Luku 3:11 - FỊAFỊA BAỊBỤLỤ

¹¹ Ọ̀ nwẹnị pakịrị, “Maa kapa nyanaḅọ gberie kẹ nyana-a ḅọ pịrịị. Fịye nyanaḅọ kẹ fị ḅẹ ye ofori ḅọ na ḍiee.”

Luku 3:11 Iomraidhean Croise

Izikẹlị 18:7

Ọ̀ kịnị-inoma inoma-a, anịanịa kụrọ-ḅara kẹ ḅẹḅọ-ḅẹḅọ nye furu. Ori ọ̀ ḅara ye-ḅọlọ ḅọ kẹ ọ̀ ḅara sụa tẹ ye ḅọlọ ye kẹ pịkị mḅọ pịrịarị; ò fịye kẹ ḅuru-pọkọtarịḅọ pịrị fịarị, pịkị kapa kẹ paụ wararị ḅọ pịrị sụarị.

Danẹlị 4:27

Ọkọẹrẹsị, Gburo-gburo Opuḅọ, à kẹ í ḅeri nụnụ ḅarịye mẹ daa-ọkị. Ḅarị si mịẹ ma, karakara ye mịẹẹ, tẹ ḍiki-ḅụụjịrị nyana igoin-apụ pịrịị. Anịsakị í lolo tọrọkọ-tọrọkọ mu ḅa.”

Matiyo 25:40

Amadaḅọ ḅe nwẹnị pakịrị ḅa, ‘À ḍuko ọ́ pịrịarị, ó miemẹ mịẹ tẹ kẹ mịna ị̀ amịnapụ ma ḅụ tomi kẹ ye-sịn-a apụ ma ḅụ iderima-tẹịn ḅọ mẹ pịrị sakị, pịrị sakị, ọ́ mịẹ ị̀ pịrị tẹẹ!’

Luku 11:41

Kụma ọ́ tarị ọmịna kọpụ ma na ẹfẹrẹ ma na ḅio sime aị ma kẹ igoin-apụ pịrịị, anịsakị ye goyegoye, anị mịẹ-mịẹ ḅara ḅụ, fịafịa ọ́ pịrị ḅa.

Luku 18:22

Jizọsị mie naa sakị, ò tomḅọ ḅe ḅẹẹm, “Gberie paa kọn wararị tẹ ị́ mịẹ na-iḅi ye. Ị́ nyana aị mamgba dẹrị tẹ igbigi mẹ kẹ igoin-apụ pịrị, anịsakị So-ḅio ị́ ngọ nyana ḅa; tẹ ḅo tẹ ì ḍukamẹnjịị.”

Luku 19:8

Zakịyọsị nwẹnị saakị sịẹ tẹ KỊNỊNYANAḄỌ ḅe ḅẹẹ, “Ị̀ nyanaḅọ, ì pokii! À nyana aị mamgba à kẹ maa anga ḍie tẹ gbọrụ anga kẹ igoin-apụ pịrị ḅa, à pịkị inoma ḅara kẹ ḅara ḅụ ye ọkị ḅọ emi-emii àrị anị ḅẹ inia akiri kẹ mḅọ gbẹẹ ḅa.”

Jọnị 13:29

Judasị anie ịna igbigi koko ḅọ ḅẹ sakị, Jizọsị ḍukamẹnjịapụ ma ḅẹ ja apụ kuromam mịnẹ Jizọsị ọ̀ ḅẹẹ tẹ ò mu ịn kẹ alalị mẹ fị ḅẹ aị fẹẹ, anịanịa ò mu ye kẹ mịẹ ḅẹ ọkụ ofori apụ pịrị.

Fịrịmẹnjịapụ 10:2

Ori Tamụnọ nimi tomḅọ, tẹ ori na ò bebe warị-kpo mẹmgba na sakị mamgba Tamụnọ tẹkẹ tẹkẹm. Ọ̀ pịkị ḅẹlẹma ḅarasụa Juu-ḅẹ igoin-apụ pịrị, pịrịm, tẹ sakị mamgba Tamụnọ tẹkẹ, tẹkẹm.

