Luku 24:4 - FỊAFỊA BAỊBỤLỤ

⁴ Tẹ in sịẹsime tẹ ọkọ kẹ anị kẹ kpọma kuromarị ogbo, ḅiotọn-a ḅara ḅụ, pịna-fa kapa sụa maa owiapụ ḅo ịna akaka sịẹm.

Luku 24:4 Iomraidhean Croise

Suku-saakị 18:2

Ori ọ̀ tọrụ saakị tẹ ḍikim, tẹ tẹra owiapụ ẹrịm ini ọ̀ tọrọkọ ḅụ sịẹsime wararị. Ori in ẹrị tẹso, ọ̀ nwẹnị akpụrụ-warị mẹ ḅọkọ mẹ ḅụ mangị ini na bịama ḅẹ mu, tẹ ọ̀ sịḅị-tuu mu kiri lama,

Makị 16:5

Anie ḅụ ịn nwẹnị ḍuḅu mẹ sọ mu, tẹ anị anga gbọrụ asatụḅọ ẹrị ori ama-ḅara anga ḅụ lẹgị-sime tẹ pịna-fa vọrọrọ-kapa sụa wararị — tẹ ịna ḅụụ-gbiripum.

Luku 2:9

Tẹ KỊNỊNYANAḄỌ ḅe enjẹlị nwẹnị ḅụụ pakama in ḍie tẹ KỊNỊNYANAḄỌ ḅe ebube nwẹnị ḅịya ịn gbaịn. Ịn nwẹnị kpọma ḅalafa.

Luku 24:5

Opu ḅalafa ḅụ ereme ma nwẹnị iḅo, owiapụ ma ịn ḅẹẹarị sakị, “Ó tiegotẹ fịtẹ-apụ ma ogboku ḍumo wararị ḅọ ḍọkịarị?

Fịrịmẹnjịapụ 1:10

Ori so tẹ ini paa bio-bioma So-tọrụ ḍikiarị ogbo, abịlala ḅiri maa atomi, ḅiotọn-a ḅara, kẹ ḅo ịna akaka sịẹ tẹ

Fịrịmẹnjịapụ 12:7

Ḅiotọn-a ḅara ḅụ KỊNỊNYANAḄỌ ḅẹ enjẹlị tolu-paka-ḅo sịẹ, tẹ bele nwẹnị ikoli-warị mẹ ḅio ḅịya. Enjẹlị ḅe nwẹnị Pita apana ḅụ ò jike saakị tẹ ḅẹẹ, “Fọnya! Saakị sịẹ!” Anị gbọrụ kiri ịn kẹ ori aḅara ịkasị ikoli ma nwẹnị sin sara.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.