Luku 24:45 - FỊAFỊA BAỊBỤLỤ

⁴⁵ Anịtẹso ọ̀ nwẹnị ịna aḅioḅẹngbọ ma finji, ịn Fịafịa Ḍiri mẹ fiearị ye naa ḅẹ ḅara,

Luku 24:45 Iomraidhean Croise

Jobu 33:16

anịsakị mie ò tomina aḅeri finjiarị, tẹ ḅeri-nụnụaị kẹ ịna atẹmẹ naịn-naịnmarị,

Devidi-Anume 119:18

Ị̀ atọrụngbọ finjii, mịẹ tẹ arị í oloko mẹ ḅio simearị ḅụụ-buama karakara aị ma ẹrị ḅẹ ḅara.

Paka-so 4:11

Anịtẹso KỊNỊNYANAḄỌ ḅe nwẹnị ọ̀ ḅẹẹ, “Tụḅọ tomḅọ ḅịḅị mẹ tẹmẹ? Tụḅọ ọ̀ mịẹtẹ ọ̀ ḅịḅị ikpopu, anịanịa ò ḅeri iningi, anịanịa ò ye ẹrịarị, anịanịa ọ̀ tọrụngbọ pụụn? Yẹrị KỊNỊNYANAḄỌ ḅe, anị mịẹ-a?

Luku 24:32

Tẹ ịn nwẹnị jụmọ-jụmọ ḅẹẹ, “Etela wa nwẹn mẹnjịma ḅoarị tẹ ọ̀ Fịafịa Ḍiri mẹ puu-finji wa pịrịarị sakị wamịna ḅioḅẹngbọ koko ḅẹlẹ ḅụra?”

Fịrịmẹnjịapụ 16:14

Wa ẹkwẹn pịrị apụ ma ḅẹ gbọrụḅọ anie Lidiya nwẹn sịn ḅọ, Tayatira ḅẹ ḅọ, tẹ arị awụ ḅịtẹ dẹrị-dẹrịm. Árị ma anie sunsin Tamụnọ pịrị, pịrị ẹrẹḅọ, tẹ KỊNỊNYANAḄỌ ḅe á ḅioḅẹngbọ finji tẹ arị iḅiọkụ Pọlụ ḍuko ye mẹ pokim.

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

Ẹfisọsị 5:14

kẹ gotẹ ọkọ ḍukoarị, ḅẹẹ ye, ḅẹẹ ye, ịn banabana ḅara kẹ anị mịẹfinji tẹ ḅẹḅẹ anị bele sọ tẹ. Anie in gotẹ ḅẹẹ ye, “Saakịị, mono-ḅọ, tẹ fịị ḅụ saakịị, anịsakị Kịrayịsị ḅịya ị́ sarama ḅa.”

1 Jọnị 5:20

Wa karakara ḅara kẹ Tamụnọ nimi ḅẹ ẹrẹsị Tamụnọ Tụḅọ ḅe ḅo tẹ ò gboloma nimi mẹ kẹ wa pịrịm. Mịọkụ wa Tamụnọ na pịkị ọ̀ Tụḅọ Jizọsị Kịrayịsị ḅe na gbọrụ ḅụ angarị. Mị karakara ḅara mẹ kẹ Tamụnọ nimi mẹ anie pịkị sime gbamaso ḍumo mẹ.

Mịẹfinji 3:7

“Mị ḍiri mẹ kẹẹ tẹ kẹ Fịladẹlịfịya ḅẹ sọsị mẹ ḅẹ enjẹlị ḅe fịrịmaa: “Miemẹ anie fịafịa tẹ pịkị karakara wararị ḅọ ḅe ḅara ḅo oku mẹ. Ori anie Devidi sambị mẹ ọlọ ḅọ, tẹ ḅọkọ finji kụma inetẹ gbaịn ḅẹ ḅọ ofori, pịkị gbaịn kụma inetẹ finji ḅẹ ḅọ ofori, ḅọ ḅe.