Fịrịmẹnjịapụ 10:31

Ọ̀ nwẹnị ḅẹẹ, ‘Kọnilọsị, Tamụnọ ị́ tẹkẹ naa tẹ, pịkị ị́ kẹ mịẹ ḅẹ ọkụ ofori apụ mịẹarị iḅi mẹ sọ ẹrị tẹ.

Fịrịmẹnjịapụ 10:4

Ḅalafa ḅụ ọ̀ nwẹnị tọrụ finji gegema tẹ enjẹlị ḅe ḍiki tẹ ḅẹẹ, “Ị̀ Nyanaḅọ, tiye paka?” Enjẹlị ḅe nwẹnị ọ̀ pakịrị, “Tamụnọ ị́ atẹkẹ naa tẹ; ḅarasụa mịẹ ḅẹ ọkụ ofori apụ pịrị akọrịnama ma tẹ ị́ kọrịarị aị ma sọ ori ẹrị tẹ, tẹ arị ó ḅioḅẹlẹmarị ọ̀ pịkị tẹlẹma tẹ í boma ḅẹ tẹ.

Ẹfisọsị 4:28

Furu-furuḅọ ḅarị furu ma, tẹ saakị kọrịnama kọrịị, mịẹtẹ mḅọ karakara ḅọkọ ḅụ mḅọ kẹ amịna ḅụụ ḍikiḍiki ḅẹ ye nyana tẹ pịkị inetẹ ḅarasụa igoin-apụ pịrị ḅẹ ḅara.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

1 Timoti 6:18

Tọn ịn pịrị, ini iḅi mịẹ, ini iḅi akọrịnama ḅẹ ngọ kọn, ịn tẹlẹma tẹ kịẹn-a ḅara kẹ ja apụ na ịn nyana aị ḍiya.

Hiburu 6:10

Tamụnọ ò tomḅọ la kiri kẹ mḅọ pịrị-a so so-a. Ọ́ kọrị ọ̀ pịrị kọrịnama mẹ ọ̀ kẹ ḅioḅọrọma ḅịa, anịanịa ò gotẹ ọ́ nyana ọmịna pembema Kịrayịsị ḍukamẹnjịapụ pịrị ḅẹlẹma mẹ, anie ḅarasụa ịn pịrị ḅụ ó ḍie pakama ye mẹ, tarị tarị ọ́ mịẹ tẹ, pịkị mịọkụ mịẹarị ḅara mẹ.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.

Jemụsị 2:14

Ị̀ amịnapụ, gbọrụḅọ nwẹnị ḅẹẹm mḅọ minini nyana wararị, tẹ mḅọ amịẹaị ọkọ sime-a kụma tọ iḅi anị ḅụ emi? Anị minini mẹ inetẹ mḅọ ḅọrọma ḅẹ?

1 Jọnị 3:17

Kẹ anga ḅẹ ye nyana wararị ḅọ mḅọ mịnaḅọ ẹrịm ye mḅọ ḅụụ-fụkamarị, tẹ ọkụrụkụrụ nyana mḅọ mịnaḅọ mẹ pịrị-a ḅẹ kụma, ndẹẹ mḅọ inetẹ ḅẹẹ ḅẹ ḅara mịnẹ mḅọ Tamụnọ ḅẹlẹmarị?

1 Jọnị 4:20

Gbọrụḅọ ḅẹẹarị mịnẹ mḅọ Tamụnọ ḅẹlẹmarị, kụma mḅọ amịna mịnaḅọ ḍiki-ḅioḅuarị ḅẹḅẹ, mḅọ iruoḅọ. Kẹ gotẹ ọkọ ḍukoarị, mḅọ inetẹ mḅọ tọrụngbọ kẹ ẹrị-a Tamụnọ ḅe ḅẹlẹma tẹ, mḅọ mịnaḅọ tẹ mḅọ tọrụngbọ kẹ ẹrịarị ḅọ mẹ ḅẹlẹma ḅịa ḅara ofori.