Luku 3:14 - FỊAFỊA BAỊBỤLỤ

¹⁴ Ọmụapụ ma ḅẹ ja apụ sọ ò gbelam, “Wamịna jụ tọ-ḅara? Ndẹẹ wa mịẹ na-iḅi ye?” Ọ̀ nwẹnị ịn ḅẹẹ, “Ọ́ kụrọ-ḅara kẹ gbọrụḅọ sọ ḅara igbigi ọkị ma, ọ́ pịkị tomḅọ nimi-a ye kẹ mḅọ sịḅị sẹịn ma. Ịn kẹ ọ́ gbẹẹarị ye ọmịnị na iḅi.”

Luku 3:14 Iomraidhean Croise

Paka-so 20:16

Gbọrụḅọ-sọ iruo ogbo-sịẹḅọ sọ amịna pembe tomḅọ pịrị ma.

Paka-so 23:1

“Iruoye kẹ paka ye sọma ḍuko ma. Si-sịḅịḅio-sụa tomḅọ na ḅara gboloma tẹ tọn tomḅọ pịrị si gotẹ ogbo-sịẹḅọ sọ ma.

Lẹvitikọsị 19:11

“Ó furu ma, anịanịa kịnị inoma, anịanịa iruo kọn.

Matiyo 8:5

Jizọsị mẹnjị Kepanọmụ ama ḅio sọ-mu tẹso gbọrụ Romu ḅẹ ọmụ-alaḅọ ori na bịama tẹ ọ̀ tẹkẹm ọ̀ ḅarasụa ọ̀ pịrịị.

Luku 19:8

Zakịyọsị nwẹnị saakị sịẹ tẹ KỊNỊNYANAḄỌ ḅe ḅẹẹ, “Ị̀ nyanaḅọ, ì pokii! À nyana aị mamgba à kẹ maa anga ḍie tẹ gbọrụ anga kẹ igoin-apụ pịrị ḅa, à pịkị inoma ḅara kẹ ḅara ḅụ ye ọkị ḅọ emi-emii àrị anị ḅẹ inia akiri kẹ mḅọ gbẹẹ ḅa.”

Luku 3:10

Tomi ma nwẹnị ò ḅii, “Anịsakị, wamịnị mịẹ ḅẹ ye ḅọrọ tiye?”

Luku 3:13

Ọ̀ nwẹnị ḍuko ịn pịrị, “Ịn tọn ọ́ pịrị igbigi ḅịḅị nẹngị ye tomina ḅara ọ́ nwẹn oso ma.”

Fịrịmẹnjịapụ 10:7

Enjẹlị ḅe so tẹso, Kọnilọsị nwẹnị ọ̀ warị ḅẹ fịrịmẹnjị maa apụ na ò suku-ḅio sime, Tamụnọ nimi wararị tẹ ò ḍikiḍikiarị apụ ma ḅẹ gbọrụ ọmụḅọ na, sịn tẹ

Filipayị 2:15

mịẹtẹ ọmịnị angarị si, gulugulu fatẹ tomikiri mẹ ḅụ, ọ́ Tamụnọ karakara awọmẹ ḅara kẹ si na gboloma-a, tẹ fịafịatẹ ḍumo kọn ḅarị ḅara. Ịna ogboku ḅụ ó So-tọrụ ḅẹ alolia kọrị ḅara kẹ ḅịya pakaa,

Filipayị 4:11

Anịsakị àrị ọkịarị ọmịnị ì ḍiki-tọrụsin tẹ ḅẹ ẹrẹsị à miemẹ ḍuko-a, kẹ gotẹ ọkọ ḍukoarị, àrị à nyana ye ị̀ na iḅi ḅẹ ḅara ḍawọ tẹ.

Tayịtọsị 2:3

Anị gbọrụ ḅara ḅụ, omongi ereme ma toluma tẹ ini ereme kẹ ye mịẹ na-iḅi ḅara kẹ ye mịẹ, tẹ fịafịa ḍumo kọn. Ịn kịnị kẹ oḅukulo worima ḅọrọma, pịkị omoni sọ iru pịrị ma. Ini iḅiye tolumaa,

Mịẹfinji 12:10

Anịtẹso à So-ḅio gele pọkọ kẹ olokuarị gbọrụ pọkọ naam ḅẹẹarị, “Mịọkụ Tamụnọ ḅọrọma mẹ ḅo tẹ! Mịọkụ Tamụnọ ori Amadaḅọ nwẹn ḅẹẹ ḅara kẹ amịna kụrọ ḍie-pakama tẹ! Mịọkụ Tamụnọ ọ̀ Mẹsaya ḅe kẹ ḅẹrẹtọn ḅẹ kụrọ ḍie-pakama tẹ! Kẹ gotẹ ọkọ ḍukoarị, Tamụnọ tọrọkọ sịẹ tẹ, eneḅaka na ḍin na kẹ ḅẹrẹ ḍuko, ḍuko wamịna amịnapụ ma sịḅị sẹịn-arị ḅọ ḅe ini ò sukuruma pakama tẹ So-ḅio ḅụ.”