Luku 4:41 - FỊAFỊA BAỊBỤLỤ

⁴¹ Oru pịkị tọnwa atomi ḅụụ ḅio som, tẹ oru ma kararama-oloku-oloku tẹ ḅẹẹm: “Ị́yẹrị anie Tamụnọ Tụḅọọ!” Jizọsị nwẹnị tọn oru ma pịrị mịnẹ ini ẹkwẹn ma; ò gotẹ ọkọ ḅẹẹ ye in nimim mịnẹ ori anie Mẹsaya ḅe.

Luku 4:41 Iomraidhean Croise

Matiyo 26:63

Kụma Jizọsị nwẹnị gbọsime. Sịḅịda-Agbamịẹḅọ ḅe nwẹnị siin ẹkwẹn ọ̀ pịrị, “Mịọkụ à ḍumo wararị Tamụnọ ḅe ẹrẹ kẹ ye kẹ ị́ karị tẹ: ḍuko wa pịrị, ị́yẹrị Mẹsaya, Tamụnọ Tụḅọ ḅe ḅẹḅẹ.”

Matiyo 4:3

Anịtẹso Ekwesu ḅe nwẹnị ọ̀ dama-ḅo tẹ ọ̀ ḅẹẹ, “Ị́yẹrị kọkọ Tamụnọ Tụḅọ. Tọn mịna ḍụḅarị apakịrị ma pịrị tẹ arị fịturu kpo kpo sọ.”

Matiyo 8:16

Ḅoḅiri-so ḅụ kịnị tọnwa oru sịḅị ḅio sime apụ kẹ mu tẹ Jizọsị ẹkwẹn gbọrụmgbọ kẹ ịna ḅụụ si-atẹmẹ ma dee-siin, tẹ pịkị obi apụ mamgba gwọm.

Matiyo 8:29

Oru sịḅị ḅio sime atomi ma Jizọsị ẹrị gbọrụ sakị ini oloku pakama tẹ ọ̀ ḅẹẹm, “Ị́yẹrị Tamụnọ Tụḅọ, wamịnị na ị́ na tọ mie ye nyana gboloma? Ị́ wa kẹ tọrụsiẹrịma tẹrẹmẹ Tamụnọ tomikiri mẹ kọn ḅarị karakara ene mẹ la ḅẹ ḅo tẹ?”

Matiyo 8:4

Anịtẹso Jizọsị nwẹnị tomḅọ ḅe ḅẹẹ, “Pokii! À nwẹn kẹ ị́ gwọ ye mẹ ḅẹlẹma gbọrụ tomḅọ sọ pịrị ma, kụma da-da agbamịẹḅọ ḅe dama-mu tẹ ori í pekele-ḍiki, tẹ ị́ gwọ tẹ mẹ ḍie-pakama ḅụ nwẹnị Mozizi oloko mẹ tọn koroma ḅara ḅụ, anị ḅẹ agbamịẹye mẹ koroma.”

Makị 1:25

Jizọsị nwẹnị tọn tẹmẹ ḅe pịrị, “Gbọsimee, tẹ tomḅọ ḅe ḅụụ ḅio paka-ḅoo!”

Makị 1:32

Ịrụa tuukoro tẹ ene ḅoḅiri tẹso, tomi obi apụ mamgba na oru sịḅị ḅio sime apụ na kẹ Jizọsị dama-ḅom.

Makị 1:34

Jizọsị tọnwa obi apụ gwọm, obi ḅara, ḅara mamgba, ọ̀ pịkị tọnwa oru dee pakamam tomina aḅụụ ḅio. Oru ma ò nimim ẹrẹsị, ọ̀ ḍụkụ tẹ in gberie-sọ ḍuko-a.

Makị 3:11

Tẹ si-atẹmẹ ḅụụ ḅio sime apụ ori ẹrị sakị, sakị, ini ọ̀ tọrọkọ ḅịkị-koro tẹ kararama-olokuarị, “Ị́yẹrị anie Tamụnọ Tụḅọ ḅee!”

Luku 4:39

Ọ̀ nwẹnị mu tẹ á ḅọlọlọ sime wararị iḅila mẹ anga sịẹ tẹ tọn akọm mẹ pịrị tẹ anị nwẹnị á ḅụụ so, tẹ á nwẹnị saakị tẹ fịrịmẹnjị ịn pịrị.

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Jemụsị 2:19

Gbọrụ Tamụnọ kịngẹ mie emi ye mẹ í minini? Iḅim! Oru ma sọ minini wararị, tẹ oju sẹkịarị, ḅalafa ḅụ.