Luku 24:44 - FỊAFỊA BAỊBỤLỤ

⁴⁴ Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Luku 24:44 Iomraidhean Croise

Suku-saakị 14:18

Mẹlịkizẹdẹkị, Selẹmụ ḅẹ amadaḅọ, ori anie pịkị Geletẹịn Tamụnọ ḅe agbamịẹḅọ ḅe fịturu na iru na pakama-ḅo Ebiramụ pịrịm,

Suku-saakị 22:18

tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

Devidi-Anume 118:22

Warị nama apụ ma ye ḅụ ofori ḅara kẹ sịkị ḍụḅarị mẹ ḅo arịmgba ḅụ kụrọ nyana tẹịn ye sọ tẹ.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

Ayịzaya 52:13

KỊNỊNYANAḄỌ ḅe mẹẹ, “Ị̀ fịrịmẹnjịḅọ fịrị mẹ lolo ḅa; kịnị iḅiọkụ kụn kẹ ọ̀ pịrị ḅa.

Ayịzaya 7:14

Ọkọ ḅẹḅẹ iḅim, KỊNỊNYANAḄỌ ḅe ḅioju ḅarana elekima kẹ í ḍie ḅa; iriawọ-tụḅọ tẹ fura wararị ḅọ ma owiḅọtụḅọ iyi tẹ Ịmanụwẹlị kẹ ọ̀ sịn ḅa.

Ayịzaya 9:6

Ịn gbọrụ tụḅọ iyi wa pịrịtẹ! Ịn gbọrụ owiḅọtụḅọ kẹ wa pịrịtẹ! Tẹ ori wamịna ḅẹrẹtọnḅọ sọ ḅa. Ịn kẹ ọ̀ sịn ḅarịye, “Ḅụụ-buama Ḅẹrẹ-tolumaḅọ, Opu kụrọ Tamụnọ, Gbamaso Ḍaḅọ, Dein Amanyanaḅọ.”

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Jerimaya 33:14

KỊNỊNYANAḄỌ ḅe ḅẹẹm, “Sakị mẹ ḅoarị, anie arị à minini Izirẹlị na Juda na pịrị ye mẹ mịẹ ḅẹ sakị mẹ.

Izikẹlị 17:22

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “À geletẹ sida sịn-arị ọgọnọ-jụ ḅio ịwọma paka-ḅoarị ịkpangị anyịma ọkị ḅa; Àrị anị kẹ gele tụndụ ọgọnọ ḍiḅi ḅa,

Izikẹlị 34:23

Arị ị̀ fịrịmẹnjịḅọ Devidi kịka amadaḅọ kẹ ịn pịrị tẹ ori ịna kpọkpọ gbọrụ anana-ḍikiḍikiḅọ sọ tẹ in koko ḅa.

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Danẹlị 7:13

À mịẹ ịkịan mẹ ẹrịarị sakị ḍin mẹ ḅụ, à tomḅọ kịkaye ẹrịm. Ọ̀ mẹnjị ị̀ dama-ḅoarị, oḅuto ori ikelema-koro wararị ḅara ḅụ, tẹ ò mu ḍumo mu ḅẹẹ-sakị ḅẹẹ-sakị laarị ḅo ḅe la tẹ ini ọ̀ kẹ ọ̀ pịrịm.

Hosiya 3:5

Kụma sakị ḅo ḅa Izirẹlịapụ ma siin pịkị KỊNỊNYANAḄỌ ịna Tamụnọ ḅe dama-ḅo ḅarị sakị, pịkị Devidi furo paka-ḅo ịna amadaḅọ na. Anịtẹso ịn KỊNỊNYANAḄỌ ḅe ḍiki-ḅalafaa ḅa tẹ ori iḅi ḍiepịrị-aị daa-ọkị ḅa.

