Luku 4:18 - FỊAFỊA BAỊBỤLỤ

¹⁸ “KỊNỊNYANAḄỌ ḅe Tẹmẹ ḅe ị̀ ọgọnọ emi, ori ị̀ sẹlẹ-ọkị tẹ àrị iḅi-oku mẹ ḍuko igoin-apụ ma pịrị ḅẹ ẹrẹsị. Ori ị̀ fịrịmam à mu ḍuko kun-ḅara ḅio sime apụ ma pịrị mịnẹ ịn paka-ḅo ḅa, pịkị tọrụngbọ pụụn tẹ apụ ma ḅẹẹ mịnẹ ịn ye ẹrị ḅa, ja apụ ponomarị apụ ma sọ pụkọ-pakaḅo ḅa.

Luku 4:18 Iomraidhean Croise

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

2 Paka-aị 34:27

gbala ị́ si ḅụ pịkị ḅioḅẹngbọ nyanam tẹ ị́ ḅụụ iderimam Tamụnọ tọrọkọ ḅụ, ị́ mị anga mẹ na, anị ḅụ simearị apụ ma na ḅụụ paka ḅarịye naa tẹso, ori ẹkwẹn-ḅịḅị ḅụ, tẹ ị́ tọrọkọ ḅụ ị́ ị́ ḅụụ iderimam, tẹ ị́ akapa kan tẹ owum ẹrẹsị, yẹrị sọ àrị ị́ naa tẹẹ.

Devidi-Anume 102:20

Ori ikoli ḅara-ḅio sime apụ ma kọn iningi mẹ naa tẹ mịẹ tẹ ini ịn ḅaa ḅẹ tẹ tọn tẹ apụ ma ḅụ ḅara-siin tẹ.

Devidi-Anume 147:3

Ò ḅioḅẹngbọ kan-saratẹ apụ ma gwọarị tẹ ịna aḅụụ ḅẹ ịnọ ma fịnarị.

Devidi-Anume 2:2

Ịna amadapụ ma ịn ḍụkụ ḅịa ḅẹ amịẹaị mịẹarị, ịna ḅẹrẹtọn apụ ma sịḅị gboloma tẹ ḅẹrẹ-ḅiya KỊNỊNYANAḄỌ ḅe pịrịarị, pịkị ori sẹlẹ pakama-ḅo amadaḅọ ḅe na.

Devidi-Anume 2:6

Ori mẹẹ, “Zayọnị, ị̀ fịafịa tụndụ mẹ ọgọnọ àrị ama-da ị̀ pịrị ḅẹ ḅọ tọn pakama tẹ.”

Devidi-Anume 34:18

KỊNỊNYANAḄỌ ḅe ḅioḅẹngbọ lọkọ tẹ apụ ma na kpeki wararị: ḅarị gbọrụ ḅiokpọ sọ nyana-a apụ ma ori ịn ḅọrọmarị.

Devidi-Anume 45:7

í kuraye ḅẹlẹma tẹ siye ḍiki-ḅioḅuarị. Anie ẹrẹsị Tamụnọ, ị́ Tamụnọ ḅe, ị́ sẹlẹ ọkị tẹẹ, tẹ ḅioḅẹlẹ kẹ ị́ ọgọnọ ọsụma-ọsụma sararị, ọ̀ kẹ jen gbọrụ amadaḅọ sọ na mịẹ-a ḅara.

Devidi-Anume 51:17

Yei Tamụnọ, à kẹ ḅo agba anie ḅụụ-lẹgịma tẹmẹ; ḅụụ-lẹgịma na si ḅụ pịkị na ḅioḅẹngbọ ị́ sịkị ḅịa.

Ayịzaya 32:3

Ịna atọrụngbọ na ịna aḅeri na finji tomi ma ḅiiarị aị pịrị ḅa.

Ayịzaya 35:5

Tọrụngbọ-pụụntẹ-apụ inetẹ ye ẹrị ḅa, ḅeri-iningiapụ pịkị ye naa ḅa.

Ayịzaya 42:7

Ị́ tọrụngbọ-pụụntẹ-apụ ma tọrụngbọ finji ḅa, pịkị kanakana ikoli awarị ḅio lẹgị wararị apụ ma pakama-ḅo ḅa.

