Luku 3:17 - FỊAFỊA BAỊBỤLỤ

¹⁷ Ori mbịaka gugu kana ọ̀ ḅara emi, ọ̀ kẹ ẹsịma tẹ mbịaka ma gugu tẹ kobiri fịye koko anga suu ḅa, kụma ò fun ma kẹ biin-biin-a fịnị ḅio dọkịma ḅa.”

Luku 3:17 Iomraidhean Croise

Devidi-Anume 1:4

Kụma si-mịẹapụ ma gbala-gbala ye anị ḅara kẹ ini na sime-a; ịn kịkarị ye fẹrụ kẹ fiin soarị asịra.

Ayịzaya 30:24

Nambulo ma na kala asụ ma na tẹ ọmịna aḍụọ ma ḅẹ kiri soku aị ma fọnọ-mẹnjịarị aị ma nwẹnị iḅitẹịn nama afịaị nyana tẹ fị ḅa.

Jerimaya 15:7

Amakiri mẹ ḅụ sime ama goyegoye ḅụ à samụnọtẹ asịra wakị sara ḅara kẹ ọ́ kẹ wakị fẹrụ pịrịm. Ì atomi, àrị ọ́ ḅaa gulugulumam, arị ọmịna ḍọkọḍọkọ-awọmẹ ḅaam ọmịnị ọmịna si etela ma dasịẹma-a ẹrẹsị.

Mayịka 4:12

Kụma mịna opu asịẹ ma KỊNỊNYANAḄỌ ḅe kuroma nimi-a, ini ọ̀ mịẹ ḅẹ tọn-arị ye mẹ fiearị ye nimi-a mịnẹ mbịaka kobiri gbẹ anga mu ḅara kẹ ori ịn kobiri tẹ ḅara.

Matiyo 13:30

Yee mbịaka ma na, osuka asịra ma na gbọrụ ḅụ kẹ so-paka, nwenii tẹ ḍiḅi aị ma soku sakị la. Anị sakị ḅụ à ḍuko fịye soku kọrịnama kọrị apụ ma pịrị tẹ ịn tarị asịra ma nụnụ sin tẹ, kẹ poku, poku fịna tẹ dọkịma ḅa, anịtẹrẹmẹ ini mbịaka ma kobiri mu ị̀ fịaị koko warị ḅio suu wẹrị ḅa.”

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Luku 3:18

Jọnị Iḅi Oku mẹ ḍuko tomi ma pịrị sakị kịrị-kịrị aḅọkọ ọ̀ nwẹn kẹ ẹkwẹn kụrọma ịn pịrịm, mịnẹ ini ịna si amịẹaị ma ḍima.