Luku 4:20 - FỊAFỊA BAỊBỤLỤ

²⁰ Jizọsị nwẹnị ḍiri mẹ iko tẹ kẹ ama-warị mẹ ḍikiḍikiarị ḅọ ḅe pịrị, tẹ lẹgị-sime. Ama-warị mẹ ḅio sime apụ mamgba bio-bioma ò ḍikiarị ogbo,

Luku 4:20 Iomraidhean Croise

Matiyo 26:55

Anịtẹso Jizọsị ẹkwẹn tomina-ogbo mẹ pịrịm, “Ọmịnị okologie na mgbele na ọlọ tẹ paka-ḅo ì kun ḅẹm aro, gbala yẹrị ama oloko kan tẹ mangịarị ḅọ ọkụ? Ene-ḅaaene-ḅaaene à kọkọ Tamụnọ-warị mẹ ḅio lẹgị-lẹgị tẹ ye toluma, tẹ ọmịnị ì kun-a.

Matiyo 27:60

tẹ, mu anị kẹ, ori ḅarana ịwọma ịkụ ḅio sọkị sọ-mu tẹ mịẹ amịna ḅụụ pịrị wararị ḍuḅu ḅio koromam. Anịtẹso ọ̀ nwẹnị gbọrụ opu ḍụḅarị kpo mbelembele mu ḍuḅu mẹ ḅịḅị gbaịn tẹ mẹnjị so.

Luku 19:48

Kụma sakị mamgba ò tolumaye mẹ pokiarị atomi ma gotẹ ini ine-a; tomi ma ḅii-a ori ẹkwẹn ma ḅẹ gbọrụmgbọ-sọ ịn gbarị.

Luku 4:17

ịn nwẹnị ịkịankoro Ayịzaya ḍiri saakị ọ̀ pịrị. Ori anị finji tẹso, ọ̀ nwẹnị miemẹ ẹrị, anị kẹẹ kuro wararị:

Luku 4:21

ori ịn ḅẹẹm, “Mịmgba mị fịafịa ḍiri pamba mẹ ḅẹ ẹkwẹn mẹ ḅo karakara ye sọ tẹ, anị goo sakị ọ́ wẹrị naa ḅara.”

Luku 5:3

Jizọsị arụ ma ḅẹ gberie ḅụkụlọm, anị arụ mẹ Sayịmọnị nye, tẹ Jizọsị nwẹnị ọ̀ ḅẹẹ mịnẹ ọ̀ kẹlẹ pọkụ-ḅọkọ mẹ ḅụ arụ mẹ sukuruma pakamaa. Jizọsị nwẹnị anị ḅio lẹgị tẹ ye kẹ tomina-ogbo mẹ toluma.

Jọnị 8:2

Jen ene ḅaa ḅẹ dede-funfun ḅụ ọ̀ nwẹnị pịkịma Tamụnọ-warị mẹ mu. Tomi mamgba mu ò gbori ikelema tẹ ọ̀ lẹgị tẹ saakị ye kẹ ịn tolumam.

Fịrịmẹnjịapụ 16:13

Ịnyọsara-Ene mẹ ḅụ wa nwẹnị ama mẹ ḅio paka ideri minji suku mu, wa kuromam anịjụ ḅụ wa Juu-ḅẹ-apụ kobiri tẹ tẹkẹ, tẹkẹ yọ ẹrị ḅarị ḅoto. Wa lẹgị-sime tẹ ẹkwẹn anịjụ kobiri sime-ereme ma pịrịm.

Fịrịmẹnjịapụ 3:12

Pita ọkọ kẹ tomi ma ẹrị tẹso, ọ̀ nwẹnị ịn ḅẹẹ, “Ì pembema Izirẹlịapụ, pakaye mẹ tiegotẹ ọmịna ḅụụ mịẹ mịẹ-a ye sọarị, tẹ ọ́ nwẹn kẹ bio-bioma wa ḍikiarị? Ọ́ sịn-arị wamịna kụrọ anịanịa wa kẹ Tamụnọ nimi la ḅara mie wa kẹ ḅị tomḅọ ḅe mịẹtẹ ọ̀ mẹnjị ye?