Luku 4:35 - FỊAFỊA BAỊBỤLỤ

³⁵ Jizọsị nwẹnị tọn tẹmẹ ḅe pịrị, “Ị́ ḅịḅị gbaịn tẹ tomḅọ ḅe ḅụụ ḅio paka-ḅoo!” Oru ḅe nwẹnị tomḅọ ḅe sẹma-kiri-gbin ịna tọrọkọ ḅụ, tẹ ọ̀ ḅụụ ḅio paka-ḅo, gberie-sọ kẹ ọ̀ lama-a ḅara ḅụ.

Luku 4:35 Iomraidhean Croise

Devidi-Anume 50:16

Kụma Tamụnọ si-sịḅịḅio-sụapụ ma ḅẹẹarị: Tiye ẹrẹsị ọmịnị ì oloko ma gotẹ wasama ḅẹ? Tiye ẹrẹsị ọmịnị ị̀ ọḅọkụ mẹ gbolomaye kẹ ẹkwẹn ḅẹ?

Zẹkaraya 3:2

KỊNỊNYANAḄỌ ḅe enjẹlị ḅe Ekwesu ḅẹm, “Ekwesu, yee KỊNỊNYANAḄỌ ḅe ḅẹrẹ-ḅarasii pẹlẹ ị́ pịrị! Yee KỊNỊNYANAḄỌ, Jeruselemu ḅẹlẹmarịḅọ ḅe, ḅẹrẹ-ḅarasii pẹlẹ ị́ pịrị. Ḅị tomḅọ ḅe ọ̀ fịnị ḅio nụnụ pakama-ḅo sịn-pakịrị na kịkarị.”

Matiyo 17:18

Tẹ Jizọsị tọn oru ḅe pịrị tẹ ọ̀ nwẹnị tụḅọ ḅe ḅụụ ḅio paka-ḅo, tẹ anị-gbọrụ-kirikiri ọ̀ nwẹnị gwọọ.

Matiyo 8:26

Jizọsị nwẹnị pakịrị, “Ó tiegotẹ mị ḅara mẹmgba kẹ tẹmẹ-naịn-naịnarị? Ọ́ nyana minini boowa la ḅara ḍiki!” Anịtẹso ọ̀ nwẹnị saakị tẹ tọn fẹrụ mẹ na, ọnụngọ mẹ na pịrị tẹ arị daasịẹ, tẹ tọrụ mẹ nwẹnị yaụ-sime lama.

Makị 1:26

Si tẹmẹ ḅe nwẹnị kụrọma tomḅọ ḅe jike, kụrọma kararama-oloku, tẹ ọ̀ ḅụụ ḅio paka-ḅo.

Makị 4:39

Jizọsị nwẹnị saakị-sịẹ tẹ tọn fẹrụ mẹ pịrị, “Yaụụ!” tẹ ori ọnụngọ mẹ ḅẹẹm, “Deinn!” Fẹrụ mẹ biin tẹ bebe tọrụ mẹ kpọma deinm.

Makị 9:26

Tẹmẹ ḅe nwẹnị kararama-oloku tẹ si ḅara kẹ tụḅọ ḅe sụnjụma tẹ paka so. Tụḅọ ḅe nwẹnị ḍiki-tọrụ ḅụ ḍụẹịn kịka, tẹ ḅẹḅọ-ḅẹḅọ ḅẹẹm, “Ọ̀ fịị tẹ!”

Luku 11:22

Kụma kụrọ ọ̀ nẹngị ḅọ owu kẹ ọ̀ paka tẹ ọ̀ nẹngịmam ḅẹḅẹ, ọ̀ kẹ ḅiokpọma sime owuaị mamgba ọ̀ tan so tẹ mu ò furu aị ma ḍie ḅa.

Luku 4:23

Ọ̀ nwẹnị ịn ḅẹẹ, “À nimim ọ́ mị egberi mẹ gbaa ị̀ pịrị ḅa, ‘Ḅịrịḅọ ị́ ḅụụ gwọ.’ Ọ́ pịkị ị̀ ḅẹẹ ḅa mịnẹ ọ́ naam Kepanọmụ ḅụ mịẹ aị ma mị ị̀ ama mẹ ḅụ sọ à mịẹ.”

Luku 4:39

Ọ̀ nwẹnị mu tẹ á ḅọlọlọ sime wararị iḅila mẹ anga sịẹ tẹ tọn akọm mẹ pịrị tẹ anị nwẹnị á ḅụụ so, tẹ á nwẹnị saakị tẹ fịrịmẹnjị ịn pịrị.

Luku 4:41

Oru pịkị tọnwa atomi ḅụụ ḅio som, tẹ oru ma kararama-oloku-oloku tẹ ḅẹẹm: “Ị́yẹrị anie Tamụnọ Tụḅọọ!” Jizọsị nwẹnị tọn oru ma pịrị mịnẹ ini ẹkwẹn ma; ò gotẹ ọkọ ḅẹẹ ye in nimim mịnẹ ori anie Mẹsaya ḅe.

Luku 8:24

Jizọsị ḍukamẹnjịapụ ma nwẹnị ò jike saakị tẹ ọ̀ ḅẹẹ, “Sịḅịdaḅọ, Sịḅịdaḅọ! Wa fịị ḅẹ-yearị!” Jizọsị nwẹnị saakị tẹ tọn fẹrụ mẹ na ọnụngọ mẹ na pịrị, tẹ arị biin tẹ tọrụ mẹ nwẹnị kpọma yaụ-sime.

Luku 9:39

Gbọrụ tẹmẹ ori ọlọ-ọlọm; ori ò kun tẹ ḅẹḅẹ ọ̀ bẹkẹma oloku tẹ fụm tẹ, tẹ fiko pịkị ọ̀ ḅịḅị bụrọ tẹ. Ò ye kẹ ọ̀ lama ma ḅọrọarị, tẹ ḅụụ-fụkama lama tẹrẹmẹ ori ọ̀ ḅụụ ḅara sin-arị.

Luku 9:42

Tụḅọ ḅe ḅoarị ogbo, oru ḅe ò sukuruma kiri gbin tẹ ò fomum. Jizọsị nwẹnị tọn si-tẹmẹ ḅe pịrị tẹ tụḅọ ḅe gwọ, tẹ ọ̀ kẹ ọ̀ ḍa pịrị.

Mịẹfinji 12:12

Ọkọẹrẹsị, ọmịnị So amẹẹ, pịkị ọmịnị-mgba tẹ anịanga angarị apụ, ó ḅioḅẹlẹẹ! Kụma kpongbo-kiri mẹ na abajị mẹ na tẹkẹlẹtẹ ḅara ḍikii! Kẹ gotẹ ọkọ ḅẹẹarị, Si-ḅọ ḅe koro ḅo ọ́ la tẹẹ, tẹ ịganị ọ̀ ḅụ emi lamam, gbala ò nimi wararị ọ̀ nyana sakị ḅarị boowa ẹrẹsị.