Luku 4:1 - FỊAFỊA BAỊBỤLỤ

¹ Jizọsị Jodanị tọrụ mẹ ḅụ pịkịma som, Fịafịa Tẹmẹ ḅe ọ̀ ḅụụ sọ ḅin wararị ḅara ḅụ. Tẹ Tẹmẹ ḅe nwẹnị ọ̀ kẹ ịkpa ḅio mu.

Luku 4:1 Iomraidhean Croise

1 Amadapụ 18:12

KỊNỊNYANAḄỌ ḅe Tẹmẹ ḅe nwẹnị à mu gbọrụ sakị í dogi-so à nimi-a anga mu tẹ anieḅụ à mu ḍuko Ehabụ pịrịm mịnẹ ị́ mịangaa ḅụ emii tẹ ò ḅo tẹ ị́ ḍọkị ẹrị-a kụma, ori ị̀ ḅaa ḅa, yẹrị ị́ fịrịmẹnjịḅọ ḅe kala-sakị kụra-ḅio KỊNỊNYANAḄỌ ḅe nimim ḅẹsọ.

1 Amadapụ 19:4

Kụma ori ḅe ḅioju nwẹnị bebe gbọrụ ene kẹ mẹnjị ịkpa mẹ ḅio sọ-mu tẹ ḅo ịn kẹ ọfịnye mịẹ-mịẹ gbọrụ opu sịn suku lẹgị sime tẹ fịị ḅẹ ḅii, tẹ ḅẹẹm, “iḅi tẹẹ, Yei KỊNỊNYANAḄỌ, mịọkụ ì ḍumo ọkịị, kẹ gotẹ ọkọ ḅẹẹarị, arị iḅi ị̀ aḍapụ ma nẹngị-a.”

Ayịzaya 61:1

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe Ọ̀ tẹmẹ kẹ ị̀ ḅụụ ḅio suu ḅinma tẹẹ. Ori ị̀ sẹlẹ ọkị tẹ ị̀ kẹ fịrịma tẹ Iḅi-oku kẹ mu igoin-apụ ma pịrị ḅẹ ḅara, Ḅioḅẹngbọ kaan-sara tẹ apụ ma gwọ, Ḍuko kun-ḅara ḅio simearị apụ ma pịrị ịn paka-ḅo ḅa, pịkị ikoli ḅio simearị apụ ma ḅẹẹ ini ịna sịḅị atomi sọ ḅa.

Izikẹlị 3:14

KỊNỊNYANAḄỌ ḅe kụrọ mẹ ḅo opuma ị̀ ọgọnọ gbana tẹ ọ̀ tẹmẹ ì dogi-som, anị ị̀ ḅụụ akụ tẹ àrị ịganịm.

Matiyo 3:16

Jọnị minji mẹ kẹ Jizọsị sara tẹso gbọrụ sakị, Jizọsị nwẹnị minji mẹ ḅio mẹnjị iwo ḅo. Anịtẹso So nwẹnị finji Jizọsị pịrị tẹ ọ̀ nwẹnị Tamụnọ Fịafịa Tẹmẹ ḅe ẹrị ori olosịkịya kịka tẹ kuro-ḅo ori ọgọnọ gbanarị.

Luku 2:27

Tẹmẹ ḅe kẹ ò jike ḅara ḅụ, Simiyọnị nwẹnị Tamụnọ-warị mẹ ḅio sọ-mu. Ọ̀ ḍa-na-iyingi-na ọ̀ kẹ Tamụnọ-warị mẹ ḅio sọ-mu tẹ Oloko mẹ ḅii ḅara mịẹ ọ̀ pịrị ḅẹ sakị,

Luku 3:3

Mie ḅụ Jọnị nwẹnị bebe Jodanị tọrụ mẹ la anga, la anga mu tẹ Tamụnọ ẹkwẹn kọn tomi ma pịrị; ori mẹẹ, “Ọmịnị ọmịna asi ḅụ pịkị tẹ minji sara-a, Tamụnọ ọmịna asi wẹrịso ọ́ pịrị ḅa.”

Luku 3:38

Ẹnọsị tụḅọ, Ẹnọsị anie Sẹtị tụḅọ, Sẹtị anie Adamụ tụḅọ, Adamụ anie Tamụnọ tụḅọ.

Luku 4:14

Anịtẹso Jizọsị nwẹnị pịkịma so Galili mu, Fịafịa Tẹmẹ ḅe kụrọ ọ̀ ḅụụ ḅio sime-ḅara ḅụ. Ò gboloma ye nwẹnị anị iri mamgba kana-koro.

Luku 4:18

“KỊNỊNYANAḄỌ ḅe Tẹmẹ ḅe ị̀ ọgọnọ emi, ori ị̀ sẹlẹ-ọkị tẹ àrị iḅi-oku mẹ ḍuko igoin-apụ ma pịrị ḅẹ ẹrẹsị. Ori ị̀ fịrịmam à mu ḍuko kun-ḅara ḅio sime apụ ma pịrị mịnẹ ịn paka-ḅo ḅa, pịkị tọrụngbọ pụụn tẹ apụ ma ḅẹẹ mịnẹ ịn ye ẹrị ḅa, ja apụ ponomarị apụ ma sọ pụkọ-pakaḅo ḅa.

Jọnị 1:32

Tẹ Jọnị miemẹ ḍuko pakamam, “À Tẹmẹ ḅe ẹrịm, ori olosịkịya kịka tẹ So-ḅio koro ḅo ori ọgọnọ gbanam.

Jọnị 3:34

Tamụnọ kẹ fịrịma ḅọ ḅe, Tamụnọ ọ̀ Tẹmẹ kẹ ọ̀ ḅụụ ḅio suu ḅinma wararị ẹrẹsị, Tamụnọ ẹkwẹn ma mie ọ̀ kọn-arị.

Fịrịmẹnjịapụ 1:2

ọkị mu Tamụnọ ori ọkị iwo so mu sakị la. Tẹrẹmẹ Tamụnọ ori ọkị iwo so mu, ọ̀ tarị Fịafịa Tẹmẹ ḅe kụrọ ḅụ ọ̀ sẹlẹ-ọkị afịrịmẹnjịapụ ma mịẹ ḅẹ aị tọn ịn pịrịm.

Fịrịmẹnjịapụ 10:38

Nazarẹtị ḅẹ Jizọsị ḅe gbolomaye mẹ, anie Tamụnọ ọ̀ Fịafịa Tẹmẹ ḅe na kụrọ na kẹ ori ọgọnọ ọsụma sara ye mẹ sọ, ó nimi tẹ. Ò mu la-a anga ofori, tẹ iḅi mịẹ, pịkị Ekwesu ḅe kẹ omoni sọma sime apụ ma gwọm, Tamụnọ ori Jizọsị ḅe na emi ẹrẹsị.

Fịrịmẹnjịapụ 8:39

In minji mẹ ḅio sime tẹ paka-ḅo tẹso, KỊNỊNYANAḄỌ ḅe Tẹmẹ nwẹnị Filipu dogi-so. Fịrịmẹnjị-opuḅọ ḅe ḅarị jen kẹ ori ẹrị-a tẹ nwẹnị ḅioḅẹlẹma ò mu sime anga mu.