Luku 3:3 - FỊAFỊA BAỊBỤLỤ

³ Mie ḅụ Jọnị nwẹnị bebe Jodanị tọrụ mẹ la anga, la anga mu tẹ Tamụnọ ẹkwẹn kọn tomi ma pịrị; ori mẹẹ, “Ọmịnị ọmịna asi ḅụ pịkị tẹ minji sara-a, Tamụnọ ọmịna asi wẹrịso ọ́ pịrị ḅa.”

Luku 3:3 Iomraidhean Croise

Matiyo 3:11

Yẹrị kịngẹ kụma ó si ḅụ pịkị tẹ Tamụnọ daa tẹ nwẹn ḅẹẹ elekima minji mie à kẹ ọ́ sararị ye; kụma ị̀ sakị ḅọrọ tẹso, gbọrụḅọ ḅo tẹ Fịafịa Tẹmẹ ḅe na, kọrị-fịnị na, kẹ minji kẹ ọ́ sara ḅa. Ori ị̀ nẹngị la ḅara ḅụ, ọ̀ kẹ ḅụọ sụarị okuro sọ à dogi gbẹẹ-a.

Luku 1:16

tẹ ori Izirẹlị ḅẹ tọnwa-apụ pịkịma ḅo ịn Nyana Tamụnọ ḅe pịrị ḅa.

Luku 1:77

tẹ ḍuko ori atomi pịrị ịn ḅọrọma ḅa ịna asi wẹrịso ịn pịrị ḅụ.

Luku 4:1

Jizọsị Jodanị tọrụ mẹ ḅụ pịkịma som, Fịafịa Tẹmẹ ḅe ọ̀ ḅụụ sọ ḅin wararị ḅara ḅụ. Tẹ Tẹmẹ ḅe nwẹnị ọ̀ kẹ ịkpa ḅio mu.

Jọnị 1:28

Mie-mẹmgba mịẹ anga anie Bẹtani ama ḅụ, anie Jodanị tọrụ mẹ ḅẹ ịrụa saakịarị pakịrị anga mẹ da anga ḅẹ Bẹtani mẹ, Jọnị sime tẹ minji kẹ kịnị sara sime anga mẹ.

Jọnị 3:26

Mie ḅụ ịn nwẹnị mu ḍuko Jọnị pịrị, “Ye-tolumaḅọ, Jodanị tọrụ ḅụ ịrụa saakịarị anga ị́ na sime tẹ ị́ ḅụụ ḅụ ye ḍuko wa pịrị ḅọ ḅe, ị́ ọ̀ kẹ ḅiokoroma? Mịọkụ ori sọ minji kẹ kịnị sararị, tẹ tomi mamgba ọ̀ dama-muarị.”

Fịrịmẹnjịapụ 13:24

Jizọsị amụ ọ̀ kọrịnama saakị-a ogbo, Jọnị tarị ẹkwẹn Izirẹlịapụ ma pịrịm mịnẹ ini ịna asi ḅụ pịkị tẹ minji sara-a.

Fịrịmẹnjịapụ 19:4

Pọlụ nwẹnị ḅẹẹ, “Jọnị minji-sara mẹ sime amịna si ḅụụ pịkị tẹ apụ pịrịm; tẹ ori Izirẹlịapụ ḅẹẹm mịnẹ ini ori ọḅụjụ ḅoarị ḅo ḅe minini, anie Jizọsị.”

Fịrịmẹnjịapụ 22:16

Ọkọẹrẹsị ḅarị sakị fama ma, saakị tẹ minji sara-a, tẹ ị́ asi ma sịkịrị so, ọ̀ tẹkẹ ḅụ.’