Luku 24:49 - FỊAFỊA BAỊBỤLỤ

⁴⁹ Tẹ ị̀ Ḍa minini ọ́ pịrị ye mẹ yẹrị ḅarana anị kẹ ọ́ fịrịma ḅa. Kụma gbala-gbala opu ama mẹ ḅio ó so ma nwenii kụrọ So-ḅio koro ḅo ọmịna ọgọnọ gbana sakị la.”

Luku 24:49 Iomraidhean Croise

Ayịzaya 32:15

Kụma KỊNỊNYANAḄỌ ḅe pịkị siin jen gbọrụ sakị kẹ ọ̀ tẹmẹ kẹ wa fịrịma ḅa. Papaa koro simearị si tẹ kiri mẹ ḅo fịye pakamarị ye ḍiḅi iḅi kiri sọ tẹ tọnwa iḅi afịaị pakama ḅa.

Jọnị 14:26

Ḅarasụaḅọ ḅe, anie Fịafịa Tẹmẹ ḅee, Ḍaḅọ ḅe ị̀ ẹrẹ ḅụ kẹ fịrịma ḅẹ ḅọ ḅe, ye goyegoye kẹ ó toluma ḅa, tẹ pịkị mịẹtẹ ọmịnị à ḍuko ọ́ pịrị tẹ aị mamgba kẹ ḅiokoroma ḅa.

Jọnị 15:26

“Ḅarasụaḅọ ḅe ḅo ḅa — Tẹmẹ ḅe, ori anie Tamụnọ gboloma karakara mẹ mịẹfinji ḅẹ ḅọ ḅee, tẹ Ḍaḅọ ḅe ḅụ ọ̀ paka-ḅoarị. Àrị ị̀ Ḍa ḅe ḅara ḅụ ọ̀ kẹ ọ́ fịrịma tẹ ori ì gboloma ye ḍuko ḅa,

Fịrịmẹnjịapụ 1:4

Tẹ ịn ḅo kobiri tẹso, ọ̀ mị oloko mẹ sụa ịn pịrịm: “Ó Jeruselemu koroma-so ma, tẹ koru nwenii tẹ Ḍaḅọ ḅe minini ọ́ pịrị tẹ à ḍuko ọ́ pịrị ye mẹ ḅo ọmịna ḅara la sakị la.

Fịrịmẹnjịapụ 1:8

Kụma Fịafịa Tẹmẹ ḅe ḅo ọmịna ọgọnọ gbana sakị, kụrọ ọmịna ḅụụ ḅio ḅin tẹ, ó Jeruselemu ḅụ na, Judiya ḅụ na, Sameriya ḅụ na, bebe tomikiri mẹ ḅụ na ị̀ ḅụụ ḅẹ aḅẹrẹ ma ḍuko-ḍuko tomi pịrị ḅa.”

Fịrịmẹnjịapụ 16:7

In Misiya agara la sakị ini anị ḅọrọ tẹ Bitiniya ibe sọ ḅẹ-yearị kụma Jizọsị Tẹmẹ ḅe ḅarị ḍụkụ ịn pịrị-a.