Luku 4:16 - FỊAFỊA BAỊBỤLỤ

¹⁶ Anịtẹso Jizọsị Nazarẹtị mum, kala-sakị kụra-ḅio ori anga paka-ḅo yọ mẹ, tẹ ọ̀ mịẹ-mịẹ ḅara ḅụ ọ̀ nwẹnị ama-warị mẹ mu Ịnyọsara-Ene mẹ ḅụ. Ọ̀ saakị sịẹ tẹ Fịafịa Ḍiri mẹ go ḅẹ tẹso,

Luku 4:16 Iomraidhean Croise

Matiyo 2:23

tẹ Nazarẹtị nwẹn-sịn gbọrụ ama kẹ ori ama sọma. Tẹ miemẹ nwẹnị mịẹtẹ ịkịankoro apụ ma ḍuko ye mẹ paka tẹ ye sọ: “Ịn kẹ ọ̀ sịn ḅarịye Nazarini.”

Luku 2:39

Josẹfụ na Meri na KỊNỊNYANAḄỌ oloko mẹ ḅiim ịn mịẹ nwẹn ḅẹẹ aị mamgba mịẹ fama tẹso, ịn nwẹnị pịkịma so Galili ḅụ ịna ama Nazarẹtị mu.

Luku 2:42

Oyi maa kụra finji Jizọsị sịḅị ḅọrọ tẹso, ịn nwẹnị in mu-mu ḅara kẹ alalị mẹ muarị tẹ ọ̀ kẹ sụa mu.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 4:15

Ọ̀ nwẹnị ama-awarị ma ḅio ḅụ ye-toluma, tẹ naa ḅọ, naa ḅọ ò tokinim.

Luku 4:17

ịn nwẹnị ịkịankoro Ayịzaya ḍiri saakị ọ̀ pịrị. Ori anị finji tẹso, ọ̀ nwẹnị miemẹ ẹrị, anị kẹẹ kuro wararị:

Luku 4:21

ori ịn ḅẹẹm, “Mịmgba mị fịafịa ḍiri pamba mẹ ḅẹ ẹkwẹn mẹ ḅo karakara ye sọ tẹ, anị goo sakị ọ́ wẹrị naa ḅara.”

Luku 4:23

Ọ̀ nwẹnị ịn ḅẹẹ, “À nimim ọ́ mị egberi mẹ gbaa ị̀ pịrị ḅa, ‘Ḅịrịḅọ ị́ ḅụụ gwọ.’ Ọ́ pịkị ị̀ ḅẹẹ ḅa mịnẹ ọ́ naam Kepanọmụ ḅụ mịẹ aị ma mị ị̀ ama mẹ ḅụ sọ à mịẹ.”

Jọnị 18:20

Jizọsị nwẹnị pakịrị, “Ama-ogbo mie sakị mamgba àrị ẹkwẹn tomḅọ goḅọ-goḅọ pịrị, pịrị ye; à tolumarị ye mẹmgba ama-awarị ḅio na Tamụnọ-warị mẹ ḅio na, anie tomi mamgba kobiri, kobiri anga ma, ḅụ mie à toluma fama ye. Jene-jene amụ à ḅọị anga gberie-sọ ḍuko-a.

Fịrịmẹnjịapụ 17:2

Ọ̀ mịẹ-mịẹ ḅara ḅụ, Pọlụ nwẹnị ama-warị mẹ ḅio sọ-mu, tẹ tẹra Ịnyọsara-Ene na gbasị ye kẹ tomi ma na ḅịḅị-ọkịya.