Emọsị 9:11

“Anị ene mẹ ḅụ, à siin Devidi ama-da yọ mẹ pakama-ḅo ḅarị sakị mẹ, anie kaan-sara tẹ warị kịkarị ye mẹ. À siin anị ḅẹ onu ma tẹlẹma tẹ anị tarị ḅara mẹ sime ḅa. À siin anị nama tẹ anị mịẹ tẹ anị iḅere-iḅerea kụra ḅio ḅara mẹ sime ḅa.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Zẹkaraya 13:7

Kụrọmamgba nyana KỊNỊNYANAḄỌ ḅe ḅẹẹarị, “Mono ḅụ saakị, okologie, tẹ owu kẹ namakọrị ị̀ pịrịarị anana-ḍikiḍikiḅọ ḅe paka! Ọ̀ ḅaa, tẹ anana ma gala-gala ḅa. Yẹrị owu kẹ ị̀ atomi paka ḅa,

Zẹkaraya 14:4

Anị ene mẹ ḅụ, ori Olivu Tụndụ mẹ ọgọnọ ḅụ sịẹsime ḅa, Jeruselemu ḅụ ịrụa saakịarị pakịrị da anga mẹ ḅụ. Anịtẹso ini Olivu Tụndụ mẹ kẹ maa anga ḍie ḅa, ịrụa-saakịarị-anga anga ọkị mu anị tuuideriarị pakịrị la ḍụḅatẹ tụndụ ogboku ḅụ. Tụndụ mẹ ḅẹ gbọrụ pakịrị mẹnjị ọgọnọ-jụ da ḅa tẹ anị ḅẹ gbọrụ pakịrị suku-jụ da ḅa.

Zẹkaraya 6:12

Ḍuko ọ̀ pịrị mịnẹ Kụrọmamgba nyana KỊNỊNYANAḄỌ ḅe ḅẹẹarị, ‘Ịn kẹ Sịn Ḅara Ḅe sịn owiḅọ ḅe lolo ḅa ò simearị anga mẹ ḅụ tẹ ori KỊNỊNYANAḄỌ ḅe Warị mẹ nama ḅa.

Zẹkaraya 9:9

Zayọnị ḅẹ apụ, ó ḍerekuu, ó ḍerekuu! Ọmịnị Jeruselemu ḅẹ apụ, ó ḍereku ḅụ olokuu! Ḍiki, ọmịna amadaḅọ ọ́ ḍọkụma-ḅoarị! Ò karakaraye mịẹ ḅọ pịkị owu-ḅara-iḅiḅọ ḅara kẹ ḅoarị, kụma ḅụụ-lẹgịma tẹ kala asụ kẹ mẹnjịarị asambịrịma ye ọgọnọ, ịwọ asụ.

Kịẹn-aḅịḅị 21:8

Tẹ KỊNỊNYANAḄỌ ḅe nwẹnị Mozizi ḅẹẹ, “Ḅalafama gbọrụ si oronwi tẹmẹ, tẹ anị kẹ nangwọtẹ gbọrụ si oronwi tẹmẹ, tẹ anị kẹ nangwọtẹ gbọrụ sịn ikiḅa ḅịḅị ḅụ sololo; ḅẹḅọ-ḅẹḅọ tẹ oronwi ḅe gbọn ḅọ gbọn ḅọ, mḅọ anị ẹrị sakị, mḅọ ḍumo ḅa.”

Kịẹn-aḅịḅị 35:25

Anịsakị tomina-ogbo mẹ ọmbie-gbẹẹfị-ḅiiḅọ ḅe ḅara ḅụ nimiatẹ-kịnịḅaḅọ ḅe ḍụa-ḅọrọma ḅa, tẹ tomina-ogbo mẹ siin ọ̀ pịkịma ọ̀ ḅụụ ḅọị opu ama mẹ tẹ ò ḍumo-mangị kọn mu opu ama mẹ mu tẹ ori anị ḅio anga nwenii Sịḅịda-Agbamịẹḅọ ḅe fịị sakị la ḅa.

Matiyo 1:22

Nwẹn ḍuko ye mẹmgba mịẹm, anie KỊNỊNYANAḄỌ ịkịankoroḅọ ḅe ḅụ ḅọrọ tẹ ḍuko tẹ ye mẹ paka ḅẹm ẹrẹsị,

Matiyo 16:21

Anị sakị mẹ ḅụ saakị tọrọkọ mu Jizọsị saakị giregire ḅara kẹ ḍuko ò ḍukamẹnjịapụ ma pịrịm, “Mịẹ ḅara, mịẹ ḅara sọ à Jeruselemu mu ḅa, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ḅara ḅụ kpọma tọrụsiẹrị da ḅa. Ini ị̀ ḅaa ḅa, kụma tẹra aḍin karama ene ḅụ à saakị tẹ ḍumo ḅa.”

