Luku 4:34 - FỊAFỊA BAỊBỤLỤ

³⁴ “Ẹn-ẹn! Ndẹẹ ị́ wa kẹ mịẹ ḅẹ ḍọkịarị ye, Nazarẹtị ḅẹ Jizọsị? Í gotẹ mị yọ ḅo ye wa ḅaa guluguluma mụnọọ? Àrị í nimi wararị — ị́yẹrị anie Tamụnọ fịafịa oku-mẹnjịḅọ!”

Luku 4:34 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

Devidi-Anume 16:10

ị́ fị kụrọ ḅụ ị̀ gbaịn ḅọrọmarị ẹrẹsị. Anịsakị ị́ ḅẹlẹmarịḅọ mẹ ị́ mḅọ kẹ gbin kuroma so Ḍuḅu ḅio pịrị ḅịa.

Danẹlị 9:24

“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.

Matiyo 8:29

Oru sịḅị ḅio sime atomi ma Jizọsị ẹrị gbọrụ sakị ini oloku pakama tẹ ọ̀ ḅẹẹm, “Ị́yẹrị Tamụnọ Tụḅọ, wamịnị na ị́ na tọ mie ye nyana gboloma? Ị́ wa kẹ tọrụsiẹrịma tẹrẹmẹ Tamụnọ tomikiri mẹ kọn ḅarị karakara ene mẹ la ḅẹ ḅo tẹ?”

Makị 1:24

“Nazarẹtị ḅẹ Jizọsị, ị́ wamịnị na tọ mịẹye nyana gboloma? Í ḅo wa ḅaa guluguluma ḅẹ tẹ mịanga? Àrị í nimi wararị — ị́yẹrị anie Tamụnọ fịafịa oku-mẹnjịḅọ!”

Makị 1:34

Jizọsị tọnwa obi apụ gwọm, obi ḅara, ḅara mamgba, ọ̀ pịkị tọnwa oru dee pakamam tomina aḅụụ ḅio. Oru ma ò nimim ẹrẹsị, ọ̀ ḍụkụ tẹ in gberie-sọ ḍuko-a.

Makị 5:7

tẹ gele pọkọ kẹ kararama-oloku, “Jizọsị, Geletẹịn Tamụnọ ḅe Tụḅọ! Ị́ ị̀ kẹ tiye mịẹ ḅẹ? Tamụnọ ẹrẹ ḅụ, àrị ị́ tẹkẹm, ị̀ kẹ tọrụsiẹrịma ma!”

Luku 1:35

Enjẹlị ḅe nwẹnị pakịrị, “Fịafịa Tẹmẹ ḅe ị́ ḍọkụma-ḅo ḅa, tẹ Tamụnọ kụrọ mẹ ị́ ọgọnọ gbana ḅa. Ọkọẹrẹsị í iyi ḅarị fịafịa tụḅọ ḅe ini ọ̀ sịn ḅa Tamụnọ Tụḅọ.

Luku 4:33

Ama-warị mẹ ḅio si oru tẹmẹ ḅụụ ḅio sime gbọrụ tomḅọ nwẹnị kararama-oloku pakama, tẹ ḅẹẹ,

Luku 4:41

Oru pịkị tọnwa atomi ḅụụ ḅio som, tẹ oru ma kararama-oloku-oloku tẹ ḅẹẹm: “Ị́yẹrị anie Tamụnọ Tụḅọọ!” Jizọsị nwẹnị tọn oru ma pịrị mịnẹ ini ẹkwẹn ma; ò gotẹ ọkọ ḅẹẹ ye in nimim mịnẹ ori anie Mẹsaya ḅe.

Luku 8:28

Ò Jizọsị ẹrị tẹso, ọ̀ nwẹnị kararama-oloku, tẹ mu Jizọsị ḅụọ suku ọ̀ ḅụụ sẹma-kiri-gbin tẹ oloku, “Jizọsị, Geletẹịn Tamụnọ ḅe Tụḅọ, í tiye kẹ ị̀ mịẹ ḅẹ ḍọkịarị? Sisi, àrị ị́ tẹkẹm, ị̀ kẹ tọrụsiẹrịma ma!”

