Luku 24:6 - FỊAFỊA BAỊBỤLỤ

⁶ Ọ̀ mịanga ofori, Tamụnọ ọ̀ saakịma tẹ. Ò Galili ḅụ simearị sakị ò ḍuko ọ́ pịrị ye mẹ ọ́ nwẹn kẹ ḅiokoromaa:

Luku 24:6 Iomraidhean Croise

Matiyo 12:40

Jona tẹra eneḅaka na tẹra aḍin na kẹ opu inji furo ḅio sime gbọrụ ḅara mẹ mie Tomḅọ Tụḅọ ḅe sọ tẹra eneḅaka na tẹra aḍin na kẹ kiri suku-ḅio jụ ḅụ sime ḅarị ḅara.

Matiyo 16:21

Anị sakị mẹ ḅụ saakị tọrọkọ mu Jizọsị saakị giregire ḅara kẹ ḍuko ò ḍukamẹnjịapụ ma pịrịm, “Mịẹ ḅara, mịẹ ḅara sọ à Jeruselemu mu ḅa, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ḅara ḅụ kpọma tọrụsiẹrị da ḅa. Ini ị̀ ḅaa ḅa, kụma tẹra aḍin karama ene ḅụ à saakị tẹ ḍumo ḅa.”

Matiyo 27:63

tẹ ḅẹẹm, “Wa nyanaḅọ, wa kẹ ḅioḅọrọmaa, mịnẹ anị iruoḅọ ḅe ḍumo wararị sakị ọ̀ ḅẹẹm, Tẹra ḍin ḅọrọ tẹso, Tamụnọ fịị ḅụ ị̀ saakịma ḅa.

Matiyo 28:6

Ọ̀ mịanga ofori; ‘Tamụnọ fịị ḅụ ọ̀ saakịma tẹ, anie ọ̀ ḅẹẹ ḅara mẹ. Ọ́ mịanga ḅo tẹ ò koro-sime anga mẹ ḍikii.

Makị 16:6

Ọ̀ nwẹnị ḅẹẹ, “Ọ́ ḅụụ-gbiripu ma. À nimi wararị mịnẹ ọ́ Nazarẹtị ḅẹ Jizọsị ḍọkịarị, ịn kẹ ẹngbẹsẹ-sịn ḅụ ḅakụ ḅọ ḅe. Ọ̀ mịanga ofori — ọ̀ saakị tẹẹ! Ó ḍikii, mie ini ò koroma anga mẹ.

Makị 8:31

Anịtẹso Jizọsị saakị ò ḍukamẹnjịapụ ma tolumam: “Tomḅọ Tụḅọ ḅe kpọma tọrụsiẹrị ḅa, tẹ ama ḅẹ omongi apụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin ḅọrọ tẹso, ọ̀ saakị tẹ ḍumo ḅa.”

Luku 24:34

tẹ in ḍukoarị, “Karakara ye KỊNỊNYANAḄỌ ḅe ọ̀ saakị tẹẹ! Ọ̀ pịkị ḅụụ kẹ Sayịmọnị ḍie tẹẹ!”

Luku 24:5

Opu ḅalafa ḅụ ereme ma nwẹnị iḅo, owiapụ ma ịn ḅẹẹarị sakị, “Ó tiegotẹ fịtẹ-apụ ma ogboku ḍumo wararị ḅọ ḍọkịarị?

Luku 9:22

Ọ̀ pịkị ịn ḅẹẹm, “Tomḅọ Tụḅọ ḅe ẹrị ḅarị tọrụsiẹrị ḅakam, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin karama ene ḅụ Tamụnọ ọ̀ saakịma tẹ ò ḍumo ḅa.”

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Fịrịmẹnjịapụ 2:24

Kụma Tamụnọ fịị ḅụ ọ̀ saakịma tẹ mịẹtẹ fịị ḅarị ọ̀ ḅụụ kụrọ nyana-a; gbala anị sime-ḅara ḅụ, fịị inetẹ ọ̀ ḅụụ kụrọ nyana tẹ ọ̀ kẹ ikoli suu wẹrị ḅịa.

2 Tẹsalonịka 2:5

Ọ́ kẹ ḅiokoroma-a? Àrị ọmịnị na emi sakị mẹmgba à ḍuko ọ́ pịrịm.