḅe Sameriya ḅẹ ḅọ.

Luku 4:6

Tẹ Ekwesu ḅe nwẹnị ọ̀ ḅẹẹ, “Mị kụrọ mẹmgba na mị ebube mẹmgba na à kẹ ị́ pịrị ḅa; arịmgba ịn saḅama ị̀ pịrị tẹẹ. Àrị inetẹ kẹ à ḅii ḅọ ḅii ḅọ pịrị ḅa.

Luku 4:8

Jizọsị nwẹnị pakịrị: “Fịafịa Ḍiri mẹ ḅẹẹm, ‘Ị́ Nyana Tamụnọ ḅe ngẹrị mie í sunsin pịrị tẹ pịkị fịrịmẹnjị pịrị ḅarị ḅọ!’ ”

Luku 8:28

Ò Jizọsị ẹrị tẹso, ọ̀ nwẹnị kararama-oloku, tẹ mu Jizọsị ḅụọ suku ọ̀ ḅụụ sẹma-kiri-gbin tẹ oloku, “Jizọsị, Geletẹịn Tamụnọ ḅe Tụḅọ, í tiye kẹ ị̀ mịẹ ḅẹ ḍọkịarị? Sisi, àrị ị́ tẹkẹm, ị̀ kẹ tọrụsiẹrịma ma!”

Mịẹfinji 22:8

Yẹrị, Jọnị, mịna aị mamgba naa tẹ pịkị ẹrị tẹẹ. Àrị arị naa tẹ pịkị ẹrị fama tẹso, à nwẹnị mịna aị ma kẹ ì ḍie enjẹlị ḅe ḅụọ-suku ḅịkị-koro tẹ ọ̀ tẹkẹ ḅẹ tọn.

Mịẹfinji 4:10

si inia omongiapụ finji ma nwẹnị emine mẹ ọgọnọ lẹgị ḅọ ḅe tọrọkọ iḅo tẹ sunsin ọ̀ pịrịarị, anie ḍumo mu ḅẹẹ-sakị ḅẹẹ-sakị laarị ḅọ ḅe. Ini ịna ama-da sun ma kẹ emine mẹ tọrọkọ gbin koroma tẹ ḅẹẹarị,

Mịẹfinji 5:8

Ori ọkọ mịẹ sakị Tamụnọ tẹmẹ tẹ ḍumo wararị ini aị ma na, si inia omongiapụ finji ma na nwẹnị Anana Tụḅọ ḅe tọrọkọ iḅo. Ịna ḅụụ ọrụḅọ-ọrụḅọ ọbọ na golu-golu kụnụaị dọkịma ye na ọlọ wararị, ịn kụnụaị kẹ sụa, sụa ḅinma fama wararị, arị aị ma mie Tamụnọ atomi ma kọn-arị atẹkẹ ma.