Luku 4:28 - FỊAFỊA BAỊBỤLỤ

²⁸ Ama-warị mẹ ḅio sime apụ ma miemẹ naa sakị ịn nwẹnị kpọma ịganị,

Luku 4:28 Iomraidhean Croise

2 Paka-aị 16:10

Anịtẹso Asa nwẹnị so-ḅịrịḅọ ḅẹ ḅụụ ịganị nyana, tẹ ọ̀ kẹ ikoli-warị ḅio ịkasị wẹrị, ò miemẹ gotẹ ọ̀ ḅụụ ḅụ ịganị nyana tẹ gbọrsịḅị ḅọrọarị ẹrẹsị. Asa pịkị mbasị ḅara kẹ tomi ma ḅẹ ja apụ na mịẹm anị gbọrụ sakị mẹ ḅụ.

Jerimaya 38:6

Mie ḅụ ịn nwẹnị ị̀ ọkị tẹ ị̀ kẹ Amadaḅọ tụḅọ Malikịja suḅe ḅio koroma ḍiki ḅụ, amadaḅọ ḅẹrẹ-siri mẹ nụngọ ḅụ. Anị ḅio minji ofori, opou ngẹrị, tẹ à nwẹnị anị ḅio sọ ḍiḅi.

Matiyo 2:16

Ẹrọdị ḅo nimi tẹ mịnẹ ịrụa saakịarị pakịrị anga mẹ ḅụ sime tẹ ḅo apụ ma oḅori kẹ ọ̀ sịn tẹ ḅẹẹ sakị, ori ịganị ḅụramam. Ọ̀ nwẹnị tọn mịnẹ in mu Bẹtịlịhẹmụ na anị kpeki ama ma na ḅụ sime owiapụ-awọmẹ, maa kụra sịḅị ḅụ ḅọrọtẹ apụ ḅụ ideri, ḅaa famaa. Ò gotẹ mị-ḅara kịẹn ye anie ḅo apụ ma ḅara ḅụ ò lolia mẹ tarị paka sakị gbela nimi tẹ.

Luku 4:27

Anị sakị ịkịankoro Ịlayịsa ḍumo wararị ene ḅụ Izirẹlị ḅụ tọnwa-apụ sofịnị-obi kọnm, ọkọ sọ ịna ḅụ gbọrụḅọ-sọ gwọ-a, kụma Nahamanị Siriya ḅẹ ḅọ ḅe kịngẹ.”

Luku 4:29

tẹ virikama saakị tẹ ama-warị mẹ ḅio Jizọsị nụnụ pakama, tẹ ọ̀ kẹ ịna ama mẹ simearị tụndụ mẹ ḅụ geletẹịn anga mu. Ịn tọnm ini ò sukuruma pokolo yọ mẹ ḅụ gbin ḅa,

Luku 6:11

Tomi ma nwẹnị ịganị tẹmẹ lama tẹ ịn kẹ Jizọsị mịẹ ḅẹ ye kẹ ḅịḅị ọkị-a.

Fịrịmẹnjịapụ 5:33

Sịẹ-Kobiri mẹ miemẹ naa sakị, anị ini ịganịma la ḅara ḅụ, ịn fịrịmẹnjịapụ ma ḅaa ḅẹ ḍọkịm.

Fịrịmẹnjịapụ 7:54

Sịẹ-Kobiri mẹ ḅẹ apụ ma Sitivini poki sakị, ori ẹkwẹn mẹ kpọma ini ịganịma lamam, tẹ ịn nwẹnị aka-fanga ọ̀ pịrị.