Luku 3:5 - FỊAFỊA BAỊBỤLỤ

⁵ Ó pokolo anga goyegoye sara pakama-ḅoo, tẹ tụndụ ma na tụndụ ma na ḅaa gbasịmaa. Ọ́ fangala-fangalatẹ etela ma mịẹ gono-gonomaa, ọ́ pịkị gbima-gbimatẹ etela ma mịẹ lẹsẹrẹmaa.

Luku 3:5 Iomraidhean Croise

Ayịzaya 40:4

Pokolo ayọ ma sara pakama-ḅoo; tụndụ mamgba ḅaa lẹsẹrẹmaa. Tụndụ ma ḅo lẹsẹrẹ-kiri sọ ḅa, tẹ gbima-gbima-kiri mẹ kẹ minimini kiri mịẹ.

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Ayịzaya 45:2

Yẹrị ḅarana í etela tẹlẹma ḅa, tẹ tụndụ ma na gele-akiri ma na ḅaa lẹsẹrẹma ḅa. Àrị ojo ogigo-aḅọkọ ma kan-sara tẹ anị ḅẹ ikulele ẹngbẹsẹ aị ma anyịma kọsịma ḅa.

Ayịzaya 49:11

Tụndụ ma ọgọnọ arị opu etela mịẹ saḅama ḅa tẹ etela tẹlẹma ị̀ atomi pịrị tẹ in mẹnjị ye mu ḅa.

Izikẹlị 17:24

Amakiri mẹ ḅio sime sịn goyegoye nimi ḅa mịnẹ yẹrị anie KỊNỊNYANAḄỌ ḅe. Yẹrị anie sịn ma pẹlẹ-gbin tẹ mịẹ tẹ tim-timtẹ asịn ma ḍụḅa paka-ḅo tẹ sịn sọarị. À mịẹ tẹ ịwọ-jaja asịn ma kpatụarị pịkị mịẹ tẹ samụnọtẹ asịn ma ịwọ aị sọarị. Yẹrị KỊNỊNYANAḄỌ ḅe ọkọ ḅẹẹm. À mịẹ ḅẹ tẹ ḍuko ye mẹ à mịẹ ḅa.”

Jemụsị 1:9

Kịrayịsị ḍukamẹnjịḅọ tẹ igoin kiri ḅụ Tamụnọ saakị-gelema ḅọ mẹ, mḅọ ḅioḅẹlẹẹ,