Ayịzaya 45:13

Yẹrị ḅarana Sayịrọsị jikemam ọ̀ kọrịnama kọrịị tẹ à tọn wẹrị ye mẹ mịẹ tẹ ye kẹ kura ḅụ wẹrịị. Ọ̀ mẹnjị ḅọrọ ye muarị etela mamgba à mịẹ gono-gonoma ḅa. Ò siin ị̀ ama Jeruselemu nama ḅa, tẹ kun-ḅara ḅio sime atomi ma mịẹ tẹ ini ịna asịḅị atomi sọ ḅa. Gbọrụḅọ sọ ori ọkọ, anịanịa ọḅụ kẹ ọ̀ pịrị fị-a mịnẹ ò miemẹ mịẹẹ.” Kụrọmamgba nyana KỊNỊNYANAḄỌ ḅe ọkọ ḅẹẹm.

Ayịzaya 49:9

Arị ikoliapụ ma ḅẹẹ ḅa, “Ọ́ paka-soo!” pịkị kanakana ḅio simearị apụ ma sọ, ọ́ paka bele ḅio ḅoo! in tụndụ ma ọgọnọ sime tẹ osuka fịarị anana ma kịka ḅa,

Ayịzaya 50:4

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ì toluma tẹ à ḍuko ḅẹ ye mịẹ tẹ arị ịnyọ ḅụụ ḅụ fa tẹ ḅọ mẹ mịẹ kụrọma ḅẹ ḅara. Dede goyegoye ori ị̀ mịẹ tẹ à ḅio-sẹsẹarị, ọ̀ kẹ ì toluma ḅẹ ye na ḅẹ ḅara gotẹ.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 59:21

Tẹ àrị ọḅọkụ kẹ ọmịnị na fịarị; arị ị̀ kụrọ na ì toluma aị na kẹ ọ́ pịrịarị, arị ọmịna aị sọ mu ḅẹẹ-sakị ḅẹẹ-sakị la ḅẹ ḅara; tẹ mịọkụ sakị tọrọkọ mu ḅụ, ọmịnị ị̀ ḅịḅị poki tẹ ọmịna awọmẹ na ọmịna furo-ḅẹ-apụ na toluma tẹ ini ị̀ ḅịḅị poki ḅa, tọrọkọ-jụ ḅo ḅarị sakị mamgba ḅụ.”

Ayịzaya 61:1

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe Ọ̀ tẹmẹ kẹ ị̀ ḅụụ ḅio suu ḅinma tẹẹ. Ori ị̀ sẹlẹ ọkị tẹ ị̀ kẹ fịrịma tẹ Iḅi-oku kẹ mu igoin-apụ ma pịrị ḅẹ ḅara, Ḅioḅẹngbọ kaan-sara tẹ apụ ma gwọ, Ḍuko kun-ḅara ḅio simearị apụ ma pịrị ịn paka-ḅo ḅa, pịkị ikoli ḅio simearị apụ ma ḅẹẹ ini ịna sịḅị atomi sọ ḅa.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Izikẹlị 9:4

“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”

Danẹlị 9:24

“Kụra atesi oyi finji-finji sọnọma akiri anie Tamụnọ tọn-pẹlẹm ọ̀ kẹ ị́ atomi ma na ị́ fịafịa ama mẹ na pakama-ḅo si na siye na ḅio. Ò si-wẹrịso tẹ tomi karakara mịẹ gbamaso ḅa, mịẹtẹ ị́ ẹrị ịkịan mẹ na í koro-ịkịan mẹ na ḅo karakara ye sọ tẹ in siin fịafịa Tamụnọ-warị mẹ wẹrị fịafịama ọ̀ pịrị ḅa.

Zẹfanaya 3:12

Anị anga ḅụ à ḅụụ-lẹgịmarị simini atomi kẹ koroma ḅa, ḅarasụa gotẹ ị̀ ḍọkụma-ḅo ḅẹ apụ.

Zẹkaraya 11:11

Mie ḅụ ọḅọkụ mẹ kaan-som anị ene ḅụ. Anana ma fẹ tẹ dẹrị-apụ ma à mịẹ ye kẹ elekima sụarị, tẹ nimim mịnẹ KỊNỊNYANAḄỌ ḅe à mịẹ ye mẹ ḅụ ḅọrọ tẹ ẹkwẹnm.

Malakayị 4:2

Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara.

Matiyo 11:5

tọrụngbọ-pụụntẹ-apụ inetẹ ye ẹrịarị, ekeliapụ inetẹ mẹnjịarị, sofịnị-obi-kọnapụ ma gwọọ fịafịarị; ḅeri-iningiapụ ye naarị, ịn fịtẹ-apụ saakịmarị fịị ḅụ, tẹ ịn pịkị Iḅi-oku mẹ ḍuko igoin-apụ pịrịarị.