Matiyo 26:54

Tẹ anị nwẹnị anị ḅara paka kụma, ndẹẹ Fịafịa Ḍiri mẹ ḍukom mịnẹ anị ọkọ paka ḅa ḅẹẹ ye mẹ mịẹ tẹ ye sọ ḅẹ ḅara?”

Matiyo 26:56

Kụma mie mẹmgba paka tẹ, mịẹtẹ ịkịankoroapụ ma Fịafịa Ḍiri mẹ ḅio kẹẹ koroma wararị aị ma karakara aị sọ ḅẹ ḅara.” Anịtẹso ò ḍukamẹnjịapụ mamgba ò koroma mangị-som.

Makị 9:31

ò ye kẹ ò ḍukamẹnjịapụ ma tolumarị ẹrẹsị: ori mẹẹ, “In Tomḅọ Tụḅọ ḅe saḅama ọ̀ ḅaa ḅẹ atomi pịrị ḅa. Anị sime-ḅara, sime-ḅara sọ, tẹra aḍin sakị ḅụ ọ̀ saakị tẹ ḍumo ḅa.”

Luku 21:22

Arị ene ma anie ‘Fomu-ḅara ḅo tomi la ḅẹ ene ma,’ tẹ Fịafịa Ḍiri mẹ ḍuko aị mamgba mịẹ fama ḅa.

Luku 22:37

Yẹrị ḍuko ọ́ pịrịarị, mịnẹ Fịafịa Ḍiri mẹ ḍuko ye mẹ, ‘Ini ịn kẹ si-mịẹapụ mịẹ-mịẹ ḅara kẹ ọ̀ mịẹm,’ ḅẹẹ ye mẹ ị̀ ḅụụ paka ḅa, ị̀ ḅụụ kẹẹ ye mẹ paka ḅẹ ẹrẹsị.”

Luku 24:46

tẹ ịn ḅẹẹ, “Mie anị kẹẹ ḅara: Mẹsaya ḅe tọrụsiẹrị ḅa, tẹ tẹra aḍin karama ene ḅụ ọ̀ fị-ḅụ-saakị ḅa,

Luku 9:22

Ọ̀ pịkị ịn ḅẹẹm, “Tomḅọ Tụḅọ ḅe ẹrị ḅarị tọrụsiẹrị ḅakam, tẹ ama ḅẹ omongiapụ ma na, agbamịẹapụ ma na, Oloko Tolumapụ ma na ọ̀ sịkị ḅa. Ini ọ̀ ḅaa ḅa, kụma tẹra aḍin karama ene ḅụ Tamụnọ ọ̀ saakịma tẹ ò ḍumo ḅa.”

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Jọnị 3:14

Mozizi ịkpa mẹ ḅio ojo kẹ tẹmẹ ododo ḅe saakị gelema ḅara anie ịn pịkị Tomḅọ Tụḅọ ḅe saakị-gelema ḅarị ḅara,

Jọnị 5:39

Ọ́ Fịafịa Ḍiri mẹ ḍawọarị, ọmịnị anị ḅio ḅụ sime gbamaso ḍumo ḍọkị nyana ḅarị ḅoto, tẹ mị Fịafịa Ḍiri mẹ mie ì gboloma aị ḍukoarị!

Jọnị 5:46

Ọ́ karakara ḅara kẹ Mozizi ḍuko ye mininim namịna ọmịnị ì minini tẹ, gbala ori ì gboloma ye kẹẹm.

Fịrịmẹnjịapụ 13:33

ori anị mịẹ wamịnị ịna awọmẹ ma pịrị tẹ, fịị ḅụụ Jizọsị saakịma ḅụ. Anie anị wẹrịtẹ kẹẹ ḅara Devidi Nume Ḍiri mẹ ḅio maaịn karama ye mẹ ḅụ: “Ị́yẹrị ị̀ tụḅọọ; mịmgba à ḅo ị́ Ḍa sọ tẹ.”

