Luku 3:8 - FỊAFỊA BAỊBỤLỤ

⁸ Ọmịna asi ḅụ ọ́ pịkị tẹ mẹ ḍie-pakama ḅẹ amịẹaị ọ́ nwẹn mịẹ, tẹ ḅarị ḅẹẹ ma mịnẹ Ebira-amụ anie ọmịna atẹngịḅọ. À ḍuko ọ́ pịrịarị mịnẹ Tamụnọ inetẹ mịna aḍụḅarị ma kẹ awọ sọma Ebira-amụ pịrị ḅa!

Luku 3:8 Iomraidhean Croise

Nehimaya 5:11

Mị gbọrụ ene mẹ ḅụ ọmịnị ịna piri ma na, ịna kụrọ aḍụọ ma na, ịna olivu aḍụọ ma na, ịna awarị ma na, igbigi kẹ kiri sọnọa si ḍie ḅẹ gbọrụ kiri mẹ na, mgbọlị mẹ na, iru mẹ na, pulo mẹ na tẹ ọmịnị ịna aḅara ọkịarị aị ma pịkịma ịn pịrị.”

Izikẹlị 33:24

Ori mẹẹ, “Fịị-fịị tomḅọ, Izirẹlị ḅẹ amakiri mẹ ḅẹ kaan-kọsịtẹ opu ama ḅẹ atomi ma ḅarị: ‘Ebira-amụ kpọkpọ gbọrụ tomḅọọ, tẹ in bebe amakiri mẹ kẹ ọ̀ pịrịm. Wamịnị tọnwa atomi emi emi, mie ḅụ mịọkụ amakiri mẹ sime wa pịrịm.’ ”

Matiyo 21:43

“À ḍuko ọ́ pịrịarị, Tamụnọ Ama-da mẹ ḅụ simearị aboma ma, ini ọmịna ḅara arị ọkị tẹ kẹ saḅama karakara iḅi sịnmgbọlụ sụa ḅẹ apụ pịrị ḅa.

Matiyo 3:8

Mịọkụ ọmịnị ọmịna asi ḅụ pịkị Tamụnọ daa tẹ nwẹn ḅẹẹ ye ḍie pakama ḅarị amịẹaị mịẹẹ.

Matiyo 3:9

Ó kuroma ma mịnẹ ọmịnị Ebira-amụ kẹ ọmịna atẹngịḅọ sịn-arị ẹrẹsị, ọ́ Tamụnọ kẹ fịrịma ḅarị fomu-ḅara mẹ ḅụ inetẹ pụkọ-so ḅa. Ó nimi mịnẹ Tamụnọ inetẹ mịna aḍụḅarị ma ọkị awọ sọma Ebira-amụ pịrị ḅa!

Luku 13:25

Warị nyanaḅọ ḅe saakị tẹ ọ̀ ḅọkọ gbaịn ḅa; anịsakị ọmịnị etela sime apụ ma ḅọkọ mẹ ḅakụ tẹ ḅẹẹ ḅa, ‘Wanyanaḅọ ḅọkọ mẹ finji wa pịrịị!’ Ori ọ́ pakịrị ḅa, ‘Àrị ó ḅo anga nimi-a!’

Luku 13:26

Anịtẹso ọmịnị pakịrị ḅa, ‘Wamịnị na ị́ na fị na ḅuu na simem; ị́ pịkị wamịna ama ḅụ ye tolumam!’

Luku 14:9

tẹ warị nyanaḅọ tẹ ọmịnị maa apụ sịn ḅọ ḅe ḅofa ḅo ị́ ḅẹẹ, ‘Mịanga saakị ḅieḅe pịrị.’ Anị sakị ị́ ḅụụ-jịrị ḅụ mu iderima tẹịn anga mẹ ḅụ lẹgị ḅa.

Luku 19:40

Jizọsị nwẹnị pakịrị, “À ḍuko ọ́ pịrịarị, ini ḅịḅị gbaịnm ḅẹḅẹ mịna aḍụḅarị ma ḅioju saakị oloku pakama ḅa.”

Luku 19:9

Jizọsị nwẹnị ọ̀ ḅẹẹ, “Mịmgba ḅọrọma ḅo mị warị la tẹ; ḅieḅe sọ kọkọ Ebira-amụ furo-ḅẹ-ḅọ.

Luku 5:21

Oloko mẹ toluma apụ ma na, Farịsiiapụ ma na nwẹnị ini aḅụụ ḅẹẹ, “Ḅie ḅọrọ tọ-anga ḅoarị tomḅọ, tẹ nwẹn kẹ Tamụnọ kẹ kpọọtiarị? Tamụnọ sikima inetẹ si-wẹrịso kịnị pịrị ḅẹ ḅọ ofori!”

Jọnị 8:33

Ịn nwẹnị pakịrị, “Wamịnị Ebira-amụ furo paka apụ, tẹ jene-jene amụ wa gbọrụḅọ-sọ omoni sọ-a. Anịsakị ị́ ḅẹẹarị, ‘Ọ́ ḅarana sịḅị nyana tẹ apụ sọ ḅa’ ḅẹẹ ye mẹ í tiye fiearị?”

Jọnị 8:39

Ịn nwẹnị ọ̀ pakịrị, “Ebira-amụ anie wamịna ḍaḅọ.” Jizọsị nwẹnị pakịrị, “Ebira-amụ nwẹnị karakarama tẹ ọmịna ḍaḅọ ḅe namịna, mimgbe ori ḅe mịẹ gbọrụ aị ma mie ọmịnị sọ mịẹ ḅẹ ye.

Fịrịmẹnjịapụ 26:20

À tarị Damasịkọsị ḅụ saakịm, anịtẹso Jeruselemu na, bebe Judiya mẹ ḅụ na, pịkị Ja asịẹ ḅẹ apụ ogboku ḅụ na, arị ẹkwẹn tomi pịrị tẹ ịn ḅẹẹm mịnẹ ini ịna asi ḅụ pịkịị, tẹ Tamụnọ ḍukamẹnjị, tẹ ịn si ḅụ pịkị tẹ nwẹn ḅẹẹ ḍumo kọn.

Romu 4:16

Mie ḅụ Tamụnọ minini ye mẹ sime Tamụnọ ḅụụ minini nyana apụ pịrịm, mịẹtẹ anị giregire ḅarị ḅara mịnẹ Tamụnọ ḍiki-ḅụụjịrị ḅụ mie anị sịrẹrẹ wararị ye ḅẹ sakị anị sime Ebira-amụ awọmẹ mamgba pịrịm, anị sime papaa Oloko koko apụ kịngẹ pịrị-a, kụma Ebira-amụ Tamụnọ ḅụ minini nyana ḅara kẹ minini nyana apụ sọ anị sime pịrịm. Anị sime-ḅara ḅụ Ebira-amụ ḅe anie wamịnị-mgba ḍaḅọ tẹmẹ anga ḅụ.

Romu 9:7

Anie anị sime-ḅara: Ebira-amụ furo paka apụ mamgba Tamụnọ awọmẹ-a. Tamụnọ Ebira-amụ ḅẹẹm, “À minini ị́ pịrị awọmẹ ma Ayịzịkị ḅụ mie ịn saakị ḅarịye.”

Filipayị 1:11

Karakara iḅi-yemịẹ-ḅara ọmịna ḍumo ḅụ ḅin ḅa, anie Jizọsị Kịrayịsị ngẹrị inetẹ pakama-ḅo tẹ kẹ ebube na tokini na kẹ Tamụnọ pịrịarị aị.