Luku 8:37

Anịtẹso anịanga mẹ ḅẹ apụ mamgba nwẹnị opu ḅalafa ḅụ Jizọsị dee mịnẹ ori ịna ama soo. Anịtẹso Jizọsị arụ ḅụkụlọ tẹ som.

Fịrịmẹnjịapụ 16:39

Mie ḅụ ịn nwẹnị mu tẹ ịn tẹkẹ mịnẹ ịn wẹrịsoo; tẹso ịn nwẹnị ịna tọrọkọ tarị tẹ ikoli-warị mẹ ḅio ịn ḅọrọma pakama, tẹ ịn ḅẹẹ mịnẹ ini ama mẹ ḅio soo.

Fịrịmẹnjịapụ 2:27

ị́ ḍụkụ tẹ ị̀ kẹ Ḍuḅu ḅio gbin koroma ḅịa ẹrẹsị; ị́ pịkị ḍụkụ tẹ ị́ karakara fịrịmẹnjịḅọ ḅe ḍuḅu ḅio sime tẹ ḅụrụ ḅịa.

Fịrịmẹnjịapụ 3:14

Ori ḅe fịafịa na iḅi na ḅọọ, kụma ọmịnị ọ̀ sịkịtẹ Payịleti ḅara kịnị-ḅaḅọ rẹ ḅiim, mịnẹ ori ọ̀ ḅụụ ḅara-siin ọ́ pịrị tẹ ò mu ọ̀ mịẹarị aị ma mịẹ ma-mu.

Fịrịmẹnjịapụ 4:27

Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye.

Hiburu 2:14

Jizọsị kẹ ịn sịn-arị ḅara ḅụ, nwẹn ḅẹẹ awọmẹ ma tomii, meni na ọmbie na nyana apụ. Jizọsị ḅioju sọ ḅo ịn kịka tẹ ịna pembe tomḅọ sọm. Ò gotẹ miemẹ mịẹ ye, ori ọ̀ fịị ḅụ ḅọrọ tẹ Ekwesu ḅe, tẹ fịị kụrọ nyanaḅọ ḅe, ḅaa guluguluma ḅẹ ḅara,

Jemụsị 2:19

Gbọrụ Tamụnọ kịngẹ mie emi ye mẹ í minini? Iḅim! Oru ma sọ minini wararị, tẹ oju sẹkịarị, ḅalafa ḅụ.

1 Jọnị 3:8

Ḅẹḅọ-ḅẹḅọ tẹ paa si mịẹ ma tọrọkọ muarị ḅọ mẹ mḅọ sime Ekwesu ḅe pịrịm, kẹ gotẹ ọkọ ḍukoarị, Ekwesu ḅe ọ̀ saakị Tamụnọ ḅịḅị kan kụra-ḅio, ò si mịẹ ma ḅo mịọkụ lam. Mị gbọrụ ye mẹ mie Tamụnọ Tụḅọ ḅe gotẹ tolu-paka ye, ori Ekwesu ḅe kọrị tẹ kọrịnama mẹ guluguluma ḅẹm.

Mịẹfinji 20:2

Ọ̀ nwẹnị gịẹsịma anị mamataḅaye ologboingboin opu nama, tẹ ịn kẹ daragọnị sịn ye ḅe kun koroma, anie elemu sakị ḅẹ ododo ḅe tẹ ịn kẹ Si-ḅọ, anịanịa Ekwesu sịn ḅọ ḅe, tẹ ọ̀ nwẹnị ikoli mẹ kẹ ori ịkasị koroma, mịnẹ ori ọkọ sime nwenii kụra maa ẹndẹ oyia asi finji la.

Mịẹfinji 3:7

“Mị ḍiri mẹ kẹẹ tẹ kẹ Fịladẹlịfịya ḅẹ sọsị mẹ ḅẹ enjẹlị ḅe fịrịmaa: “Miemẹ anie fịafịa tẹ pịkị karakara wararị ḅọ ḅe ḅara ḅo oku mẹ. Ori anie Devidi sambị mẹ ọlọ ḅọ, tẹ ḅọkọ finji kụma inetẹ gbaịn ḅẹ ḅọ ofori, pịkị gbaịn kụma inetẹ finji ḅẹ ḅọ ofori, ḅọ ḅe.