Fịrịmẹnjịapụ 13:40

Ọkọẹrẹsị, ọmịnị ẹbị mịnẹ ịkịankoroapụ ma ḍuko ye mẹ ọmịna ḅụụ paka-a.

Fịrịmẹnjịapụ 2:27

ị́ ḍụkụ tẹ ị̀ kẹ Ḍuḅu ḅio gbin koroma ḅịa ẹrẹsị; ị́ pịkị ḍụkụ tẹ ị́ karakara fịrịmẹnjịḅọ ḅe ḍuḅu ḅio sime tẹ ḅụrụ ḅịa.

Fịrịmẹnjịapụ 3:18

Iḅere-iḅerea kụra-ḅio Tamụnọ ịkịankoroapụ ma ḅụụ ḅọrọ tẹ ḍukom mịnẹ ọ̀ Mẹsaya ḅe tọrụsiẹrị ḅa, tẹ ọ̀ mịẹtẹ anị mị-ḅara paka tẹ.

Fịrịmẹnjịapụ 7:37

Mozizi anie Izirẹlị ḅẹ awọmẹ ma ḅẹẹ ḅọ ḅe, ‘Tamụnọ ịkịankoroḅọ kẹ ọ́ fịrịma ḅa, ọ̀ wẹrịtẹ ị̀ kẹ fịrịma ḅara, tẹ ọmịna ḅụ ḅẹ ḅọ mie ọ̀ kẹ fịrịma ḅarịye.’

Hiburu 10:1

Juu-ḅẹ-apụ Oloko mẹ, anị karakara aị ma kịka fama-a; ịn gbala ḅọrọ anị kẹ boowa kala ḅara kẹ ḅo ḅarị iḅi aị ma tọnmam. Kuno-a ḅara kẹ, kụra, kụra ḅụ ịn gbọrụ agba ḅara mịẹarị. Ndẹẹ mị-ḅara ḅụ Oloko mẹ inetẹ mịna agba ma ḅụ ḅọrọ tẹ Tamụnọ ḍọkụma-ḅoarị apụ ma mịẹ karakarama fama ḅẹ ḅara?

Hiburu 3:5

Mozizi ḅe, fịrịmẹnjịḅọ ḅara, mie ọ̀ kẹ Tamụnọ warị mẹ ḅio ḅioḅẹngbọ-kẹ-sịrẹrẹ-niḅi ḅọ ḅara mẹ sime ye, tẹ ọ̀ nwẹnị tọrọkọ-jụ ḅụ Tamụnọ ḍuko ḅarị aị ma ḅẹ ịba-fị.

Hiburu 7:1

Ḅị Mẹlịkizẹdẹkị ḅe anie Salẹmụ ḅẹ amadaḅọ, tẹ pịkị Geletẹịn Tamụnọ ḅe agbamịẹḅọ. Ebira-amụ ori inia amadapụ nẹngịma ọmụ mẹ ḅụ pịkị-ḅoarị ogbo, Mẹlịkizẹdẹkị ori na donia tẹ ò bomam,

Hiburu 9:8

Mịna ọrụtọn aị mamgba ḅụ Fịafịa Tẹmẹ ḅe banabanama ye kẹ wa tolumarị, mịnẹ ḅọrọ Fịafịa-tẹịn Yọ mẹ sọ ḅọkọ mẹ amụ paa finji-a, Akpụrụ tẹkẹ-warị mẹ warị-kuḅu mẹ paa emi sakị goyegoye.

1 Pita 1:11

Ịn pịkị ḍọkị-nimi ḅẹm, sakị mẹ na, anị ḅo ḅẹ ḅara na. Mị sakị mẹ mie Kịrayịsị Tẹmẹ ḅe tẹ ịna ḅụụ ḅio sime ḅọ ḅe ḅara kẹ tọkịma sime ye, tẹ ịn nwẹnị Kịrayịsị ye-inema alama ḅụ ẹrị ḅẹ atọrụsiẹrị ma na arị ḍuka ma-ḅo ḅarị ebube mẹ na ḅẹ ịkịan kuro.

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.