Matiyo 12:18

“Ḅie ị̀ fịrịmẹnjịḅọ tẹ yẹrị ḅarana sẹlẹ-ọkị ḅọ ḅee, arị ọ̀ ḅẹlẹmarị, ọ̀ mịẹye pịkị ị̀ ḅụụ-ḅẹlẹarị. Arị ị̀ Tẹmẹ ḅe fịrịma mu ori ọgọnọ gbana ḅa, tẹ ọ̀ nwẹnị ị̀ ḅẹrẹkọn mẹ ḍuko wasama tomikiri ḅẹ asịẹ ma pịrị ḅa.

Matiyo 12:20

Ori ịnyọ nyana-a apụ ma na lọkọma lọkọma mịẹ ḅa, tẹ ọ̀ pịkị iḅi-anga kẹ ḅarasụa pịrị apụ nyana-a apụ ma na kọn ḅa. Anị ḅara mie ọ̀ mịẹ nwenii jụmọ-jụmọ inoma kunoma ḅarịye,

Matiyo 4:16

Kanakana ḅio anga apụ ma opu bele ẹrị ḅa, fịị kanakana ye-yọ ḅụ anga apụ ma, bele ḅịya ịn sarama ḅa.”

Matiyo 5:3

“Ḅioḅẹlẹ sime ịn tẹmẹ ḅụ igoin wararị ḅara nimi apụ ma pịrịm; ini ma ịn Tamụnọ Ama-da suku-ḅio sọ tẹẹ!”

Luku 4:17

ịn nwẹnị ịkịankoro Ayịzaya ḍiri saakị ọ̀ pịrị. Ori anị finji tẹso, ọ̀ nwẹnị miemẹ ẹrị, anị kẹẹ kuro wararị:

Luku 6:20

Jizọsị ò ḍukamẹnjịapụ ma ḍiki tẹ ḅẹẹm, Ọmịnị igoin-apụ, ó boma tẹẹ; Tamụnọ Ama-da mẹ sime ọ́ pịrịm!

Luku 7:22

Ọ̀ Jọnị oku-mẹnjịapụ ma pakịrịm, “Ọ́ pịkịma-so tẹ ọmịnị ẹrị ye na ọ́ naa ye na ḅẹlẹma Jọnị pịrịị: tọrụngbọ-pụụntẹ-apụ inetẹ ye ẹrịarị; ekeliapụ sakị iḅima mẹnjị tẹẹ; sofịnị-obi-kọnapụ gwọọ tẹẹ; ḅeri-iningiapụ sọ iḅiọkụ ye naa tẹẹ; fịtẹ-apụ sọ fịị ḅụ saakịarị; igoin-apụ sọ iḅi-oku mẹ naa tẹẹ.

Jọnị 1:41

Anị gbọrụ kiri ọ̀ nwẹnị ori iyimbere Sayịmọnị ḍọkị tẹ ḍuko ọ̀ pịrị, “Mẹsaya ḅe wa ori ẹrị tẹ” (anie fiearị ye “Kịrayịsị”.)

Jọnị 12:46

À bele sọ tomikiri mẹ pịrị ḅẹ ḅom, mịẹtẹ ì minini ḅọ, minini ḅọ kanakana ḅio sime ḅịa ḅara.

Jọnị 3:34

Tamụnọ kẹ fịrịma ḅọ ḅe, Tamụnọ ọ̀ Tẹmẹ kẹ ọ̀ ḅụụ ḅio suu ḅinma wararị ẹrẹsị, Tamụnọ ẹkwẹn ma mie ọ̀ kọn-arị.

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

Fịrịmẹnjịapụ 4:26

Tomikiri ḅẹ amadapụ ma ịna aḅụụ kobiri, tẹ owu kẹ KỊNỊNYANA-TAMỤNỌ ḅe na Ọ̀ Mẹsaya ḅe na paka ḅẹm.”

Fịrịmẹnjịapụ 4:27

Anie anị mịẹ ḅara, mị ama mẹ ḅio mie Ẹrọdị na, Pọnịtịyọsị Payịleti na, Ja asịẹ ḅẹ apụ ma na Izirẹlịapụ na kobiri ị́ Fịafịa Fịrịmẹnjịḅọ Jizọsị, tẹ ị́ kẹ Mẹsaya sọma ḅọ ḅe pịrị ye.

Kọlọsị 1:13

Kẹ gotẹ ọkọ ḍukoarị, ori mie kanakana kụrọ ḅio wa pakama-ḅo tẹ ye wa la-a ḅara kẹ wa kẹ mu ọ̀ ḅẹlẹma Tụḅọ ḅe amakiri mẹ lama ḅọ,

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.