Luku 3:16 - FỊAFỊA BAỊBỤLỤ

¹⁶ Mie ḅụ Jọnị nwẹnị inimgba ḅẹẹ, “Yẹrị minji kịngẹ mie à kẹ ọ́ sararị, kụma ị̀ nẹngị lama ḅọ ḅoarị. Anị ḅọ ḅe ḅụọ ḅẹ okuro ḍiki kịngẹ sọ à fima gbẹẹ-a. Tamụnọ Fịafịa Tẹmẹ ḅe na kọrị-fịnị na mie ọ̀ kẹ minji kiri ḍima tẹ kẹ ọ́ sara ḅarịye.

Luku 3:16 Iomraidhean Croise

Egberima-Ẹkwẹn 1:23

Àrị ó ḍiki-ịganịarị sakị, ó pokii. À tọnwa nimi kẹ ọ́ pịrị ḅa, à pịkị ị̀ ẹkwẹn-ḅịḅị mẹ kẹ ị́ tọrụ finji ḅa.

Ayịzaya 32:15

Kụma KỊNỊNYANAḄỌ ḅe pịkị siin jen gbọrụ sakị kẹ ọ̀ tẹmẹ kẹ wa fịrịma ḅa. Papaa koro simearị si tẹ kiri mẹ ḅo fịye pakamarị ye ḍiḅi iḅi kiri sọ tẹ tọnwa iḅi afịaị pakama ḅa.

Ayịzaya 4:4

Ọ̀ kụrọ ḅụ KỊNỊNYANAḄỌ ḅe sịẹ mẹ kọn tẹ anị mịẹ kpaịnma ḅa, tẹ Jeruselemu ḅẹrẹ-ḅarasii mẹ sịkịrị siin ḅa, pịkị anị anga ọsụ tẹ ọmbie mẹ sọ.

Izikẹlị 36:25

À kịọnkịọn minji kẹ ọmịnị asana tẹ mị tẹ ọmịna oru-afụḅara mamgba na jen ye goyegoye tẹ ó pilematẹ ye mẹ ḅụ ọ́ sịkịrị fịafịa ḅa.

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

Matiyo 3:11

Yẹrị kịngẹ kụma ó si ḅụ pịkị tẹ Tamụnọ daa tẹ nwẹn ḅẹẹ elekima minji mie à kẹ ọ́ sararị ye; kụma ị̀ sakị ḅọrọ tẹso, gbọrụḅọ ḅo tẹ Fịafịa Tẹmẹ ḅe na, kọrị-fịnị na, kẹ minji kẹ ọ́ sara ḅa. Ori ị̀ nẹngị la ḅara ḅụ, ọ̀ kẹ ḅụọ sụarị okuro sọ à dogi gbẹẹ-a.

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Jọnị 1:26

Jọnị nwẹnị pakịrị, “Minji kịngẹ mie à kẹ tomi sararị ye, kụma ọmịna ogboku ó nimi-a gbọrụḅọ sịẹ wararị.

Jọnị 1:27

Ori ị̀ ọḅụjụ ḅoarị, kụma ọ̀ ḅụọ ḅẹ okuro ḍiki sọ à fima siin gbẹẹ-a.”

Jọnị 1:33

Anịsọ à paa amụ nimi-a ori ḅara, kụma Tamụnọ ḅe tẹ ị́ fịrịmam à mu minji kẹ tomi sara ḅẹẹ ḅọ ḅe mẹẹ, ‘Ị́ Tẹmẹ ḅe ẹrị ḅa ò ḅo tẹ gbọrụḅọ ọgọnọ gbana sime ḅa; ori ḅe anie Fịafịa Tẹmẹ ḅe kẹ minji kẹ kịnị sara ḅarị ye.’ ”

Jọnị 7:38

Anie pịkị Fịafịa Ḍiri mẹ ḍukoarị ye, ‘Ì minini ḅọ, minini ḅọ ḍumo-pịrịarị minji mḅọ ḅioḅẹngbọ ḅụ sime tẹ sara, sara paka-ḅo ḅa.’ ”

Fịrịmẹnjịapụ 1:5

Jọnị papaa minji kẹ ọ́ saram, kụma boowa aḍin sakị ḅụ ịn Fịafịa Tẹmẹ ḅe kẹ minji kẹ ọ́ sara ḅa.”

Fịrịmẹnjịapụ 10:44

Pita paa ẹkwẹn-arị ogbo Fịafịa Tẹmẹ ḅe koro ḅo ò poki sime apụ mamgba ọgọnọ gbanam.

Fịrịmẹnjịapụ 2:33

Tamụnọ, ọ̀ Ḍaḅọ ḅe, ọ̀ saakị iwoma mu ori ama-ḅara anga lama tẹ; ori pịkị, ò minini wa pịrị ḅara ḅụ, Tamụnọ ḅara Fịafịa Tẹmẹ ḅe da tẹ kẹ wa fịrịma tẹẹ. Mịọkụ ọmịnị ẹrị tẹ pịkị naarị ye mẹ anie ò ḍiepịrịye mẹ tẹ ọ̀ kẹ wamịna ọgọnọ ọsụma sara ye mẹẹ.

1 Kọrịntị 12:13

Anị gbọrụ ḅara ḅụ, wamịnị-mgba, ḅọrọ Juu-ḅẹ-apụ-o, Ja asịẹ ḅẹ apụ-o; omoniapụ-o, amịna sịḅị atomi-o, gbọrụ Tẹmẹ ḅe minji kẹ wa sara tẹ wa kẹ gbọrụ oju mịẹ tẹ, wamịnị-mgba pịkị anị gbọrụ Tẹmẹ ḅe nyana tẹ Kịrayịsị ọmbie mẹ ḅuu tẹ.